Eremyas 27:6 - Fanawbuid tagsibaliwas Fakayabian

⁶ Nu katanya, katsi namon kwan ay ngay talun sa ku fagsuguan Nabukudunusur, talun Babilunya at fun. Ay anggan tagsis talun fag ngay mangilafang namagbilug kwan sa anya.

Eremyas 27:6 ပူးပေါင်းရင်းမြစ်များ

2 Fun 25:28

Kanya malukme sas Yuyakin ay nafauseganan anya gtungud yay sa tibak fun at natabanan sas Babilunya.

2 Krunika 36:23

“Katatuy fun Sirus, talun Persya at fun, at longan: “Yawi, banwa at Dius, nafatigwanan wan sa angku fagayu fagfagtainanan sas fagdaul daga, ay nafatigwanan yangay sa angku laman nangawat at bale sis Erusalem tagsis talun Uda. Fagayu am Dius at ngay taw, afolii wan sa ay talun. Yawi ban nangus gufud ayu.”

Isayas 44:28

Nalong au sas Sirus te, ‘O ban tagulit ku ngay taw, ay at namakamulun fagayu ku fakaylatun. Sugui te, Dogi yap awati furuan Erusalem, ay anggan ku bale.’ ”

Eremyas 21:7

Ay o Sedekya, Uda at fun, ay am ngay tagfangguna, ay anggan ban fagayu at kinsawad at yud anbul sas faurianan, sas awayan, ay sas lunus, namon au ayu sa ay fawayan Nabukudunusur, Babilunya at fun. Ay kanya ban we afanyu ya gfabul ayu. Au, Yawi, taglong tuy.’

Eremyas 22:25

Ay namon au emu sam ngay fawayan takaylat namabul emu. Namon au emu sas Nabukudunusur, Babilunya at fun ay sat ngay tagfawayan.

Eremyas 24:1

Yawi nafae taginfan angku, gina Nabukudunusur, Babilunya at fun, nataban Yuyakin, Yuyakim at baguama, Uda at fun. Nataban fun Yuyakin sas talun Babilunya anggan at ngay tagfangguna, ay at ngay tagsaful kawat, ay Uda at ngay tagfakamulun. Si ku taginfan nalag au duak sabi igus at rawvg sis salubangan Yawi at bale.

Eremyas 25:9

namadasug au sa ayu sik ngay tagfawayan siginans fawalan fag alvngvdan ay ku fagsuguan Nabukudunusur, Babilunya at fun, tagfangguna. Kanya namawayan sa ay talun, ay sa sangay tagbanwan sanya, ay anggan sa sangay furuan tagsi ay ligung. Namamin kwan ayu, ay tiba bank taw umdulo at kindasug sa ayu, ay gfalingun ban gugat ayu aroro ay talun ban marasrasan way gugat.

Eremyas 28:14

Au Yawi at Mabalyanan, Israel at Dius, glong au te, gfafunguan kban fantungud liug fag sanbung sas fagayu talun laman kanya fagayu gfakamulun sas Nabukudunusur, Babilunya at fun. Ay namagbilug kyangay ban sa anya anggan tagsis talun fag ngay mangilafang.’ ”

Eremyas 43:10

Sanya ginan, longi sa anya fagayu te, ‘Yawi at Mabalyanan, Israel at Dius, glong te, Gsugu kban ku fagsuguan Nabukudunusur, Babilunya at fun, ay namoli au at fagmalunggungan sis tungud ku nasaksak ste fag ngay gang ay kanya nangawat at bale ramit sit tungud.

Eremyas 49:30

Ngay taw Kasur, abanganani tua ay lagyui wan! Au Yawi glong au ayu te, nanuksuan wam sa sangay luib. Nabukudunusur, Babilunya at fun, e algan namaurianan ayu.

Esekyel 29:12

Gfasik mabaluanan kban talun Igiptu gtungud yap tua sas fagayu talun nu kabalu. Ay kaduge ban ufatk safuluk banwa, at ngay furuan ban nu mabaluanan gtungud yay ban sa tibak furuan. Namasaruayan kban ngay taw Igiptu sa tibak talun.’ ”

Esekyel 30:24

Namabitsug kban Babilunya at fun at ngay take ay namon kban sa anya ku fiso. Dewa katanya, nanggatvng kban Igiptu at fun at ngay take, ay kanya ban guro gfandeng aroro anke fakarukan ay ankata nu gakabulun wan sis Babilunya at fun at daga salubangan.

Daniel 4:12

Masine at ngay don ay ngayu at rawvg, fagayu tagleleg at fakonun. Ngay mela gsarirung sanya ay ngay manuk tungud gfugad sat ngay sanga. Ay fagayu tagleleg sanya ginan wan nu gbul at fakonun.

Daniel 4:22

o wan kafag fun kayu, mesug fag fun. Aroro ansik mabalyanan o. Am fagmabalyananun andasug sas banwa ay am fagagbilugun andasug nusnga nday fag fungfung daga.