Eremyas 3:17 - Fanawbuid tagsibaliwas Fakayabian

¹⁷ Ay ginanya ban e gfangayan Erusalem te, ‘Yawi at fagbanwanan.’ Ay fagayu ban talun at taw nangaful sanya laman namauseganan angku. Ay kanya ban fagayu wa kamaogatun ya ay wa mauri ya at ngay amatanganan.

Eremyas 3:17 ပူးပေါင်းရင်းမြစ်များ

Fakasigadan 8:21

Ay Yawi nu nayuk kafag fanggalangun at anus, nalong te, “Kwa ban gfadog ya gfaurianan daga aroro sas taw at nafakamulun, dewa au nasaful te, taw at ngay amatanganan kabavn mauri way siginan nu masisian. Kwa ban gfadog ya gfamin fagayu tagleleg, kata ebi ku nafakamulun.

1 Fun 8:41

“Ay tibak talun ban at ngay taw nu nadungug te, mabalyanan o ay madulo, ay kanya ban fagayu nu nalao stae laman nanseg emu ay gdarangin gsalubang ste fag bale,

Alubad. 102:23

Yawi nafamomuy angku gina au mabaguama, ay nafagud ku leleg.

Alubad. 78:8

nu katanya, kanya ban fagayu di kata at ngay mangaguyang at nafamabo, ay at nafamaogatun, ay at yud e fagafanudun ay at yud matuyan sas Dius.

Alubad. 87:3

Erusalem, Dius at furuan, dungugani Dius at ngay longan masine sabaliwa emu!

Isayas 26:8

Yawi, nafaning wami fagayu am ngay suguan, ay gafanud wami sa emu. Em fakaylatun namauseganan wami emu.

Isayas 56:6

Namae fagusegananun kyangay ban tibak talun at ngay taw at nafatigwanan sa angku at ngay sadili laman namakamulun sa angku, ay laman kesug angku, ay laman ku ngay fagsuguan, ay laman gfaning ku ngay suguan sabaliwas Famiangalay fag Menit, ay at namafasludan ku nasadian.

Isayas 59:19

Ay nusnga nday ban gfababaun ay sumeg anya, aroro kanya kadasug kata mamam nu gfawas kaduge sik maksvn fag tagmara nu gtulud.

Isayas 6:1

Gina fun Usya kabul fag banwa, nalag au tam Fun Dius nu malunggung si tiba tungud fag fagmalunggungan, ay at lanbung aba ankapnu sat basad bale.

Isayas 66:1

Katatuy Yawi at longan: “Banwa ku faglunggungan, ay fagdaul daga ku fagsiadan. Nu katanya, tain ban ay fagnangawatun fag bale laman sa angku? Ay dada ban fag furuan nu namafiangalay am angku?

Isayas 66:18

“Saful kway kafag ngay taw at fakamulun ay at ngay amatanganan. Nu katanya, kadasug kban laman namaful au fagayu talun at taw, ay kanya ban fagayu lumag ku fagmabalyananun.

Isayas 66:20

Ay kanya ban fagayu gina guli siginan sangay talun gtaban ban ay ngay kalongan. Kanya ban fagayu gsakay sit ngay kabayu, sit ngay mola, sit ngay kamelyu, ay sit ngay faguyudan. Ay gtaban ban sa ku nafili fag buksul at yud e malong tagsis Erusalem laman sik fanggalangun sa angku, kata ebi ngay taw Israel nu gfon at ngay fanggalangun si ku bale, fanggalangun fag ngay fakonun masuadan sit masine fag fagsuadan.

Eremyas 11:8

Dewa katanya, kanya fagayu wa nadungugan ay wa nsalag ku nalong. Abat ngate, nafaning way at fakamaogatunun ay at fagmauriun. Ay nalong au sa anya fagayu te, faningi tua tam nasadian. Dewa katanya, kanya fagayu wa nafaning. Nu katanya, nafadasug au sa anya fagayu faurianan kata at marirukan sis nasadian.’ ”

Eremyas 12:15

Dewa katanya, gdog kyay ban kafanyu kanya fag ngay talun at ngay taw ay gfafoli sa anya at ngay daga.

Eremyas 12:16

Ay kanya ban fag ngay talun at taw nu gafanud tua fia sa angku kata ku ngay taw ay nu gfatuyan tua ban fia sa ku ngayan, kata at nafoyung sa ku ngay taw nu gfatuyanan sas Baal, kanya ban fagayu ku ngay taw yangay.

Eremyas 14:21

Lag o gaiyan emi aroro am ngayan matuyan tua. Lag o gfae fakaplaun am fagfagtainanan. Ay amatangi am nasadian sa emi, ay lag yap gfayud e masuad.

Eremyas 16:12

Ay fagmauriun aksvn yap tua ay ngay mangaguyang at fagmauriun. Fagayu am nafaning am ay fagmauriun ay ay ngay amatanganan takamaogatun, abat ngate am nafaning angku.

Eremyas 16:19

Nalong au te, “Yawi, o wan ku fagmabitsugun ay ku tagfasun gina au kabalu. Fagayu talun at ngay taw tagsis fagdaul daga nangakbang sa emu ay nanlong te, ‘Em ngay mangaguyang at ngay fagsegan we masuad. Kanya fagayu we nafakamulun nusnge wain at masine.

Eremyas 17:12

Yawi, siginan ebi am bale wan at masine fag fagbanwanan.

Eremyas 18:12

Dewa katanya, ngay taw gbalus te, ‘Duan! Gfataglayun wami em ngay fakaylatun; gfaning wami em amatanganan takamaogatun.’ ”

Eremyas 3:19

Ay guseganan kban glong te, ‘Am wan ku ngay sisian ay gfon kban sa ayu sik talun at masine, sik masine fia fag famonun sas fagdaul daga.’ Nu glong au, gngayan ban am angku te, ‘Mama’ ay wa ban am kasaruayan ya siginan angku.

Eremyas 31:23

Yawi at Mabalyanan, Israel at Dius glong te, “Gina kban nafafoli ngay taw Uda sat talun siginan at fagatabananan, kanya ban fagayu gdog yay glong te, ‘Yawi nangus gfadante at fagbanwanan fag buksul at yud e malong.’

Eremyas 33:9

Ay nu nfasludan ban takatanya, furuan Erusalem ban gfauseganan angku. Ay fagayu ban talun sas fagdaul daga gtadtaruyan kalimu nu nadungug te, furuan Erusalem e fagmasineun wan, ay maramraman, ay e fagmanabayanun siginan angku.”

Eremyas 4:2

ay nu gfatuyan tuo fia sa angku, ay gugali at matuyan, ggubuk ban o sa sangay talun at taw 2 laman kanya fagayu gfauseganan yangay angku.”

Eremyas 7:24

“Dewa katanya, kanya fagayu wa nafaning ay wa nadungugan angku. Abat ngate, nafaksvn way nu kamaogatun at amatanganan ay nu gfakamulun at mauri. Ay kanya fagayu abat ngate nangakbang sa angku, gfataglayun way kayayu.

Eremyas 9:14

Abat ngate, nafaning way at ngay amatanganan takamaogatun, ay naseg Baal kata at ngay mangaguyang at nafakamulun.”

Esekyel 1:26

Ay sanya e kata sik faglunggungan mawatan siginan tagmedmeloun fag ngay gang, ay sanya fag faglunggungan e kata sik taw.

Esekyel 43:7

Glong sa angku te, “Taw at baguama, ste ku faglunggungan ay ku fagfatungkudan ku darafa. Namanwan kban ste magamut ngay taw Israel kabavn. Kanya ban fag ngay taw anggan at ngay fun wa namauri ya ku ngayan, siginan nu gseg tibak fagsegan, ay sat nawat fag ngay aninu famamatang at ngay fun at kinbul.

Esekyel 48:35

“Nu katanya, fagdaul alad at kabaan siamk libuk sangbada. Ay siginan ginanya fag menit, furuan daul kangayan te, ‘Yawi gbanwan sanya.’ ”

Sakaryas 8:8

Namafoli au anya fagayu sas Erusalem, ay namabanwan sanya. Ay gdog kyay ban gtuyan anya fagayu te, ku ngay taw, ay au ban at Dius at matuyan ay at mafanggubuk.”

Tap 15:39

Ay at ngay famaringbing gfamatang fagayu ku ngay suguan sa ayu laman gfaning tuam fia ay bundi lang am fakaylatun fag fakamulun wayam fakamulun.

Ruma 1:21

Kafag ngay taw dewa saful Dius, wa gseg ay wa gfauseganan anya. Abat ngate at ngay amatanganan sa way lang at yud e tungkul, ay nalyam wan at amatanganan sabaliwa at matuyan, kata wan nu ndulum.

Ruma 6:14

Aroro asalanan wa magbilug ya ayu, aroro wam si yas Muisis at Faugali, nu bunway si tuams Dius at fagmagalangun.

Galasya 4:26

Dewa katanya, tagsis banwa fag Erusalem bundi fagsuguan, kanya wan tuga tam mina.

Deuterunumyu 29:29

E ngay masuksukan nusnge wain, ay Yawi tam Dius way lang at nasaful, dewa katanya, kanya nafoyung sa antam at foyungan, ay masine nu gfaning ban tam gugat kanya fag nasadian anggan ban tam ngay kasugfunanan.

Tagfangguna 2:19

Ay kanya fag ngay tagfangguna nu nbul wan, ngay taw Israel gdog yay kafoli sat mauri fag fakamulun ay gdog yay gseg tibak fagsegan aksvn yap at ngay mangaguyang at fagmauriun. Ay kanya fagayu wa kaylat gubun at ngay fakamulun at mauri ay at fakamaogatunun.