Eremyas 26:9 - Fanawbuid tagsibaliwas Fakayabian

⁹ Wain am fagnalongun te, Yawi nalong sa emu te, grasras wan tuy fag bale kata Silu, ay tuy ban fag furuan mabaluanan way lang ay wa ban e gbanwan ya?” Nu katanya, kanya fagayu nagamat Eremyas.

Eremyas 26:9 ပူးပေါင်းရင်းမြစ်များ

2 Krunika 25:16

Ay gina kanya fag taglong garingang, fun nalong te, “Wain am fagfoyungun angku? O nunda nafili au emu laman ku takamoyung? Lag garingang ya, mafabul au emu!” Nu katanya, kanya fag taglong nafaragang wan nu garingang nu nalong wan sas fun te, “Matuyan wan Dius ban gfaurianan emu aroro naseg o kafag ngay fagsegan ay wo nadungugan anya.”

Isayas 29:21

anggan taglong at yud matuyan sabaliwa tiba, anggan takamuagan laman gfaylatan tagwabilug, ay anggan ngay takamuagan tagfatuyan laman at yud e asalanan fag ngay taw wa umke fagmatuyanun.

Eremyas 32:3

Fun Sedekya naubung anya aroro sat nafoyung. Eremyas nalong te, “Katatuy Yawi at longan: Gfon kban ay gfagbilug tuy fag furuan sas talun Babilunya at fun.

Eremyas 33:10

Yawi glong yangay fia te, “Glong am te, mabalu way lang talun Uda ay furuan Erusalem aroro we taw ay we fagbaugun ya tagbanwan sanya. Dewa katanya, sik menit ban gdog yay kadungug sanya fag ngay furuan nu gfanagsag ay nu guseganan.

Eremyas 36:29

Sanya ginan, nanlong o sas fun te, ‘Katatuy ku longan: Nairug o kafag rirukan, aroro marirukan sanya te, talun Babilunya ban at fun nanrasras wan tuy fag talun, ay gfabul ban iste fag ngay taw ay fag ngay fagbaugun.

Eremyas 9:11

Yawi glong te, “Nanrasras kwan Erusalem, ay kanya umkata at kinbaras fag ngay gang, ay tagbanwan ban sanya idu talun way lang. Ay fagayu ban furuan tagsis Uda namakata au at yud e taw fag talun, ay wa ban e gbanwan ya sanya.”

Takabalu 4:13

Andasug takatanya, aroro sa sangay taglong ay sa sangay tagfon fanggalangun at asalanan nu gfabul ngay taw at yud e asalanan.

Amus 5:10

Am fag ngay taw Israel, kauri wayam at matuyan fag ngay tagwabilug, ay taglong at matuyan sas fagnanginsafulan asalanan.

Mikas 2:6

Glong am te, “Lag am kamoyung ya sa emi sabaliwa takadasug ban fag faurianan, aroro wa ban mi gafaplan.”

Mateu 21:23

Ay Isus andasug sas Dius at bale, ay kaduge kanya gfoyung, ngay fun tagfon fanggalangun ay ngay fagtainan nanangakbang sa anya ay nainto te, “Daginan am fagmabalyananun am fagmafafakamulunun katanya, ay sinu at nasugu emu?”

Mateu 27:20

Ay kafag ngay fun tagfon fanggalangun ay taw Udyu at ngay fagtainan naatul ngay taw, laman nanget sas Pilatu te, “Falfasi Barabas ay fabuli Isus.”

Markus 15:11

Ay kafag ngay fun tagfon fanggalangun nafalu longan sa sangay taw laman Pilatu namalfas Barabas abat ngate Isus.

Uan 8:20

Isus nafoyung takatanya gina sis Dius at bale, munakbang sis fagsuadan fanggalangun. Dewa katanya, we mananggamat anya aroro ya ndasug at kasakan fag buknga.

Uan 8:59

Ay nu katanya, kafag ngay taw nafuyut gang laman namana anya. Ay Isus nasuksuan ay nalo wan siginan Dius at bale.

Fakamulun 13:50

Ay ngay taw Udyu ankuri duama ay nasugu sa takadungug fag ngay mangena tagseg Dius, ay anggan sa sangay mangama ke fanambagun sit furuan laman namabadbaboan duama ay nangaiyan siginan at talun.

Fakamulun 21:30

Nu katanya, fagayu taw sis Erusalem wa mabayan at ngay amatanganan, ay kanya fagayu, nasas Dius at bale laman nanggamat Pablu. Ay nu nagamat wan, naguyudan ay nafaduksun, ay nadingding wa vtv Dius at sakbawan bale.

Fakamulun 22:22

Ay Pablu fagnalong di katanya, ngay taw wa kaylat ya gdungugan anya. Ay kanya fagayu guro te, “Fabuli wan kafag taw! At masine, kanya lag nangus gleleg ya!”

Fakamulun 3:11

Ay kaduge kafag mangama gfagtean sis duama, ngay taw nanangakbang masakit sa anya fag tulu sis Sulumun at Tangbi Aba, ay kanya fagayu andulo maksvn aroro sat nalag.

Fakamulun 5:12

Ngay nasugu nafakamulun at ngay madulo fag ngay fakatoglagan ay at madulo sa sangay taw. Ay fagayu tagafanud maful gugat sis Sulumun at Tangbi Aba.

Fakamulun 5:28

“O nunda ya mi nasalag ayu te, ‘Lag gfoyung ya sabaliwas Isus’? Abat ngate am nafaning, ay foyungan anfagdaul wan sas Erusalem ay glong yayam te, ami at nafabul anya.”

Fakamulun 6:14

Ay nadungug ami nu glong te, Isus tagsiginans Nasaret nanrasras ban Dius at bale ay namabali ban tam faugali Muisis at nafon sa tam ngay mangaguyang.”

Uswe 18:1

Ngay taw Israel nu naago wan kafag ngay talun, kanya fagayu anful sis Silu, ay nawat Yawi at bale.