Eremyas 26:13 - Fanawbuid tagsibaliwas Fakayabian

¹³ Nu katanya, fabalii wan ay ngay ugali ay anggan nu mabanwan am, ay faningi tua ay Dius Yawi. Aroro nu nafakamulun tua ban am takatanya, Yawi ban wa gfataglayun nu gfaurianan ayu.

Eremyas 26:13 ပူးပေါင်းရင်းမြစ်များ

Nu Galin 32:14

Nu katanya, Yawi di nafataglayun at algan nu namabul at ngay taw.

Isayas 1:19

Nu gfaning tua ban am angku, gfon kban ayu ngayuk gutluan siginan ay daga, laman ay fakonun.

Isayas 55:7

Am fag ngay taw at mauri, ubuni wan ay fagmauriun, ay ay ngay ugali at yud matuyan ay fabalii wan ay ngay amatanganan. Ay afolii wan sas Yawi tam Dius, aroro kanya kafanyu tua ayu ay gfalyam ay ngay asalanan.

Eremyas 11:4

Katatuy em nasadian: gina au gfaduksun ay ngay mangaguyang siginans talun Igiptu takata sik faygangan daul at mafatinas sanbung, nalong au sa anya fagayu te, ‘Faningi ku ngay suguan, aroro nu gfaning tua ban am angku ay ku ngay suguan, am waban ku ngay taw, ay au ay Dius.

Eremyas 18:11

“Nu katanya, nanlong o sa sangay taw Uda ay sa sangay taw Erusalem te, ‘Dungugani! E algan au namaurianan ayu. Nu katanya, faragangi wan nu gugali am at mauri. Ay galay am at sadi ubuni wan ay fakamulun ay anggan ay ugali at mauri.’

Eremyas 18:8

ay kanya ro nu nafaragang tua nu gfakamulun at mauri, kdi ro gfafasludan ku algan sa anya fagayu.

Eremyas 26:19

“O Esekyas ay ngay taw Uda nafabul Mikas? Duan! Esekyas anlimu tua Yawi ay ankakbang sa anya. Nu katanya, Yawi wa nafataglayun at algan fag faurianan sa anya fagayu. Ay nu nafabul ro tam Eremyas, itam yay tagfaurianan antam.”

Eremyas 26:3

Bangaran ro kanya fagayu gdungugan yay emu ay gtalyuyan at ngay ugali at mauri. Ay kanya ban fagayu nu nafakamulun tua takatanya, kwa gfataglayun ya ku algan sa anya fagayu aroro sat ngay fakamulun at mauri.

Eremyas 35:15

siginan ku ngay taglong. Ay ku ngay fagsuguan fag ngay taglong dewa glong gugat ayu te, “Ubuni wan ay ngay ugali at mauri, ay tubusi wan ay famanwanun, ay lag gseg ya sa tibak fagsegan, laman ban gbanwan tuam gugat si ku nafon sa ayu fag daga,” wam gafanud ay gfaning angku.

Eremyas 36:3

Ngay taw Uda ro manga gubun tua at ngay ugali at mauri nu nadungug te, gfadasug kban sik faurianan. Ay kanya ban fagayu nu naubun tua at ngay ugali at mauri, gfalyam kban at ngay asalanan.”

Eremyas 38:20

Ay Eremyas glong anya te, “Nu gfaning tua ban o Yawi at longan, ngay taw Babilunya ro wa gfon emu sa kafag ngay taw Udyu. Wa ro wo kabul ay wa ro e kadasug sa emu nusnge wain at mauri.

Eremyas 42:10

‘Nu gbanwan tua ban am gugat ste fag talun, gfadog kyay ban gfalindug ayu ay kwa ban gfaurianan ya ayu. Gtanum kban ayu ay kwa ban ggulad ya. Aroro at matuyan, anbalu au sa ku nafadasug sa ayu fag faurianan.

Esekyel 33:11

Nanlong o sanya fag ngay taw te, ‘Au, Fun Dius Yawi gfatuyanan au te, kafanud nu gleleg au, kwa guseganan at mauri fag ngay taw nu kabul. Ku fakaylatun, kafag ngay taw nu gubun tua at ngay ugali at mauri laman gleleg tua. Nu katanya, ngay taw Israel, ubuni wan ay ugali at mauri. O nunda kaylat am kabul?’

Uel 2:14

Tibaginan ro, Yawi gfabali yay at amatanganan, ay gfon ayu ngayuk gutluan, laman e fon tuam sa anya ngay fanggalangun fag ngay rawvg ay ngay fanlangu.

Unas 3:9

bangaran ban Dius nafabali yay at amatanganan ay nafalyam yay at maksvn fag dotama sa antam ay di ban namamin ya antam.”

Unas 4:2

Nu katanya, Unas nalong sas Yawi te, “Yawi, matuyan ebi ku nalong gina au si em furuan te, nangafanyu o kafag ngay taw tagsis Ninibe nu gubun tua at ngay asalanan, aroro nasaful kwa te, sik Dius tuo at mafangafanyu ay at mafangamatang. Ay mafangesug tuo ay di o gfangadotama. Ay mafalganan tuo gfabali am amatanganan laman di o namaurianan. Kanya wan ku fagnalagyuun sas Tarsis.

Deuterunumyu 32:36

Yawi ban gfalangfe at ngay taw, ay kanya ban kafanyu at ngay fagsuguan, nu nalag ban te, kanya fagayu we fagmabitsugun ya, ay nu alay way lang at sawad, ay anggan at ngay fagsuguan.

Ebreu 5:9

Ay kanya nu nafakamulun wan takatanya, kanya nafon tua at yud e fakatabuan fag fakalangfean sas fagayu taw tagfaning anya.

Tagfangguna 2:18

Yawi nagubuk tua fagayu at nasugu fag ngay tagfangguna ay nafalangfe ngay taw Israel siginan at ngay fawayan kaduge ngay tagfangguna gleleg, ay anfanyu tua, aroro nalag at ngay nakalpan siginan at ngay nafaidapan ay at nafauri anya fagayu.