Eremyas 25:9 - Fanawbuid tagsibaliwas Fakayabian

⁹ namadasug au sa ayu sik ngay tagfawayan siginans fawalan fag alvngvdan ay ku fagsuguan Nabukudunusur, Babilunya at fun, tagfangguna. Kanya namawayan sa ay talun, ay sa sangay tagbanwan sanya, ay anggan sa sangay furuan tagsi ay ligung. Namamin kwan ayu, ay tiba bank taw umdulo at kindasug sa ayu, ay gfalingun ban gugat ayu aroro ay talun ban marasrasan way gugat.

Eremyas 25:9 ပူးပေါင်းရင်းမြစ်များ

2 Fun 24:2

Yawi nafadasug sa anya ngay taw Babilunya, taw Aram, taw Muab, ay taw Amun fag ngay tagakabayuan laman namarasras Uda, kata Yawi at nalong sat ngay fagsuguan fag ngay taglong.

2 Krunika 29:8

Nu katanya, Yawi andotama ngay taw Uda ay ngay taw Erusalem. Kanya nafaurianan antam, ay katsi tibak taw kadulo at kindasug sa antam, ay gfalingun, ay gsaruyan way antam.

2 Krunika 36:21

Nu katanya, anfasludan Yawi at longan siginan at taglong Eremyas te, umsik mabaluanan ban at talun, ay kanya ban fag talun gfiangalay way kaduge fituk safuluk banwa.

Fangatulun 21:1

Sik funan at amatanganan kata sik liskung Yawi at fagfafamiluganun nusnga nday at fakaylatun.

Isayas 10:5

Yawi nalong te, “Ida, afanyuan ngay taw Asirya. Kanya ban ku fagnansuguun laman namalag ku fandotaman.

Isayas 13:3

Nasugu au ku nafili fag ngay tagfawayan tagfauri ku fakadotamaun fag ngay taw. Kanya fag ngay tagfawayan gfanagsag te, mafakamulun au.

Isayas 39:7

Ay at fadogan ban am kasugfunanan gatabanan ay nangasik fagsuguan sas Babilunya at fun at bale.”

Isayas 44:28

Nalong au sas Sirus te, ‘O ban tagulit ku ngay taw, ay at namakamulun fagayu ku fakaylatun. Sugui te, Dogi yap awati furuan Erusalem, ay anggan ku bale.’ ”

Eremyas 1:14

Yawi nalong te, “Matuyan am nalag, aroro e kadasug ban sik malimu siginans wala baliwa fag alvngvdan laman sa sangay taw tagbanwan ste fag talun.

Eremyas 1:15

Dungugani! Nanguro au ngay tagfawayan siginans fagayu fagfagtainanan, tagsis wala baliwa fag alvngvdan laman namawayan furuan Erusalem. Ay kanya ban fag ngay talun at ngay fun nangawat at ngay mesa fagfagtainanan sis furuan Erusalem at ngay sakbawan anggan sat ligung. Ay katanya yangay ban at fakamulun sa tibak furuan sis Uda.

Eremyas 10:22

Dungugani ngay tagfawayan takadasug siginans fawalan fag alvngvdan nu gtadtalasan! Kanya fagayu nanrasras Uda at ngay furuan ay at namanwan ban sanya ngay idu talun way lang.

Eremyas 12:14

Yawi nalong yangay te, “Katanya yangay ban ku fakamulun sat mauri fag ngay talun at munakbang sis Israel at narasras ku nafon fag fagbanwanan sa ku ngay taw. Gaiyan kban anya fagayu siginan at fagbanwanan kata nu gaiyan au ngay taw Uda siginan at talun.

Eremyas 18:16

Nu katanya, at talun ban umsik mabaluanan ay umsik tagafalingunan ban gugat. Ay fagayu ban tagdalan sanya maksvn nu kalimu ay gtadtaruyan.

Eremyas 2:15

At ngay fawayan kata sik ngay liun gsubang anya fagayu, ay nafauri at ngay daga, ay nairug at ngay furuan, ay we gbanwan ya sanya.

Eremyas 20:4

Katatuy Yawi at longan: Umlimu ban o takadasug sa emu ay sa am ngay fagadgalangan. Lumag ban o ngay fawayan nu gfabul kanya fag ngay taw sis fagawayanan. Namagbilug kban talun Uda sas Babilunya at fun. Ay kanya ban fag fun gfabul tibak taw Uda, ay tiba bank taw gatabanan.

Eremyas 24:9

Nama sik masuya au anya fagayu sa sangay fagfunanun sas fagdaul daga. Ay tiba bank talun gfalingun ay gfauri anya fagayu nusnga nday nu gbanwan.

Eremyas 25:8

Nu katanya, katatuy Yawi at Mabalyanan at longan, ‘Aroro wam gdungugan ku ngay longan,

Eremyas 29:18

Anud, awayan ban ay fanlunus ay fakasaitun gfafalo anya fagayu, ay tiba bank fagfagtainanan gfalingun anya fagayu. Ay gaiyan kban anya fagayu sas nusnga nday fag talun, ay ngay taw ban gfauri, gfalingun, ay kadotama maksvn anya fagayu.

Eremyas 35:11

Dewa katanya, gina fun Nabukudunusur, Babilunya at fun nanamawayan ste sfuruan, anlimu ami maksvn ngay taw Babilunya ay taw Aram at ngay tagfawayan, nu katanya, ansadi ami te, glagyu wami sas furuan Erusalem. Kanya wan katsi em fagbanwanun iste fag furuan Erusalem.”

Eremyas 36:2

“Buli sik fagrirukan ay riruki sanya fagayu ku nalong emu sabaliwas Israel, sas taw Uda, ay sas fagayu talun. Riruki fagayu ku nalong emu, siginan ebi taguna ku nalong gina fun Usyas gfunan, dasug katsi.

Eremyas 36:29

Sanya ginan, nanlong o sas fun te, ‘Katatuy ku longan: Nairug o kafag rirukan, aroro marirukan sanya te, talun Babilunya ban at fun nanrasras wan tuy fag talun, ay gfabul ban iste fag ngay taw ay fag ngay fagbaugun.

Eremyas 4:7

Tagrasras ngay talun kadasug wan kata sik liun at nalfas siginan at luib, laman namaurianan ay talun, kata ngay liun nu masakit gduksun siginan at fagsuksuanan. Ay fagayu ay furuan umrasras, ay wa ban e gbanwan ya.

Eremyas 40:2

Ay Nebusaradan nu nalag Eremyas nalong te, “Yawi, am Dius nalong te, grasras ban furuan Erusalem.

Eremyas 43:10

Sanya ginan, longi sa anya fagayu te, ‘Yawi at Mabalyanan, Israel at Dius, glong te, Gsugu kban ku fagsuguan Nabukudunusur, Babilunya at fun, ay namoli au at fagmalunggungan sis tungud ku nasaksak ste fag ngay gang ay kanya nangawat at bale ramit sit tungud.

Eremyas 46:20

Talun Igiptu kata sik tumad baka, dewa katanya, e sik ngay tuma kadasug siginans fawalan fag alvngvdan laman nangalafang anya.

Eremyas 49:19

Sik liun tagsiginan at fagsuksuanan sis tigyangan Liskung Urdan gfarapyagan ngay tupa tagsis fagfafangonan sis day liskung. Katanya yangay ban nu namafalo au ngay taw Edum siginan at talun, ay namatigwanan kban at talun sa ku nafili fag ngay taw. Sinu takata angku? Sinu at manamaskud namabadbaboan angku? Sinu fag tagfangguna at manamawayan angku?

Eremyas 6:1

“Benamin at ngay kasugfunanan, lagyui ay nanuksuani! Loi wan siginans furuan Erusalem! Ay uyupi ay budyung sas furuan Tekwa ay fadungugi anggan sas Bet-Akerem fag furuan, aroro faurianan kadasug wan siginans fawalan fag alvngvdan.

Eremyas 8:16

Tam ngay fawayan at ngay kabayu nu gengasan kadungug siginans Dan. Ay si omay lang at ngay uni, fagdaul talun gtadtaruyan wan. Kanya fagayu andasug laman nanrasras tuy fag talun, ay ste fag furuan ay fagayu tagsanya.”

Esekyel 12:20

At ngay furuan ban umrasras wan, ay kanya ban fagayu kabalu maksvn ay sumaful te, au Yawi.’ ”

Esekyel 16:40

Kanya ban fagayu gtaban emu sa sangay taw at namana emu ay at namasadsamanan am ngay afud bilug siginan at fiso tagsumbalian at uyup.

Esekyel 21:11

Nu katanya, nafaglat kwan ku fiso ay mafalganan kwan namabul.

Esekyel 26:7

Fun Dius Yawi nalong yay fia te, “Ngay taw Tiru, namadasug au sa ayu fun Nabukudunusur, Babilunya at fun, ay fagayu fun at fun. Ay kanya ban kadasug siginans fawalan fag alvngvdan gadgaloan ngayuk tagfawayan, ay tagsakay sis faguyudan, ay sis kabayu.

Esekyel 36:5

Au, Fun Dius Yawi, glong au te, maksvn nu kadotama au ngay talun, kaugat wan talun Edum! Kafag ngay taw maksvn nu guseganan gina nagbilug ay nafalingun ku talun, aroro kanya fagayu maksvn nu gaagbilugun sanya fag ngay fagfafangonan.’

Daniel 5:18

“Em fun, am mama Nabukudunusur Tiba Tungud fag Dius at nafili fag fun. Kanya anke fagmabalyananun ay ngay taw nafauseganan anya.

Abakuk 1:12

Abakuk nalong te, “Yawi, o wan ku Dius siginan ebi. O wan at yud e malong ay at yud e fakatabuan fag Dius. Yawi ku fagsarigan, nafili o ngay taw Babilunya laman gfaurianan emi.

Abakuk 1:17

Yawi, o kanya ban fagayu gfataglayun wan nu yud e afanyu nu gtaban ay nu gfauri ngay talun at taw?”

Deuterunumyu 28:37

Nusnga nday ban fag talun nu gatabanan am, ngay taw ban tagbanwan sanya kauri ay gfalingun ay gfapla ayu.