Eremyas 26:19 - Fanawbuid tagsibaliwas Fakayabian

¹⁹ “O Esekyas ay ngay taw Uda nafabul Mikas? Duan! Esekyas anlimu tua Yawi ay ankakbang sa anya. Nu katanya, Yawi wa nafataglayun at algan fag faurianan sa anya fagayu. Ay nu nafabul ro tam Eremyas, itam yay tagfaurianan antam.”

Eremyas 26:19 ပူးပေါင်းရင်းမြစ်များ

2 Samwel 24:16

Ay gina tagbarita namabul ngay taw sis Erusalem, Yawi anfanyu kafag ngay taw. Nu katanya, kanya nalong sa kafag tagbarita te, “Sabv ro! Faragangi wan nu gfaurianan o anya fagayu.” Ginanya Yawi at tagbarita malindug sis Arauna at fagruyusan, kanya sik taw Ebus.

2 Krunika 32:20

Ay fun Esekyas ay taglong Isayas, Amus at baguama, nadarangin sas Dius tagsis banwa.

2 Krunika 34:21

“Nanginto am sas Yawi laman sa angku ay sa sangay taw Israel ay taw Uda at sawad, sabaliwa at marirukan si ay nalag fag fafil. Yawi maksvn nu kadotama antam, aroro tam ngay mangaguyang wa nafaning Yawi at ngay longan at marirukan sanya fag fafil.”

Nu Galin 32:14

Nu katanya, Yawi di nafataglayun at algan nu namabul at ngay taw.

Isayas 26:21

Aroro kanya umdasug siginan at fagbanwanan laman namauri fagdaul daga at ngay taw aroro at ngay asalanan. Daga namalfas yay ban at kinbul fag ngay taw, ay wa ban gdog ya nanuksuk.

Isayas 37:1

Fun Esekyas nu nadungug kafag barita, kanya nagirat at lanbung, ay nasulun saku laman sik famasaful te, kabalu, ay kanya nalao sas Yawi at bale laman nandarangin.

Isayas 37:4

Asirya at fun nasugu at fun tagfawayan laman namalingun tagleleg fag Dius. Malgau ay Dius Yawi nadungug wan kanya fag fun tagfawayan at longan ay kanya umfaurianan aroro nalong takatanya. Nu katanya, darangini tua at kinsawad si antam.’ ”

Eremyas 26:15

Dewa katanya, amatangani te, nu nafabul ro am angku, am ay anggan ay ngay taw umke mamalong ro, aroro nafabul am at yud e asalanan fag taw. At matuyan, Yawi nasugu angku laman gfoyung au sa ayu kata ay nadungug.”

Eremyas 26:3

Bangaran ro kanya fagayu gdungugan yay emu ay gtalyuyan at ngay ugali at mauri. Ay kanya ban fagayu nu nafakamulun tua takatanya, kwa gfataglayun ya ku algan sa anya fagayu aroro sat ngay fakamulun at mauri.

Eremyas 44:7

“Au Yawi at Mabalyanan, Israel at Dius, ginto au te, wain ay fagnafauriun ay ngay sadili? O nunda kaylat wam ngay taw Uda nu kamin, ngay mangama, ngay mangena, ngay baguama ay anggan at bagu kasalug fag ngay sisian?

Amus 7:3

Nu katanya, Yawi nafabali yay at amatanganan ay nalong te, “Wa ban umfasludan ya takatanya.”

Abakuk 2:10

Aroro nafabul am ngayuk taw, e gfabul yangay ban ayu ay e nangiklas ay ngay bale.

Sakaryas 7:2

Ginanya, ngay taw Betel nasugu Sareser ay Regem-Melek ay at ngay fagsuguan laman namainsaful sa sangay tagfon fanggalangun sas Yawi at Mabalyanan at bale, ay sa sangay taglong, laman nanginto sas Yawi te, “O nangabalu yaymi ay e buknga nu yud gfangon laman gdarangin galay falimak magdanun kata ebi em fakamulun?”

Tap 16:38

siginan at fagirugan at kinkirug fag ngay taw aroro sat asalanan. Bebei kafag ngay famanus yakmay anlafi, ay awati kata fanuklub sas fagirugan fanggalangun aroro kanya fagayu nafon fanggalangun sas Yawi ay nafa yud e malong at ngay famanus. Kanya fag fanuklub fagirugan fanggalangun umsik famararang sa sangay taw Israel.’ ”

Mateu 23:35

Sumugu kban kafag ngay taw sa ayu, laman Dius at nafalganan fag faurianan sas fagayu at nafabul at matuyan fag ngay taw kadasug yangay ban fia sa ayu, siginan ebi at faurianan sat nafabul Abel, sitsigon at nafabul Sakaryas, Barakyas at baguama. Kanya ebi ay nafabul gina sisad wabilug Dius at bale ay at fagirugan fanggalangun.

Fakamulun 5:39

Dewa katanya, nu siginan tuas Dius, wam mafaragang anya fagayu. Aroro nu nasalag way ban am anya, tam fagfawayanun Dius wan.”

At Nafasure 16:6

Aroro kafag ngay taw nafabul am nafili fag ngay taw ay am ngay taglong, ay at ngay taguk ankugwag. Nu katanya, taguk yangay ban am famainum sa anya fagayu. Tuy at matuyan fag faurianan sanya fag ngay taw.”