Eremyas 27:15 - Fanawbuid tagsibaliwas Fakayabian

¹⁵ Katatuy Yawi at longan, ‘Kwa nasugu kanya fag ngay taglong. Kanya fagayu glong ku ngayan laman kamuag sa ayu. Nu katanya, nu nafanud way ban am, gaiyan kban ayu ay kabul ban am, gasfuan kanya fag ngay taglong.’ ”

Eremyas 27:15 ပူးပေါင်းရင်းမြစ်များ

2 Krunika 25:16

Ay gina kanya fag taglong garingang, fun nalong te, “Wain am fagfoyungun angku? O nunda nafili au emu laman ku takamoyung? Lag garingang ya, mafabul au emu!” Nu katanya, kanya fag taglong nafaragang wan nu garingang nu nalong wan sas fun te, “Matuyan wan Dius ban gfaurianan emu aroro naseg o kafag ngay fagsegan ay wo nadungugan anya.”

Eremyas 14:14

Yawi nabalus te, “Kanya fag ngay taglong kamuag sa ku ngayan. Kwe nasugu ay kwe nalong sa anya fagayu. Wa siginan angku ay we masuad kanya fagayu at taginfan at foyungan sa ayu, nu bunway siginan way at ngay amatanganan.

Eremyas 20:6

Pasur, e nantaban ban emu gasfuan am ngay kalongan sas talun Babilunya. Ay sanya yangay ban nu kabul o ay nu gfoli am bilug, gasfuan am ngay fagadgalangan am fakamuagan.”

Eremyas 23:15

Nu katanya, Yawi at Mabalyanan glong sabaliwa kafag ngay taglong te, “Namaon au sa anya fagayu ngay fakonun at mayat ay namainum au at ke ganga fag ngay fanginum aroro kanya fagayu nafafagdaul fagmauriun sas fagdaul talun.”

Eremyas 23:21

Kwa nasugu kanya fag ngay taglong, dewa katanya, kanya fagayu nalao wan. Kwe nalong sa anya fagayu, dewa katanya, kanya fagayu nanfamoyung wan.

Eremyas 23:25

“Nadungug au ngay taglong nu gfoyung kamuagan sa ku ngayan. Kanya fagayu kamuagan glong te, nafon au sa anya fagayu ku ngay longan siginans taginfan.

Eremyas 27:10

Kanya fagayu kamuag. Ay nu nafanud way ban am anya fagayu, gatabanan ban am siginan ay fagbanwanan. Gaiyan kban ayu ay kabul ban am.

Eremyas 29:8

Yawi at Mabalyanan, Israel at Dius, glong yangay fia te, “Lag am gafaylatan ay ngay taglong ay ay kaiban fag ngay taginsaful nu kamuag sa ayu. Ay lag am gafanud sat ngay taginfan.

Eremyas 29:9

Aroro kanya fagayu glong ku ngayan laman kamuagan kamoyung, dewa au yud nasugu anya fagayu.”

Eremyas 38:22

Fagayu mangena at kinfamato sim bale, ngay tagfangguna ban gtaban sas talun Babilunya. Ay kanya ban fag ngay mangena glong emu te, ‘Am ngay fagadgalangan gfalingun emu, ay am darafa malubguban way sisad lifak, ay kanya fagayu natalyuyan wan emu.’

Mateu 15:14

Fabayani wa anya, aroro kafag ngay taw takata way sik taw yud glag tagtabanan sik taw at yud yangay glag. Ay fagdua ro kabulsu way sasad lusung.”

Mateu 24:24

E kadasug ban ay kamuag te, ‘Au wan Dius at nafili fag Fun,’ ay ‘Au wan Dius at taglong at sadi.’ Ay kanya ban namalag at madulo ay at mabalyanan fag ngay fakamulun, laman nanfamaskudan nanfandaya anggan Dius at nafili fag ngay taw.

At Nafasure 19:20

Ay tagfangagat fag mela nagamatan gasfuan takamuagan fag taglong, kanya at nafakamulun at ngay madulo fag ngay fakatoglagan si tagfangagat fag mela at daga salubangan. Siginan at nafakamulun fag ngay madulo, kanya nadaya ngay taw at nafae fakatoglagan sit ngay bilug tagfangagat fag mela, ay at naseg at aninu. Ay gina yay kanya fag dua gleleg, e naukas anya fag dua sas asupri fag afuy daul tagigang.