Eremyas 3:19 - Fanawbuid tagsibaliwas Fakayabian

¹⁹ Ay guseganan kban glong te, ‘Am wan ku ngay sisian ay gfon kban sa ayu sik talun at masine, sik masine fia fag famonun sas fagdaul daga.’ Nu glong au, gngayan ban am angku te, ‘Mama’ ay wa ban am kasaruayan ya siginan angku.

Eremyas 3:19 ပူးပေါင်းရင်းမြစ်များ

Alubad. 106:24

Kanya fagayu wa naylat Dius at nafon fag daga, dewa masine, aroro wa gafanud sas Dius at fatuyanan.

Alubad. 16:6

Fagayu am nafon sa angku masine, kata sik fanggalangun fag daga am nafon sa angku.

Alubad. 89:26

Kanya gtuyan te, ‘O wan ku Mama ay ku Dius, ay o yangay ku fagsarigan fag gang ay ku tagfalangfe.’

Fangatulun 3:35

Kanya gfauseganan at ke fagsafulun fag ngay taw, dewa katanya, kanya gfae fakaplaun way at yud mamatanganan fag ngay taw.

Isayas 63:16

O wan em Mama, dewa Abrayam ay Akub yud gtuyan emi te, at ngay kasugfunanan. Yawi, matuyan o wan em Mama ay em Tagfalangfe siginan ebi.

Isayas 64:8

Dewa katanya, Yawi, o tua gugat em Mama. Kata o sik takawat tikung, ay ami kata ami at fangawat fag lifak. O at nawat emi fagayu.

Eremyas 12:10

Ngayuk tagfangguna nanrasras Uda, ku nafangayan fia te, ku tanuman wat ubas. Ay kanya umkata sik talun at yud e taw.

Eremyas 3:17

Ay ginanya ban e gfangayan Erusalem te, ‘Yawi at fagbanwanan.’ Ay fagayu ban talun at taw nangaful sanya laman namauseganan angku. Ay kanya ban fagayu wa kamaogatun ya ay wa mauri ya at ngay amatanganan.

Eremyas 3:4

Ay katsi glong am sa angku te, ‘Em Mama, o wan em fagadgalangan siginan nu masisian ami.

Eremyas 31:20

Yawi gbalus te, “Ngay taw Efraim, o nunda am wan ku fakesugun ku ngay sisian? Dewa malayun nu glong au sa ayu at mauri, kesug ktua gugat ayu. Kaylat ktua gugat ay kafanyu ayu.

Eremyas 31:9

Ay kaduge kban gtabanan gfauli kanya fagayu, at kaksvnan nu guseganan sak gwayway ay gdarangin. Gtaban kban anya fagayu sa sangay bulbug, ay glao ban sat masine fag dalan ay di ban kataid. Aroro au taw Israel at mama, ay Efraim ku baguama taguna.

Eremyas 33:9

Ay nu nfasludan ban takatanya, furuan Erusalem ban gfauseganan angku. Ay fagayu ban talun sas fagdaul daga gtadtaruyan kalimu nu nadungug te, furuan Erusalem e fagmasineun wan, ay maramraman, ay e fagmanabayanun siginan angku.”

Eremyas 5:7

Yawi nalong sa anya fagayu te, “Wain ro ku fagfalyamun ay ngay asalanan? Ay anggan ay ngay sisian natalyuyan wan angku ay nafatuyanan sat yud matuyan fag ngay fagsegan. Nafon koma anggan sa ay ngay sisian at ngay fagayudanun. Dewa katanya, natalyuyan yayam fia angku ay maful am si takamatugtug fag mangena at bale.

Esekyel 20:6

Ginanya, nafatuyanan au sa anya fagayu te, namalfas kwan anya fagayu siginans talun Igiptu ay nantaban kban sa ku nafili fag talun, sat masine ay at maramraman fag talun, tagtungud tua sas fagayu talun nu masine.

Daniel 11:16

Nu katanya, tagsis fawalan baliwa fag fun gfakamulun at fakaylatun ay wa ban e mafaragang anya. Kanya ban gagbilug ngay taw Israel at masine fag talun ay gfasat daga fagmabalyananun.

Daniel 11:41

Kanya namawayan yangay Israel fag talun masine, ay ngayu bank taw takabul. Dewa katanya, kanya ban wa gbabo Edum, Muab ay Amun at ngay tagfangguna.

Daniel 11:45

Ay kanya ban kawat sik bale ramit at masine sit yud e malong fag buksul tagsis wabilug duak dagat. Dewa katanya, kanya ban kabul way ay wa ban e ggubuk ya anya.”

Daniel 8:9

Sit sadi fag ufatk sunge e natugbung sik sunge sirut. Kanya fag sunge sirut anke fagmabalyananun sas fakamenitan ay sas fasiunan fag alvngvdan, ay sas Israel fag daga at masine.

Usea 11:8

Ngay taw Israel, kwa ban gaiyan ay gfabayan ayu. Kwa ban gfamin ayu kata ku nafakamulun sa sangay furuan Adma ay Sebuyim. Kauri au sa ku amatanganan nung au gfakamulun takatanya sa ayu. Maksvn nu kafanyu au ayu.

Galasya 3:26

Siginan nu nsadi am sa tam Fun Isus, anngayan am te, Dius at ngay sisian, aroro gafanud am sa anya.

Efesu 1:5

kanya nafalganan antam laman kangayan tam te, at ngay sisian, siginans Isus tam Fun. Katanya at algan ay at fakaylatun.

Deuterunumyu 14:1

Am wan tam Dius Yawi at ngay sisian. Nu katanya, nu kabalu am at kinbul, lag am gfilas ay ngay sadili ay lag am gufo ay buk,

Ebreu 10:39

Ay itam di tam katap sa sangay taw at natalyuyan ay tagafaurianan ban, nu bunway katap tua tam sa sangay taw tagafanud sas Dius ay at kumlangfe.

1 Pedru 1:17

Amatangani te, ay fagsegan fag Mama di e fagfili. Kanya ban namaurianan ay mannga namon at masine sas galay at sadi kata at nafakamulun. Nu katanya, ugalii tua at masine ay at matuyan, ay faningi anya kaduge am gbanwan ste swa daga.