Eremyas 26:21 - Fanawbuid tagsibaliwas Fakayabian

²¹ Ay fun Yuyakim ay ngay tagfangguna ay anggan at tagalaga nu nadungug Urya at longan, kanya fagayu maksvn nu gafabulun anya. Dewa katanya, Urya nasaful, ay kanya nalagyu sas talun Igiptu aroro kalimu.

Eremyas 26:21 ပူးပေါင်းရင်းမြစ်များ

1 Fun 18:10

Gfatuyanan au sas Yawi, am tagleleg fag Dius te, ku tagfayafun nasugu wan sas fagayu talun ay fagfagtainanan laman nanrvbvy emu. Ay fagayu talun ay fagfagtainanan nu dway nalag, Akab gfabulun sa anya fagayu te, fatuyanani sa anya te, we lagan emu.

2 Krunika 16:10

Nu katanya, fun Asa andotama maksvn kafag taglong ay nafaubung. Ay siginan yangay ginanya Asa nafasigad nafaidapan at ngay taw tiba.

2 Krunika 24:21

Ay ngay tagfakamulun anke algan namabul Sakaryas. Ay fun nasugu te, fanai wan Sakaryas, ay kanya fagayu nafana anya sis Yawi at basad bale, ay kanya anbul wan.

Alubad. 119:109

Kabavn dewa au gugat gidapan arvs gakabulun kwan, kdi kalyam am faugali.

Fangatulun 29:25

Nu kalimu way o tibak taw, kata nu nsangdaw o. Dewa katanya, nu gafanud tuo sas Yawi, umlangfe tuo.

Eremyas 26:10

Ay Uda at ngay tagfangguna nu nadungug takatanya, kanya fagayu nalao sas Yawi at bale ay nananmalunggung sisad dalan tagsat bagu fag sakbawan sis Yawi at bale laman nanginsaful.

Eremyas 36:26

Abat ngate, fun nasugu way sat baguama Erakmel, ay sas Seraya, Asriel at baguama, ay sas Selemya, Abdyel at baguama te, “Gamati Baruk fag tagriruk ay Eremyas fag taglong.” Dewa katanya, Yawi nafasuksuan wan duama.

Eremyas 38:4

Nu katanya, kafag ngay tagfangguna nalong sat fun te, “Fabuli wan Eremyas aroro at ngay longan gfamomuy way at kinsawad fag ngay tagfawayan ay tam ngay taw at ngay amatanganan. Kanya we algan ya at masine sa sangay taw, nu bunway fagmauriun way.”

Mateu 10:23

Ay sik furuan at taw nu gfauri way ayu, lagyui sat fadogan fag furuan. Aroro matuyan nu glong au ayu te, ya ban am nadasug ngay taw Israel at ngay furuan tiba, au, Taw at Baguama, yakmay kban andasug.

Mateu 10:28

Ay lag kalimu tagfabul ay bilug aroro we mafafabul ay falad. Ay fakalimuun at mafamin tua ay falad ay ay bilug sas Afuy Daul.

Mateu 10:39

Ay nusnga sinu takesug way at leleg, umkalyam way ban at leleg. Ay nusnga sinu tagfon tua at leleg aroro gafanud sa angku, kanya ban e leleg tua kabavn.

Mateu 14:5

Ay Erudes kaylat gfabul Uan, ay wa nafabul aroro kalimu ngay taw Udyu, aroro kafag ngay taw gafanud te, Uan, Dius at taglong at sadi.

Markus 6:19

Ay Erudias maksvn nu kauri Uan ay kaylat gfabul anya, ay wa mafafakamulun,