Eremyas 3:1 - Fanawbuid tagsibaliwas Fakayabian

¹ Sik mangama nu naiyan wan at bubay ay at bubay nu nanangadadwa wan sa tibak mangama, kafag mangama wa masine ya gbul at bubay, aroro takatanya fag mangena gfasuya fagdaul talun. Nu katanya, am fag ngay taw Israel kata yangay am takamatugtug fag mangena. Kesug am ngayuk fagsegan. Ay takaksvn nya ay nafakamulun at mauri, tain nu manangafoli am sa angku? Au, Yawi, taglong tuy.

Eremyas 3:1 ပူးပေါင်းရင်းမြစ်များ

Alubad. 106:38

Kanya fagayu nafasik masuya at talun, siginan nu gfabul at ngay sisian dewa yud e asalanan, laman at fon sa sangay taw Kanaan at ngay fagsegan.

Isayas 24:5

Ngay taw tagbanwan sas fagdaul daga nafauri wan at fagbanwanan, aroro wa nafaning Dius at ngay suguan ay wa nadungugan at ngay longan. Kanya fagayu nafamabo ebi at nasadian sas Dius te, namaning tua ban anya.

Eremyas 2:20

Ebi gina am gafagsuguanan, kata am sik ngay baka at ke fantungud liug ay sik ngay taw at maubungan masiukan salambitan. Ay nafalfas koma ayu, dewa katanya, wam nafaning angku. Abat ngate, naseg wayam tibak fagsegan si tangabat fag ngay buksul ay si sangay fun kayu at marabung at lanbung, ay ankata am sik takamatugtug fag mangena.

Eremyas 2:23

Setain nu malong am te, ‘Wami masuya ay wami gseg Baal?’ Amatangani nu se aksvn nu mauri ay ngay nafakamulun sis datag Inum ay tiba yak asalanan ay nafakamulun. Kata am sik kamelyu tina tagrvbvy at tama.

Eremyas 2:7

Ay nataban au ayu sat masine fag daga laman umke gutluan am, dewa katanya, fagnabanwan di am sanya, nafauri am ku nafili fag daga ay ansik mauri am.

Eremyas 22:20

Ngay taw Uda, nangundaud am sas tungud buksul Lebanun ay nanwayway am, aroro namin wan ay fagadgalangan fag ngay talun. Ay nanguro am anya fagayu sas Basan ay sas Abarim.

Eremyas 3:22

“Ku ngay sisian takamaogatun, afolii wan sa angku, ay gfalyam au ay natalyuyanan angku.” Ay kanya fagayu gbalus te, “Agvd, namaning wami emu aroro o wan em Dius Yawi.

Eremyas 3:9

Ngay taw Israel nafasuya at furuan siginan nu gseg tibak fagsegan at mawatan siginan gang ay kayu. Kanya wa nasalagan nu gseg tibak fagsegan.

Eremyas 31:22

Ku ngay sisian at nalyam, ginain yaban nu kafoli am sa angku? E fagnamakamulunun kban at yud yay batang e nfasludan ste swa daga: mangena tua ban tagbalabag sik mangama.”

Eremyas 4:1

Yawi nalong te, “Israel, nu kaylat tuo fia kafoli sa angku, afolii wan. Nu gubun tuo fia am ngay fagsegan ay nu ddi ban o kasaruayan ya siginan angku,

Eremyas 4:14

“Ngay taw Erusalem, talyuyani wan ay asalanan laman umlangfe tuam. Seduge ya ban nu gamatangan am sat mauri?

Takabalu 1:2

Fagngabak yabi kanya maksvn nu gwayway. At ngay liasun glibisan sit fingi. Fagayu takesug anya we gfasun ya anya, ay at ngay fagadgalangan ankuri wa anya, ay kanya fagayu at ngay fawayan wan.

Esekyel 16:26

Nafagbilug yangay o am sadili sam fakbangan fag talun Igiptu at maksvn nu mauri. Nafadotama o angku siginan nu gfataglayun o gfagbilug am sadili.

Esekyel 16:30

“ ‘Au, Fun Dius Yawi, glong au te, at kasakit nu gafaylatan o! Kata wayo tagfaebayad fag mangena yud gfangapla.

Esekyel 16:35

“ ‘Nu katanya, dungugani ku longan emu!

Esekyel 33:11

Nanlong o sanya fag ngay taw te, ‘Au, Fun Dius Yawi gfatuyanan au te, kafanud nu gleleg au, kwa guseganan at mauri fag ngay taw nu kabul. Ku fakaylatun, kafag ngay taw nu gubun tua at ngay ugali at mauri laman gleleg tua. Nu katanya, ngay taw Israel, ubuni wan ay ugali at mauri. O nunda kaylat am kabul?’

Usea 1:2

Katatuy Yawi at longan taguna sas Usea, “Famubayi sik mangena takamatugtug, ay ay ngay sisian ban kangayan te, sik takamatugtug fag mangena at sisian, aroro ku ngay taw kata sik ngay takamatugtug siginan nu gseg tibak fagsegan.”

Usea 2:2

Ku ngay sisian, salagi ay mina aroro bunwa sia ya ku mangena ay bunwa au ya at mangama. Longi anya te, faragangi wan nu kamatugtug.

Mikas 2:10

Nu katanya, loi wan ste ginans talun Israel aroro wa ban am manabayan, aroro ay ngay asalanan nafasuya ay furuan. Tuy ban fag furuan umrasras ay wa ban e tungkul ya.

Mateu 5:31

“Ay ebi e foyungan te, ‘Nusnga sinu tagaubunun at mangena, masine kanya nu gfon sik rirukan famatuyan sabaliwa nu gsaruayan.’

Deuterunumyu 22:21

tabani kanya fag baguina sat mama at salubangan bale, ay ngay mangama namana anya yakmay anbul. Kanya fag baguina at nafakamulun mapla sa sangay taw Israel, aroro kanya kamatugtug kaduge nu si yay at fagtainan. Falyami wan siginan ayu takatanya fag fagmauriun.

Tagfangguna 19:2

Kafag mangena wa namatuyan sat indugan ay noli sat fagtainan sas Betleem. Ay nu nlangfe ufatk magdanun,