Eremyas 25:6 - Fanawbuid tagsibaliwas Fakayabian

⁶ Lag am gseg ay gfaning tibak fagsegan, ay lag am gfadotama angku siginan ay nawat fag ngay fagsegan, laman ban kwa gfaurianan ayu.’

Eremyas 25:6 ပူးပေါင်းရင်းမြစ်များ

1 Fun 14:22

Ngay taw Uda nafakamulun at mauri sis Yawi at daga salubangan. Siginan kafag ngay taw at asalanan, Yawi maksvn nu kadotama anya fagayu, gtungud yay nu kadotama at ngay mangaguyang.

2 Fun 17:35

Yawi nawat at nasadian sa sangay taw Israel, ay nasugu te, “Lag am nanseg tibak fagsegan, ay lag am nantudan laman namaning anya, ay lag am namon fanggalangun.

Nu Galin 20:23

Nu katanya, lag am kawat ngay fagsegan at mawatan sanbung salapi ay gintu, laman gfasfuan nu gseg am angku.

Nu Galin 20:3

Lag am gseg tibak fagsegan sas day angku.

Eremyas 32:30

“Au, Yawi, glong au te, siginan ebi, ngay taw Uda ay ngay taw Israel at nafakamulun mauri way. Kanya fagayu nafadotama angku siginan at nafakamulun mauri.

Eremyas 35:15

siginan ku ngay taglong. Ay ku ngay fagsuguan fag ngay taglong dewa glong gugat ayu te, “Ubuni wan ay ngay ugali at mauri, ay tubusi wan ay famanwanun, ay lag gseg ya sa tibak fagsegan, laman ban gbanwan tuam gugat si ku nafon sa ayu fag daga,” wam gafanud ay gfaning angku.

Eremyas 44:7

“Au Yawi at Mabalyanan, Israel at Dius, ginto au te, wain ay fagnafauriun ay ngay sadili? O nunda kaylat wam ngay taw Uda nu kamin, ngay mangama, ngay mangena, ngay baguama ay anggan at bagu kasalug fag ngay sisian?

Eremyas 44:8

Wain ay fakauriun angku siginan nu kawat am tibak fagsegan? Ay girug am ngay famaebebanglu laman sa kafag ngay fagsegan sanya sis talun Igiptu nu inda nu gbanwan am. Ay nafauri am ay ngay sadili ay nafa sik ngay masuya ay nafae fakaplaun am ayu sa sangay talun sas fagdaul daga.

Eremyas 7:6

ay lag am gfaidapan ya ngay taw tagsiginan tibak talun, ay at yud e ngay fagtainan ya, ay ngay fagbubayun. Lag am gfabul at yud e asalanan ay lag am gseg ya tibak fagsegan tagtaban ayu sas faurianan.

Eremyas 7:9

Gfangkamul am, kamabul, kamatugtug, kamuagan nu gfatuyan, girug am famaebebanglu laman sas Baal, ay gseg am tibak fagsegan ay fagyudun toglag.

Usea 1:7

Dewa katanya, kafanyu kban ngay taw Uda. Au, ay Dius Yawi, namalangfe kban anya fagayu siginan ku fagmabalyananun, bundi siginans ngay tagfawayan at ngay famawayan, kata godun, fiso tagsumbalian at uyup, ay ngay kabayu ay fagayu tagsakay sanya.”

Deuterunumyu 13:2

ay nu nfasludan way kata at nalong, ay nu nalong way ayu te, “Nangalo watam ay nanseg tibak dius tam yud yay fagtoglagun,”

Deuterunumyu 28:14

Nu katanya, lag am gsaruy nusnga setaw ku nafoyung sa ayu fag ngay suguan katsi fag menit, ay lag ban am gfaning tibak fagsegan ay lag ban am gfakamulun laman sa kafag ngay fagsegan.

Deuterunumyu 6:14

Lag am galo tibak fagsegan, ngay taw tagbanwan si ay ligung at fagsegan,

Deuterunumyu 8:19

Dewa katanya, katsi gfararang au sa ayu te, nung way ban am nalyam ay Dius Yawi ay nanangalo am ay nanamauseganan sa tibak dius matuyan wan umkamin am.

Uswe 24:20

Nu nyayu way ban am siginans Yawi ay nu naseg wayam tibak fagsegan, kanya ban gfaurianan ayu. Kanya ban gfamin ayu, ebi kanya dewa matuyan sa ayu.”