Eremyas 27:4 - Fanawbuid tagsibaliwas Fakayabian

⁴ Nanlong o sanya fag ngay fagsuguan, tuy fag foyungan laman sat ngay fun: ‘Katatuy Yawi at Mabalyanan, Israel at Dius, at longan sa ayu:

Eremyas 27:4 ပူးပေါင်းရင်းမြစ်များ

Nu Galin 5:1

Ay sanya ginan, Muisis ay Arun nalao sas Igiptu at fun ay glong te, “Katatuy Yawi, ngay taw Israel at Dius, at longan: ‘Falaoi ku ngay taw laman kanya fagayu mananseg tua angku.’ ”

Eremyas 10:10

Yawi way lang at matuyan ay tagleleg fag Dius, ay at yud e fakatabuan fag Fun. Ay kanya nu ndotama, fagdaul daga guigan ay we taw magwanta.

Eremyas 10:16

Dewa katanya, Akub at Dius di kata kafag ngay fagsegan. Kanya tua at nawat fagayu nusnge wain, ay kanya yangay at nafili ngay taw Israel. At ngayan Yawi at Mabalyanan.

Eremyas 25:27

Sanya ginan, Yawi nalong sa angku te, “Nanlong o sa sangay furuan te, ‘Au, Yawi at Mabalyanan, Israel at Dius, glong au te: Agvd, inumi sis taya ku fandotaman yakmay am nalangu, ay nafangkok ay antangda, ay wam makatu ya kalunggung aroro namae awayan au sa ayu.’

Eremyas 27:3

Sanya ginan, nangaringang o sa sangay talun Edum, Muab, Amun, Tiru, ay Sidun at ngay fun siginan at ngay nasugu tagsis furuan Erusalem laman nanlag Sedekya, talun Uda at fun.

Eremyas 27:5

Siginan ku fagmabalyananun nawat au fagdaul daga, ngay taw ay ngay mangilafang, ay au way tagfili at nangalaga kanya fagayu.

Eremyas 28:14

Au Yawi at Mabalyanan, Israel at Dius, glong au te, gfafunguan kban fantungud liug fag sanbung sas fagayu talun laman kanya fagayu gfakamulun sas Nabukudunusur, Babilunya at fun. Ay namagbilug kyangay ban sa anya anggan tagsis talun fag ngay mangilafang.’ ”

Eremyas 51:19

Dewa katanya, Akub at Dius di kata kafag ngay fagsegan. Kanya tua at nawat fagayu nusnge wain, ay kanya yangay at nafili ngay taw Israel. At ngayan Yawi at Mabalyanan.