Eremyas 27:5 - Fanawbuid tagsibaliwas Fakayabian

⁵ Siginan ku fagmabalyananun nawat au fagdaul daga, ngay taw ay ngay mangilafang, ay au way tagfili at nangalaga kanya fagayu.

Eremyas 27:5 ပူးပေါင်းရင်းမြစ်များ

Fakasigadan 1:25

Ay Dius nawat kanya fagayu ay nalag te, masine.

Fakasigadan 9:6

Ay nusnga sinu ban at nafabul at iba, at ngay iba yangay ban at namabul anya, aroro Dius nawat taw kata anya.

Esra 1:2

Katatuy fun Sirus, talun Persya at fun, at longan: Yawi, banwa at Dius, nafatigwanan wan sa angku fagayu fagfagtainanan sas fagdaul daga, ay nafatigwanan yangay sa angku laman nangawat at bale sis Erusalem tagsis talun Uda.

Nemyas 9:22

“Ay nafababo o anya fagayu sat ngay fawayan fag ngay fagfagtainanan, ay nafagbilug o sa anya at fakbangan fag ngay talun, talun Kesbun, fun Sikun at fagfunanun, ay talun Basan, fun Ug at fagfunanun.

Alubad. 102:25

ay nawat o banwa ay daga.

Alubad. 96:5

aroro Yawi tua at nawat banwa. Ay tibak talun at fagsegan bunwa at matuyan fag dius.

Nu Galin 20:11

Kaduge unumk menit, nawat au banwa, ay daga, ay dagat, ay fagayu tagsanya, ay natungkud au sis fafituk menit. Nu katanya, nafili kwan Famiangalay fag Menit, ay tuy at nafasamanan fag menit laman sa angku.

Nu Galin 6:6

“Nu katanya, longi sa sangay taw Israel te, ‘Au wan Yawi. Gfalfas kban ayu siginans fagidapun ay siginan nu gafagsuguanan am sa sangay taw Igiptu. Siginan ku fagmabalyananun, maksvn fag faurianan ku fagnamadasugun sa sangay taw Igiptu. Ay gfalangfe kban ayu.

Isayas 42:5

Yawi tam Dius at nawat banwa ay at narafad kata sik umut. Kanya nawat yangay fagdaul daga ay anggan fagayu tagsanya. Kanya yangay tagfon leleg sa sangay taw tagbanwan sis fagdaul daga.

Isayas 44:24

Katatuy Yawi ay Tagfalangfe at nawat ayu at longan: “Au Yawi at nawat fagayu nusnge wain. Au wan at narafad banwa, ay au way lang at nawat fagdaul daga.

Isayas 45:12

Au wan at nawat fagdaul daga ay anggan ngay taw tagbanwan sanya. Ku ngay daluap at narafad banwa, ay au yangay tagsugu menit, ay magdanun, ay galeme te, ‘Asurei.’

Isayas 48:13

Au wan at nawat fagdaul daga at fagmatungkudan, ay au yangay at narafad banwa. Ay nu nasugu au, kanya fagayu gfaning.

Isayas 51:13

O wam gamatang ya angku? Au oma at nawat ayu. Au wan at narafad banwa ay au yangay at nawat fagfatungkudan fagdaul daga. Wain ay fakalimuun yay gugat ngay taw takadotama ay tagfalingun ayu? Ay kanya ban fagayu wa kadotama ya ayu, laman di e gfaurianan ya ayu.

Eremyas 27:4

Nanlong o sanya fag ngay fagsuguan, tuy fag foyungan laman sat ngay fun: ‘Katatuy Yawi at Mabalyanan, Israel at Dius, at longan sa ayu:

Eremyas 32:17

“Yawi, em Fun, nawat o banwa ay daga siginan am fagmabalyananun. Mafakamulun o fagayu nusnge wain.

Eremyas 51:15

Siginan Yawi at fagmabalyananun ay at fagsafulun, kanya nawat banwa ay fagdaul daga.

Daniel 2:38

Yawi nafagbilug wan sa emu ngay taw, ngay fagbaugun, ay ngay manuk tungud nusnga nday. Ay kata o kafag fagsegan at alfuyu at mawatan gintu.

Daniel 4:14

Kanya nauro te, ‘Fuani kanya fag fun kayu ay lifungi at ngay sanga. Buli at ngay don ay ukasi at ngay rawvg. Ay sabugi ngay mangilafang tagfalanbung sanya ay ngay manuk tungud tagfugad sit ngay sanga.

Daniel 4:17

Katanya tagbarita at nalong fag faurianan laman fagayu taw sumaful te, Tiba Tungud fag Dius e fagmabalyananun sa sangay taw at ngay fagfagtainanan. Ay kanya gfon kafag ngay fagfagtainanan sas nusnga sinu at fakaylatun, ay dewa sat yud e kwa.’

Daniel 4:22

o wan kafag fun kayu, mesug fag fun. Aroro ansik mabalyanan o. Am fagmabalyananun andasug sas banwa ay am fagagbilugun andasug nusnga nday fag fungfung daga.

Daniel 4:25

Dius ban gaiyan ay gfayayu emu siginans ngay taw ay gbanwan ban o sasad araw gadgaloan tagsis talun fag ngay mangilafang. Kata ban o ngay baka kon bariri, ay damug ban gfabasa emu. Ay nu nlangfe ban fituk banwa, tumoglag ban o te, Tiba Tungud fag Dius e fagmabalyananun sa sangay taw at ngay fagfagtainanan, ay mafagbilug sas nusnga sinu.

Daniel 5:18

“Em fun, am mama Nabukudunusur Tiba Tungud fag Dius at nafili fag fun. Kanya anke fagmabalyananun ay ngay taw nafauseganan anya.

Fakamulun 14:15

“Wain ay fagfakamulunun takatanya? Ami, taw yangay ami kata ayu. Gfoyung waymi sa ayu at Masine fag Barita laman gubun am ay ngay fagsegan at yud e tungkul ay tumoglag am tagleleg fag Dius at nawat banwa ay daga, dagat ay anggan fagayu tagsanya.

Fakamulun 17:24

“Kanya fag Dius banwa ay daga at fun, ay at nawat daga ay fagayu tagsanya. Ay kanya wa gbanwan sis taw at nawat fag bale,

Fakamulun 17:26

Siginan sik taw, Dius nawat fagayu gaban taw laman nanrapyagan sas fagdaul daga, ay kanya wan at nafalganan sas galay at sadi at buknga ay at ngay taba at daga.

Deuterunumyu 2:19

Ay nu ndasug am sa sangay taw Amun, sas Lut at ngay kasugfunanan, lag am gfauri ay lag gfawayan, aroro nafon kwan sa anya fagayu kanya fag talun, ay sanya kwe fon ayu nusdi sik afud.”

Deuterunumyu 2:21

Kanya fagayu, ngayu ay mabitsug ay ngabat kata ngay taw Anak. Yawi nagbilug ngay taw Amun laman gfababo ngay taw Refa, ay kanya fagayu naiyan ay nabanwan sit talun.

Deuterunumyu 2:7

Amatangi nu setain nu ggubuk au ayu sas fagayu ay nafakamulun. Au Yawi at nalaga ayu gina am glao si tangayayu fag talun at yud e gbanwan kaduge ufatk safuluk banwa, ay kadugenya diam nayudan nusnge wain.’ ”

Deuterunumyu 2:9

Yawi nalong sa angku te, “Lag am nangasalag ay namawayan ngay taw Muab, aroro nafon kwan sa anya fagayu talun Ar, laman at daga, ay sanya kwe fon ayu, nusdi sik afud.”

Deuterunumyu 32:8

Gina Tiba Tungud fag Dius gfon sa sangay talun at ngay taw at ngay fagbanwanan, ay gina gfasadsamanan ngay tagbanwan, kanya nafae ngay fatuan at ngay mesa talun, kata Dius at ngay tagbarita at kayuan.

Deuterunumyu 4:17

ngay mangilafang, taglao ay taglayug,

Deuterunumyu 4:25

Ay nu nke ngay sisian ban am ay anke ngay fufu gina ban am gbanwan ngaduge sanya fag talun, lag am gfauri ay ngay sadili siginan nu kawat am ngay fagsegan nusnge wain fag kawalungan. Takatanya mauri way sas Yawi ay gfadotama anya.

Deuterunumyu 4:32

Amatangani ebi ataw fag ngay menit, siginan Dius nu kawat taw sas fagdaul daga dasug katsi. Ay afagdauli sas fagdaul daga; o e lagan ro am nusnge wain at maksvn nu madulo at kinfasludan takatatuy?

Deuterunumyu 4:35

Nafasure sa ayu nusnge wain laman sumaful am te, Yawi wan at matuyan fag Dius, ay we tiba ya.

Deuterunumyu 5:16

Suyui ay mama ay ay mina kata ku suguan ayu laman mabanwan am ngaduge ay manabayan si ku fon ban ayu fag daga.

Deuterunumyu 9:29

“Dewa katanya, kanya fagayu am ngay taw. Kanya am fagagbilugun fag ngay taw am nafalfas siginans talun Igiptu siginan am fagmabalyananun.”

Kulusas 1:16

Aroro fagayu sis banwa ay sis daga takalag ay yud kalag anggan at ngay mabalyanan, ay fagmafunanun, ay fagtainan, ay tagfunan fag ngay falad, kanya fagayu ankawat siginan at Baguama laman sa anya.

Ebreu 1:2

Ay katsi, taguyan fag ngay menit, kanya naringang sa antam siginan at Baguama. Ay siginan yangay at Baguama Dius nawat fagdaul daga ay nafili anya laman tagagbilug fagayu nusnge wain.

At Nafasure 4:11

“Em Fun ay em Dius, e fagmasineun tuo gbul famauseganan ay nu gseg, ay fagmabalyananun, aroro fagayu nusnge wain o wan at nawat. Ay gfaning kata am fakaylatun, kanya fagayu ankawat.”