Eremyas 26:5 - Fanawbuid tagsibaliwas Fakayabian

⁵ ay nu dway ban am gafanud ku fagsuguan fag ngay taglong ku fagsuguun gugat sa ayu, at ngay foyungan,

Eremyas 26:5 ပူးပေါင်းရင်းမြစ်များ

2 Fun 17:13

Yawi nasugu at ngay taglong laman namararang sa sangay taw Israel ay sa sangay taw Uda te, “Faragangi wan nu gfakamulun am at mauri, ay faningi ku ngay suguan ay ku ngay foyungan tagsi ku Faugali ku nafoyung sa ay ngay mangaguyang, ku nafon sa ayu siginan ku ngay fagsuguan fag ngay taglong.”

2 Fun 17:23

Nu katanya, Yawi naiyan anya fagayu siginan at daga salubangan, kata at famararang siginan at ngay fagsuguan fag ngay taglong. Nu katanya, ngay taw Asirya nataban ngay taw Israel sas talun Asirya ay sanya wan nu gbanwan dasug katsi.

2 Fun 24:2

Yawi nafadasug sa anya ngay taw Babilunya, taw Aram, taw Muab, ay taw Amun fag ngay tagakabayuan laman namarasras Uda, kata Yawi at nalong sat ngay fagsuguan fag ngay taglong.

2 Fun 9:7

Namabul o am tagfayafun Akab at talananan. Takatanya mafasud au Esebel nu gfabul ku ngay fagsuguan fag ngay taglong ay tiba ya ku ngay fagsuguan.

Esra 9:11

am ngay fagsuguan fag ngay taglong at nafoyung emi. Kanya fagayu nalong oma emi te, ‘Em fagnangagbilugun fag talun sik masuya way, aroro sa sangay tagbanwan sanya at fagmauriun. Kanya fagayu nafasuya kanya fag talun siginan at ngay nafakamulun mauri.

Eremyas 11:7

Siginan nu gfaduksun au ay ngay mangaguyang siginans talun Igiptu dasug katsi, gfamatang koma gugat sa anya fagayu te, faningi tua angku.

Eremyas 29:19

Aroro kabavn kanya fagayu wa gdungugan ku ngay longan siginan ku ngay fagsuguan fag ngay taglong. Ay anggan am at natabanan wam nafandungug.”

Eremyas 32:33

Kanya fagayu anyayu siginan angku dewa au gfoyung gugat sa anya fagayu. Ay kanya fagayu wa kaylat ay wa gdungugan at matuyan.

Eremyas 35:15

siginan ku ngay taglong. Ay ku ngay fagsuguan fag ngay taglong dewa glong gugat ayu te, “Ubuni wan ay ngay ugali at mauri, ay tubusi wan ay famanwanun, ay lag gseg ya sa tibak fagsegan, laman ban gbanwan tuam gugat si ku nafon sa ayu fag daga,” wam gafanud ay gfaning angku.

Eremyas 35:17

“Nu katanya, au, Yawi at Mabalyanan, Israel at Dius, glong au te, dungugani! Am tagbanwan sis Uda ay sis furuan Erusalem, namadasug kban sa ayu ku nalong fag faurianan. Nafakamatoan koma fia ayu ay wam gdungugan, ay nauro koma ayu, ay wam nabalus.”

Eremyas 44:4

Malayun oma nu gsugu au ku ngay fagsuguan fag ngay taglong laman namararang sa anya fagayu te, lag gfakamulun fagayu at mauri tagfadotama angku.

Eremyas 7:13

Kaduge am gfakamulun at mauri, gfararang koma gugat ayu, dewa katanya, wam nadungugan. Nauro koma ayu ay wam nabalus.

Eremyas 7:25

Siginan ay ngay mangaguyang nu glao siginans talun Igiptu dasug katsi, gfataglayun kyay oma gugat gsugu ku ngay fagsuguan fag ngay taglong sa ayu.

Esekyel 38:17

“ ‘Au, Fun Dius Yawi, glong kyay fia te, ebi nalong au sa ku ngay fagsuguan, Israel at ngay taglong te, e namawayan ban ngay taw Israel, ay o wan Gug ku nalong at namawayan.

Amus 3:7

At matuyan, Fun Dius Yawi di gfakamulun nusnge wain yakmay nafasaful sat ngay fagsuguan fag ngay taglong.

Sakaryas 1:6

Dewa katanya, anfasludan say ngay mangaguyang ku ngay nalong ay ku ngay famararang siginan ku ngay fagsuguan fag ngay taglong. Ay ay ngay mangaguyang namatangan ay nalong te, ‘Yawi at Mabalyanan nafaurianan antam kata tam nasalan ay at algan sa antam.’ ”

At Nafasure 10:7

Ay gina ban at fafituk tagbarita nauyup at budyung, umfasludan ban Dius at algan at masuksukan, at ngay fagsuguan fag ngay taglong at nalong.

At Nafasure 11:18

Ay fagayu talun at ngay taw at yud natoglag emu, maksvn nu kadotama emu. Ay andasug wan at buknga nu gfadasug o am dotama. Ay andasug yangay at buknga nu gtuyan o ngay kinbul at fakamulun te, o masine ay o mauri, ay nu gfon o famonun sas fagayu am taglong am ngay fagsuguan, ay sam ngay taw, ay sas fagayu tagsuyu emu, sa takadungug fag ngay taw ay dewa sat mafalingun fag ngay taw. Ay andasug yangay at buknga nu gfamin o tagfaidapan ngay taw sas fagdaul daga.”