Eremyas 26:6 - Fanawbuid tagsibaliwas Fakayabian

⁶ grasras kban tuy fag bale kata ku nafakamulun sis Silu. Ay fagayu ban talun sas fagdaul daga gfauri kanya fag furuan!’ ”

Eremyas 26:6 ပူးပေါင်းရင်းမြစ်များ

2 Fun 22:19

Nadungug au am darangin ay nu kamababaun o sa ku daga salubangan, gina o nadungug ku longan sabaliwa nu gfauri au ay gfamin tuy fag furuan ay ngay tagbanwan ste. Ay ginanya nagirat o am lanbung ay nawayway si ku daga salubangan laman gfalag o te, kabalu o. Nu katanya, au, Yawi, glong au te,

Isayas 43:28

Nu katanya, nafae fakaplaun au am ngay tagfon fanggalangun, ay o, Israel, nafabayan au emu gafaurianan ay gafaplan.

Isayas 65:15

Ay ku ngay fagsuguan ban gfauri ay ngayan, ay au Fun Yawi, at namabul ayu. Dewa katanya, namon kban sa ku ngay fagsuguan at bagu fag ngay ngayan.

Eremyas 24:9

Nama sik masuya au anya fagayu sa sangay fagfunanun sas fagdaul daga. Ay tiba bank talun gfalingun ay gfauri anya fagayu nusnga nday nu gbanwan.

Eremyas 25:18

Nafainum kwan sas Erusalem ay sa sangay furuan tagsis Uda anggan sat ngay fun ay sat ngay tagfangguna laman umfaurianan wan. Ay tiba bank taw umdulo at kindasug sa anya fagayu, ay gfalingun ay gfauri, kata takafasludan katsi.

Eremyas 29:18

Anud, awayan ban ay fanlunus ay fakasaitun gfafalo anya fagayu, ay tiba bank fagfagtainanan gfalingun anya fagayu. Ay gaiyan kban anya fagayu sas nusnga nday fag talun, ay ngay taw ban gfauri, gfalingun, ay kadotama maksvn anya fagayu.

Eremyas 29:22

Aroro sat kinfasludan, ngay taw Uda at natabanan sas talun Babilunya gfatuyanan sat ngay iba te, ‘Yawi nangus gfabul wan emu kata talun Babilunya at fun nu girug Sedekya ay Akab.’

Eremyas 42:18

Yawi at Mabalyanan, Israel at Dius, glong yay fia te, ‘Nu setain nu gfalag au sa sangay taw Erusalem nu kadotama au maksvn, gfalag kyangay ban sa ayu ku fandotaman nu glao way ban am sas talun Igiptu. Ngay taw ban maksvn nu gfauri ayu. Kanya ban fagayu gfalingun ay gngayan ban ayu te, mauri, ay wa ban am makafoli ya stae fag talun.’

Eremyas 44:22

Yawi wa nkagwanta ay ngay nafakamulun at mauri ay at masuya, nu katanya, kanya narasras ay talun ay ansik mabaluanan aroro we gbanwan ya.

Takabalu 2:15

Ngay taw tagdalan ayu gifulan ay gfablangan at ngay daluap, laman gfalingun ayu. Kanya fagayu glong te, “O tuy oma fag furuan at nalong te, ‘We gtungud nu masine ay fagdaul daga at fagfanagsagun.’?”

Takabalu 2:16

Am ngay fawayan gfalingun emu, gifulan ay gfaringgit at ngay bagang ay glong te, “Katsi narasras watam furuan Erusalem! Katsi wan fag menit tam fagfanyaun, ay anfasludan wan!”

Daniel 9:11

Fagayu taw Israel wa nafaning am faugali; kanya fagayu wa kaylat gfaning am longan. “Aroro sa em ngay asalanan, andasug sa emi sik faurianan kata at marirukan sim fagsuguan Muisis at Faugali.

Sakaryas 5:3

Ay kafag tagbarita nalong angku te, “Marirukan sanya fag fagrirukan ngay faurianan takadasug sas fagdaul Israel. Katatuy at marirukan: fagayu tagfangkamul gaiyanan siginans Israel. Ay sit bilingan marirukan te, fagayu takamuagan gaiyanan yangay.

Malakyas 4:6

Kanya ban namafoli ngay fagtainan ay ngay sisian at fagmasadiun laman ban nu ndasug au, kwa gfaurianan ay talun.”

Uswe 18:1

Ngay taw Israel nu naago wan kafag ngay talun, kanya fagayu anful sis Silu, ay nawat Yawi at bale.