Eremyas 27:10 - Fanawbuid tagsibaliwas Fakayabian

¹⁰ Kanya fagayu kamuag. Ay nu nafanud way ban am anya fagayu, gatabanan ban am siginan ay fagbanwanan. Gaiyan kban ayu ay kabul ban am.

Eremyas 27:10 ပူးပေါင်းရင်းမြစ်များ

Nu Galin 22:18

“Fabuli wan ngay tagfangabalo.

Eremyas 14:14

Yawi nabalus te, “Kanya fag ngay taglong kamuag sa ku ngayan. Kwe nasugu ay kwe nalong sa anya fagayu. Wa siginan angku ay we masuad kanya fagayu at taginfan at foyungan sa ayu, nu bunway siginan way at ngay amatanganan.

Eremyas 23:16

Yawi at Mabalyanan glong sa sangay taw Erusalem te, “Lag am gafanud takamuag fag ngay taglong at longan. Kanya fagayu nafaseg way ayu sat fakamuagun. Wa siginan angku at ngay taginfan, siginan way at ngay sadili amatanganan.

Eremyas 23:25

“Nadungug au ngay taglong nu gfoyung kamuagan sa ku ngayan. Kanya fagayu kamuagan glong te, nafon au sa anya fagayu ku ngay longan siginans taginfan.

Eremyas 27:14

Lag am gafanud ngay taglong at nalong te, Babilunya at fun wa nangagbilug ayu, aroro kanya fagayu kamuag way.

Eremyas 27:15

Katatuy Yawi at longan, ‘Kwa nasugu kanya fag ngay taglong. Kanya fagayu glong ku ngayan laman kamuag sa ayu. Nu katanya, nu nafanud way ban am, gaiyan kban ayu ay kabul ban am, gasfuan kanya fag ngay taglong.’ ”

Eremyas 27:16

Sanya ginan, nalong au sa sangay tagfon fanggalangun ay sa sangay taw, Yawi at longan te, “Lag am gafanud ngay taglong nu glong te, ‘Munakbang wan nu gfafoli ngay fagagbilugun sas Yawi at bale siginans talun Babilunya.’ Kanya fagayu kamuag way.

Eremyas 28:11

Ay kanya nalong sa sangay taw tagsanya te, “Katatuy Yawi at longan: fun Nabukudunusur kata nu nafoli sat nagbilug fag ngay talun ngay fantungud liug. Dewa katanya, nanggatvng kban kanya fag fantungud liug kaduge duak banwa.” Sanya ginan, Eremyas nalo wan.

Eremyas 28:16

Nu katanya, Yawi nalong te, ‘Umkalyam ban o ste ginans fagdaul daga. Ay umbul ban o katsi fag banwa, aroro nafoyung o ngay taw laman kamabo angku.’ ”

Eremyas 32:31

Siginan nu kawat tuy fag furuan ay dasug katsi tuy fag ngay taw nafadotama angku. Nu katanya, nangiklas kwan tuy fag furuan.

Eremyas 8:19

Dungugani! Ku ngay kaiban gwayway kadungug sas fagdaul talun, ay glong te, “O nunda Yawi naubun wan furuan Erusalem? O nunda Siun at fun wa sanya ya?” Yawi nabalus te, “Wain ay fagnafadotamaun angku, siginan nu gseg am tibak fagsegan?”

Takabalu 2:14

Ay ngay taglong at ngay taginfan wa mafanud. Ay kanya fagayu wa nafoyung ya sa ayu ay ngay asalanan, laman diam gatabanan. Ay at foyungan sa ayu at yud way matuyan.

Daniel 4:7

Ngay tagsaful gfasure at ngay madulo, tagfangufit, tagfangalga siginans galeme ay taginsaful ndasug, ay nafansulit au sa anya fagayu ku taginfan, dewa katanya, wa mafayamag.

Sakaryas 10:2

At mafanud, tibak fagsegan ay ngay taginsaful glong way at yud matuyan, ay kamuagan nu gfoyung at ngay taginfan at masuad. Kanya dewa gfabitsug ngay taw at amatanganan, we fanambagun, nu katanya, ngay taw Israel kata ngay tupa ginkalyaman. Kanya fagayu gidapan aroro we gfangguna.

Malakyas 3:5

Yawi at Mabalyanan glong te, “Kadasug kban laman nanginsaful ayu. Ay gfatuyan kban vtv te, mauri ngay tagfangabalo, takamuagan fag tagwabilug, at yud gfakasakan at famayad sat ngay fagsuguan, tagfauri ngay fagbubayun ay at yud e fagtainan ya, ay at yud matuyan sat ngay betaw. Namakamulun kban takatanya sa ayu, at yud gsuyu angku.”

Deuterunumyu 18:10

Nusdi sadi si ayu lag girug at sisian laman at fanggalangun. Ay lag yangay gfangabalo, ay lag am gfangalga, ay lag am gbalawvn,