Eremyas 3:13 - Fanawbuid tagsibaliwas Fakayabian

¹³ Longi way lang te, “Nafamabo ami emu, Yawi em Dius, ay nafaning ami tibak fagsegan siginan nu naseg ami si sangay fun kayu at marabung at lanbung.” Ay longi yangay te, “Wami nafaning emu.” Au, Yawi, taglong tuy.’ ”

Eremyas 3:13 ပူးပေါင်းရင်းမြစ်များ

Nemyas 9:2

Ay wa nataban at ngay betaw sat fagmafulan. Kanya fagayu namalindug ay nafoyung at ngay asalanan ay anggan at ngay mangaguyang at ngay asalanan.

Fangatulun 28:13

Nu dway o naubun am ngay asalanan, wa ban manabayan nu gbanwan o, dewa katanya, nu nafoyung tuo ay naubun am ngay asalanan, Dius gfalyam.

Isayas 57:5

Ay gseg am ngay fagsegan gina am gtaladan si sangay fun kayu at marabung at lanbung, ay natuyan te, yud e malong. Ay gfon am ay ngay sisian laman ay fanggalangun si sangay fagfamiluganan mamam sis tigyangan buksul.

Eremyas 14:10

Ay Yawi nabalus te, “Matuyan, anyayu am siginan angku. Nafaning am ay sadili fakaylatun. Nu katanya, kwa kaylat ya ayu. Ay kwa ban kalyam ya ay ngay fagmauriun, ay namaurianan au ayu.”

Eremyas 14:20

Yawi, nasaful ami te, anke asalanan ami kata em ngay mangaguyang. Anud, anke asalanan ami sa emu.

Eremyas 2:20

Ebi gina am gafagsuguanan, kata am sik ngay baka at ke fantungud liug ay sik ngay taw at maubungan masiukan salambitan. Ay nafalfas koma ayu, dewa katanya, wam nafaning angku. Abat ngate, naseg wayam tibak fagsegan si tangabat fag ngay buksul ay si sangay fun kayu at marabung at lanbung, ay ankata am sik takamatugtug fag mangena.

Eremyas 2:25

Ngay taw Israel, ay ngay lapak anyangfis wan ay ay ngay mirmir an-gong wan nu gseg am sa tibak fagsegan. Dewa kaksvn nya, glong yayam gugat te, ‘Wami kaylat gubun tibak fagsegan. Kesug waymi ay gfaning anya.’

Eremyas 3:2

Damai fia sis talun at yud e taw fag ngay tagbudbuksulanun. O nunda e ngay buknga yay sanya ay yud nafasuya? Nafasuya am ay talun. Kata am takamatugtug fag mangena tagmalunggung gugat sis day dalan laman gfanya mangama, ay kata am at mauri fag taw tagfanya at fagfauriun fag taw sis talun at yud e taw. Nafasuya wam ay daga aroro sa ay fagmauriun, ay sa nu gseg am tibak fagsegan.

Eremyas 3:25

Yawi em Dius, nanuksuan ami emu, aroro maksvn nu kapla ami emu, aroro ami ay anggan em ngay mangaguyang nafamabo ami emu.”

Eremyas 3:6

Gina Usyas gfunan, Yawi nalong sa angku te, “O nalag o at yud matuyan fag ngay taw Israel at nafakamulun? Kanya fagayu naseg tibak fagsegan si tangabat fag ngay buksul, ay si sangay fun kayu at marabung at lanbung. Kanya fagayu kata sik takamatugtug fag mangena.

Eremyas 7:24

“Dewa katanya, kanya fagayu wa nafaning ay wa nadungugan angku. Abat ngate, nafaksvn way nu kamaogatun at amatanganan ay nu gfakamulun at mauri. Ay kanya fagayu abat ngate nangakbang sa angku, gfataglayun way kayayu.

Eremyas 7:26

Dewa katanya, wam nadungugan ay nafaning kanya fag ngay taglong. Ay ay ngay amatanganan amogat yap ay ngay mangaguyang at amatanganan, ay ay ngay fakamulun amauri yap ay ngay mangaguyang at nafakamulun.

Esekyel 16:15

“ ‘Dewa katanya, nafamanagsag o am fagmasineun ay am fakadungugun. Kata sik takamatugtug fag mangena, nafataladan o sas nusnga sinu fag mangama, ay kanya fagayu nafakamulun sa emu gfaning at fakaylatun.

Usea 5:15

Sanya ginan, kafoli kwa ban sa ku bale kanya fagayu nu naubun wan at ngay asalanan. Ay gina ban gidapan, kanya fagayu nangakbang sa angku.”

Deuterunumyu 12:2

Ay gina ban am naiyan ngay taw tagbanwan sanya, iklasi ban at ngay fagnansegan si sangay tungud buksul ay si sangay buksul ayu sirut ay si sangay fun kayu at marabung at lanbung.