Eremyas 29:8 - Fanawbuid tagsibaliwas Fakayabian

⁸ Yawi at Mabalyanan, Israel at Dius, glong yangay fia te, “Lag am gafaylatan ay ngay taglong ay ay kaiban fag ngay taginsaful nu kamuag sa ayu. Ay lag am gafanud sat ngay taginfan.

Eremyas 29:8 ပူးပေါင်းရင်းမြစ်များ

Eremyas 14:14

Yawi nabalus te, “Kanya fag ngay taglong kamuag sa ku ngayan. Kwe nasugu ay kwe nalong sa anya fagayu. Wa siginan angku ay we masuad kanya fagayu at taginfan at foyungan sa ayu, nu bunway siginan way at ngay amatanganan.

Eremyas 23:16

Yawi at Mabalyanan glong sa sangay taw Erusalem te, “Lag am gafanud takamuag fag ngay taglong at longan. Kanya fagayu nafaseg way ayu sat fakamuagun. Wa siginan angku at ngay taginfan, siginan way at ngay sadili amatanganan.

Eremyas 23:21

Kwa nasugu kanya fag ngay taglong, dewa katanya, kanya fagayu nalao wan. Kwe nalong sa anya fagayu, dewa katanya, kanya fagayu nanfamoyung wan.

Eremyas 23:25

“Nadungug au ngay taglong nu gfoyung kamuagan sa ku ngayan. Kanya fagayu kamuagan glong te, nafon au sa anya fagayu ku ngay longan siginans taginfan.

Eremyas 23:27

Ay siginan kafag ngay taglong at ngay taginfan nafoyung sa ku ngay taw laman gtalyuyan angku, kata at ngay mangaguyang nu kalyam angku siginan nu gseg Baal.

Eremyas 27:9

Nu katanya, lag am gafanud sa ay ngay taglong ay sa ay ngay taginsaful, ay sa ay ngay tagfayamag taginfan, ay sa tagfangabalo, ay sat nanginto sat mabulan fag taw at falad taglong te, talun Babilunya ban at fun wa nangagbilug ayu.

Eremyas 28:15

Sanya ginan, Eremyas nalong sas Kananya fag taglong te, “Dungugani! Yawi wa nasugu emu, dewa katanya, tuy fag talun nafanud sam fakamuaganun.

Eremyas 29:1

Sis furuan Erusalem, Eremyas nariruk laman sa sangay fagtainan, sa sangay tagfon fanggalangun, sa sangay taglong ay sa tiba yak taw fun Nabukudunusur at nataban sas talun Babilunya.

Eremyas 29:15

Glong way ban am manga te, nasugu au sa ayu kanya fag ngay taglong sanya stalun Babilunya,

Eremyas 29:21

Katatuy Yawi at Mabalyanan, Israel at Dius, at longan sabaliwas Akab, Kulaya at baguama ay Sedekya, Maaseya at baguama: “Kanya fag duama nalong ku ngayan laman kamuagan garingang sa ayu. Nu katanya, namon au duama sas fun Nabukudunusur ay kanya namabul kafag duama si ay daga salubangan.

Eremyas 29:23

Umfasludan takatanya sa anya fagayu aroro nafakamulun at maksvn nu mauri sis Israel. Kanya fagayu natugtug at ngay kaiban at ngay bubay ay nalong ku ngayan laman kamuag, deyud au nasugu sa anya fagayu te, fakamuluni. Saful kway at ngay nafakamulun ay nafatuyan au sabaliwa anya fagayu. Au, Yawi, taglong tuy.”

Eremyas 37:9

Katatuy Yawi at longan, Lag am gdaya ay sadili te, ngay taw Babilunya at ngay tagfawayan wa kafoli ya ste. Matuyan, kanya ban fagayu kafoli yay.

Eremyas 5:31

At ngay taglong kamuag nu gfoyung, ay at ngay tagfon fanggalangun gfangguna siginan at ngay sadili fagsafulun, ay ku ngay taw maksvn nu kaylat takatanya. Dewa katanya, tain ban at fakamulun nu ndasug at fakatabuan fag buknga?”

Takabalu 2:14

Ay ngay taglong at ngay taginfan wa mafanud. Ay kanya fagayu wa nafoyung ya sa ayu ay ngay asalanan, laman diam gatabanan. Ay at foyungan sa ayu at yud way matuyan.

Esekyel 13:6

Kafag ngay taglong at ngay taginfan wa matuyan, ay nu ginsaful kamuagan way. Kanya fagayu glong te, em foyungan siginans Yawi, dewa katanya, at matuyan, kanya fagayu bunwa ku nasugu. Ay kanya fagayu gfanya at ngay foyungan nu kafasludan.

Mikas 2:11

Ay ay fakaylatun ay takamoyung, takamalingun ay takamuag, tagfoyung te, ‘Ngayu ban ay fanginum fanlangu.’ ”

Sakaryas 13:4

“Kanya fag ngay taglong umkapla sat nalong fag ngay taginfan. Ay wa ban gsulun ya taglong at lanbung laman nanfamuagan.

Mateu 24:24

E kadasug ban ay kamuag te, ‘Au wan Dius at nafili fag Fun,’ ay ‘Au wan Dius at taglong at sadi.’ Ay kanya ban namalag at madulo ay at mabalyanan fag ngay fakamulun, laman nanfamaskudan nanfandaya anggan Dius at nafili fag ngay taw.

Lukas 21:8

Ay Isus nabalus te, “Mataganani tua laman diam gadayan tibak taw. Aroro ngayu bank taw kadasug ay glong te, ‘Au wan Dius at nafili fag Fun.’ Ay tiba ban ktaw glong te, ‘Katsi wan taguyan fag buknga.’ Dewa katanya, lag ban am gafanud sa kafag ngay taw.

Lukas 6:26

“Ida am, fagayu taw nu gseg way ayu, aroro katanya yangay kafag ngay taw at ngay mangaguyang at nafakamulun sat yud matuyan fag ngay taglong.

Ruma 16:18

Takatanya fag ngay taw at fagfaningan bunwa tam Fun Isus nu bunway at sadili way. Kafag ngay taw gdaya ngay taw at mamomuy at amatanganan, siginan takamaylatan ay at masine nu kadungug fag ngay foyungan.

Efesu 4:14

Nu katanya tua, di ban tam kata ya sik sisian at amatanganan ay gabuban sa tibak foyungan ay di ban tam galoan ya ngay tagfandaya. Ay di ban tam gadayan ya tibak taw at ngay fandaya.

Efesu 5:6

Lag am gadayan nusnga sinu fag taw at yud matuyan at longan, aroro Dius kadotama nusnga sinu takamabo.

2 Tesalunika 2:3

Lag am gadayan nusnga sinu fag taw at foyungan, aroro ya kadasug kanya fag menit yakmay e gfawayan Dius, ay yakmay ban andasug at mauri fag taw tagafaurianan ban kabavn.

2 Timuteu 3:13

Dewa katanya, at mauri ay tagfandaya fag ngay taw at fagmauriun umkaksvn ban. Kanya fag ngay taw gfataglayun nu gfandaya ay anggan kanya gadayan yangay.

1 Uan 4:1

Ku ngay fakesugun, lag am gafanud sas nusnga sinu fag taw dewa glong te, “Si wa angku at Masine fag Falad.” Nu bunway insafuli te, o at falad siginan tuas Dius, aroro ngayuk takamuagan fag taglong at kinrapyag sas fagdaul daga.

At Nafasure 13:14

Ay e nafon sa anya fagmabalyananun gfakamulun at ngay madulo. Ay siginan at ngay madulo kanya nafandaya ngay taw sas fagdaul daga. Kanya nasugu sa sangay taw te, “Awati sik takata tagfangagat fag mela at nabasingan fiso ay at kinfia yay.”

At Nafasure 19:20

Ay tagfangagat fag mela nagamatan gasfuan takamuagan fag taglong, kanya at nafakamulun at ngay madulo fag ngay fakatoglagan si tagfangagat fag mela at daga salubangan. Siginan at nafakamulun fag ngay madulo, kanya nadaya ngay taw at nafae fakatoglagan sit ngay bilug tagfangagat fag mela, ay at naseg at aninu. Ay gina yay kanya fag dua gleleg, e naukas anya fag dua sas asupri fag afuy daul tagigang.