Eremyas 26:20 - Fanawbuid tagsibaliwas Fakayabian

²⁰ Ay ginanya, sik taw naringang yangay sa sangay taw sas Yawi at ngayan. At ngayan Urya, Semaya at baguama, siginans Kiryat-Earim. Kanya nalong yangay takadasug sa kafag furuan ay sa kafag talun kata Eremyas at nalong.

Eremyas 26:20 ပူးပေါင်းရင်းမြစ်များ

1 Fun 18:10

Gfatuyanan au sas Yawi, am tagleleg fag Dius te, ku tagfayafun nasugu wan sas fagayu talun ay fagfagtainanan laman nanrvbvy emu. Ay fagayu talun ay fagfagtainanan nu dway nalag, Akab gfabulun sa anya fagayu te, fatuyanani sa anya te, we lagan emu.

2 Fun 23:37

Ay kanya nafakamulun at mauri sis Yawi at daga salubangan, kata at mangaguyang at nafakamulun.

Eremyas 2:30

Nafauri koma ay ngay sisian, dewa katanya, wa naubun at fagmauriun, ay wa nafayfoyung. Ay nafabul wam ay ngay taglong, kata sik liun takalunus nu gfabul.

Eremyas 36:19

Ay kanya fag ngay tagfangguna nalong sas Baruk te, “O ay Eremyas nanuksuan am, ay lag am glong sas nusnga sinu te, sanya am.”

Uswe 15:60

Kiryat-Baal (kanya Kiryat-Earim) ay Raba: duak furuan, kataip wan ngay furuan ayu sirut sit ligung.

Uswe 18:14

Sanya ginan, sas fakayabian fag buksul tagsalubang sas Bet-Kurun gtaglayun sas fasiunan fag alvngvdan baliwa. At fatuan sas Kiryat-Baal (at ngayan yangay te, Kiryat-Earim), sik furuan daul Uda at fagagbilugun. Kanya at fatuan sas fakayabian baliwa.

Uswe 9:17

Nu katanya, ngay taw Israel nalao kaduge tuluk menit, ay kanya fagayu andasug sa sangay taw Gibyun at talun. Tagbanwan sanya ngay taw Gibyun, taw Kefira, taw Beerut, ay taw Kiryat-Earim.

1 Samwel 6:21

Sanya ginan, kafag ngay taw nasugu ngay tagfosuk longan sas furuan Kiryat-Earim, laman nanlong te, “Ngay taw Filistia nafafoli wan Fagsuadan Nasadian. Gewan, bubai wan sa ay talun.”

1 Samwel 7:2

Fagsuadan Nasadian nu sis Kiryat-Earim, duak safuluk banwa. Ginanya ngay taw Israel maksvn nu kabalu ay naet gubuk sas Yawi.