Eremyas 3:21 - Fanawbuid tagsibaliwas Fakayabian

²¹ Sis talun at yud e taw fag ngay tagbudbuksulanun, ngay taw Israel gwayway gfainfanyuan aroro kanya fagayu anyayu ay nalyam angku.

Eremyas 3:21 ပူးပေါင်းရင်းမြစ်များ

Ub 33:27

Ay nu katanya, kanya malong tua sa sangay taw te, ‘Nasalan au ay nafakamulun au at yud matuyan, dewa katanya, kdi anfaurianan kata at faurianan ma sa angku.

Fangatulun 10:9

Sik taw tagugali sat yud e malong, e fagmabayanun tua, dewa katanya, sik taw nu mauri way at ugali, kasaful yay ban.

Fangatulun 19:3

Sik taw at fagyudun e fagsafulun gfauri at sadili, ay arodi kanya namayud Yawi.

Isayas 15:2

Ay fagayu taw Dibun naundaud sat dius at bale ay sat ngay bale fagnansegan sa tangabat fag buknga laman nanwayway sanya. Fagayu taw Muab kabalu Nebu ay Medeba. Ay fagayu taw tagsanya naufo at alfuyu ay at ngay umi sik famasaful te, kabalu.

Isayas 17:10

Ngay taw Israel, umfasludan ban sa ayu takatanya, aroro nalyam am Dius tagfalangfe ayu, ay fagsarirungan fag gang. Nu katanya, ay fananum dewa at mafilian fia, kata way sik ubas siginan tibak talun,

Isayas 57:11

Yawi nalong te, “Sinu fia ay fakalimuun fag ngay fagsegan laman kamuag am sa angku? Nalyam wam angku ay wam gamatang ya. Wain ay fagyudun gsuyu angku? O siginan nu yud au garingang ngaduge fag buknga?

Eremyas 12:12

At nanrasras kadasug siginans talun at yud e taw fag ngay tagbudbuksulanun. Ay gagbilug kban anya fagayu kata sik fiso tagsumbalian at uyup laman namauri galay sik taw, ay wa ban e malagyu ya.

Eremyas 13:25

Katanya ban takafasludan sa ayu. Katanya ku fagnamakamulunun sa ayu, aroro nalyam am angku, ay nafanud am sa ay ngay fagsegan.

Eremyas 18:15

Dewa katanya, ku ngay taw nalyam wan angku. Kanya fagayu girug famaebebanglu laman sa tibak ngay fagsegan. Ay kanya fagayu naubun wan at masine ay at matuyan fag dalan, ay nalao way sat yud matuyan, nu inda nu kalub.

Eremyas 2:32

O sik baguina kalyam at ngay dalag taganyang ay at fangadadwa fag lanbung? Ku ngay taw oma am, dewa katanya ngaduge wan nu yud am gamatang ya angku.

Eremyas 3:2

Damai fia sis talun at yud e taw fag ngay tagbudbuksulanun. O nunda e ngay buknga yay sanya ay yud nafasuya? Nafasuya am ay talun. Kata am takamatugtug fag mangena tagmalunggung gugat sis day dalan laman gfanya mangama, ay kata am at mauri fag taw tagfanya at fagfauriun fag taw sis talun at yud e taw. Nafasuya wam ay daga aroro sa ay fagmauriun, ay sa nu gseg am tibak fagsegan.

Eremyas 31:9

Ay kaduge kban gtabanan gfauli kanya fagayu, at kaksvnan nu guseganan sak gwayway ay gdarangin. Gtaban kban anya fagayu sa sangay bulbug, ay glao ban sat masine fag dalan ay di ban kataid. Aroro au taw Israel at mama, ay Efraim ku baguama taguna.

Eremyas 7:29

“ ‘Ufoi ay ngay buk ay ukasi ay nagufoan laman gfalag am ay fakabaluun. Waywayani sis talun yud e taw fag ngay tagbudbuksulanun aroro Yawi natalyuyan wan ay nafabayan ayu fag ngay taw at nafadotama anya.’ ”

Esekyel 23:35

“Ay aroro nalyam o ay naiyan o angku, au, Fun Dius Yawi, glong au te, gidapan ban o aroro am ugali mauri ay nafamatugtug o sa tibak mangama.”

Esekyel 7:16

Ay fagayu ban at yud anbul lumagyu sa sangay buksul, ay gwayway kata labikung nu guni, aroro sat ngay asalanan.

Usea 13:6

Ay nafafangon koma ayu yakmay am napsug, ay nu nkapsug wam kamatungudun wayam ay nalyam am angku.

Usea 8:14

Ngay taw Israel nalyam at takawat. Ngay taw Israel ay ngay taw Uda nawat at ngay bale ayu daul, ay at mogat fag ngay furuan ayu daul. Dewa katanya, nangirug kban kafag ngay furuan ay anggan at mogat fag ngay afud.”

Mikas 3:9

Am fag ngay tagfangguna sis Israel ay sis Uda, dungugani! Wam gfafasludan fagmatuyanun ay wam gfae masuad at matuyan.

Tap 22:32

Yawi at tagbarita nainto sa anya te, “Wain am fagnafalangun am asnu tulu ginan? Nastie au laman gfaragang emu aroro mauri wan am fakamulun sa angku.

2 Kurintu. 7:10

Aroro siginans Dius fag fakabaluun kanya gtaban tua ayu laman gubun am ay asalanan, ay gfosuk ayu sas fakalangfean, ay di e kafayud takatanya fag fakabaluun. Dewa katanya, siginans fagdaul daga fag fakabaluun gtaban way antam sas fakabulun.