Eremyas 25:34 - Fanawbuid tagsibaliwas Fakayabian

³⁴ Am fag ngay tagfangguna, waywayi maksvn, dagingani sis daga aroro sa ay fakabaluun. Aroro andasug wan at menit nu gfabul ayu kata nu gfabul sik tupa, ay umrufa am kata at kinrufa fag tikung.

Eremyas 25:34 ပူးပေါင်းရင်းမြစ်များ

2 Krunika 36:10

Ay gina gfasigad ginanya fag banwa, fun Nabukudunusur nataban Yuyakin sas talun Babilunya. Ay kanya nasugu sat ngay fagsuguan laman namul ngay fagagbilugun sis Yawi at bale, ay kanya nafili Sedekya Yuyakin at sai laman sik fun sas talun Uda ay furuan Erusalem.

Alubad. 2:9

Ay siginan am fagmabalyananun gbabo ban o am ngay fawayan. Ay grufa ban o anya fagayu kata sik tikung.’ ”

Isayas 10:12

Dewa katanya, tam Fun Dius nalong te, “Gina ban antabu nu gagbilug au Asirya at fun nu namafasludan ku algan fag faurianan sas Buksul Siun ay sas furuan Erusalem, namaurianan kyangay ban anya, aroro kanya kamatungudun ay kamanagsag!”

Isayas 2:16

Kanya ban gfalubgub wan fagayu sakayan lino tagbia ay at masine.

Isayas 30:14

Umrufa ban am kata sik bisu daga, ay at kaksvnan, we nagrufan ya sak masaruk ngay nagyunguan ay mafatas mamam.”

Isayas 33:1

Afanyuan am fag ngay tagrasras, am at yud batang e nagdalanan takatanya. Afanyuan am fag ngay takamabo, am at yud batang e nagdalanan nu e kamabo ayu. Ay nu ntabu wam grasras ay kamabo, am yangay ban at fagrasrasun ay at fakamaboan.

Isayas 34:6

Yawi at fiso gatabaun ay gatagukun, kata nu gfilas sik ngay fanggalangun fag kambing ay tupa. Aroro Yawi namabul ban fagayu taw Busra kata sik fanggalangun. Ay ngayu yay at fagnamabulun sis talun Edum.

Isayas 34:7

Ay namabul yangay ban at mabalyanan fag ngay taw sanya fag furuan kata nu gfabul sik baka tama. Ay sanya fag furuan umkapnu taguk ay taba.

Eremyas 18:22

Fabayani wan kanya fagayu nu guro kalimu, gina at ngay fawayan nanrasras at ngay bale. Ay kanya fagayu nalusung laman ku fakatongan, ay nawat yangay sangdaw laman kasangdaw au.

Eremyas 22:28

Yuyakin, kata o sik tikung at marufan at yud e masuad ya. Nu katanya, nangukas kwan emu ay anggan am ngay sisian say fagyudun toglag fag talun.

Eremyas 23:1

Yawi, Israel at Dius, glong te, “Am fag ngay tagfangguna ku ngay taw afanyuan am! Am wan ku fagfatigwanan tagalaga ku ngay taw kata sik tagalaga ngay tupa, dewa katanya, nafabayan am kanya fagayu nu kabul ay nu gfanaruayan. Takatanya ay nafakamulun, nafasaruayan wayam ku ngay taw. Nu katanya, namaurianan au ayu. Anud wan, namaurianan au ayu aroro sa ay ngay nafakamulun at mauri.

Eremyas 25:12

“ ‘Ay nu nlangfe ban fituk safuluk banwa, gfaurianan kyangay ban Babilunya at fun anggan at ngay taw aroro sat ngay asalanan. Gfasik mabaluanan kyangay ban at ngay furuan kabavn.

Eremyas 25:23

sis Dedan, Tema, Bus, ay si tangayayu fag ngay talun,

Eremyas 25:36

Umdungug nu gwayway am ay nu gfandeng am, aroro Yawi nafamin wan ay ngay iba.

Eremyas 27:7

Fagayu ban talun namakamulun laman sas fun Nabukudunusur, ay sat baguama, ay sat fufu, yakmay ban andasug talun Babilunya nu kafaurianan. Sanya ginan ban, talun Babilunya man at namakamulun laman sa tibak talun ay sat mabalyanan fag ngay fun.

Eremyas 3:19

Ay guseganan kban glong te, ‘Am wan ku ngay sisian ay gfon kban sa ayu sik talun at masine, sik masine fia fag famonun sas fagdaul daga.’ Nu glong au, gngayan ban am angku te, ‘Mama’ ay wa ban am kasaruayan ya siginan angku.

Eremyas 48:26

Falangui wan Muab aroro kanya natalyuyan angku. Ay kanya gtaygilidan sit sadili fangkok ay e gfalingun anya.

Eremyas 48:38

Ngay taw gwayway wan sat ngay mesa bale ay sa sangay fagaweanan, aroro narasras kwan talun Muab kata sik tikung at kinrufa at yud e nangasalag ya.

Eremyas 50:27

Fabuli wan fagayu at tagfawayan kata nu gfabul ngay tumad baka. Fabuli wan kanya fagayu. Afanyuan kanya fagayu aroro buknga wan nu gfaurianan au anya fagayu.

Eremyas 6:26

Ku ngay taw, suluni ay ngay lanbung ay dagingani sas wa dafug laman gfalag am te, kabalu am. Abalui maksvn kata ay ngenge tagsesadi nu nbul, aroro ay ngay fawayan masakit nu kadasug laman namawayan antam.

Takabalu 4:21

Am fag ngay taw Edum tagbanwan sis Us, katsi useganani ay fanagsagi, aroro Yawi namaurianan yangay ban ayu. Umfaurianan yangay ban am ay umke fakaplaun.

Esekyel 34:20

“Aroro au, Fun Dius Yawi, glong au te, namasaruayan kban at mataglu ay at maniwang fag ngay tupa.

Daniel 11:8

Sanya ginan, kanya ban namuba sas talun Igiptu ngay fagsegan ay anggan ngay ramraman at mawatan siginans salapi ay gintu. Kaduge ngayuk banwa, kanya di gfawayan tagsis fawalan fag alvngvdan fag fun.

Usea 8:8

Ngay taw Israel kata nu naonan tibak talun. Katsi kanya fagayu gfasuglatan way lang sanya fag ngay talun, kata way lang at yud e fanambagun fag fagagbilugun.

Amus 5:11

Gfalingun am ngay taw at yud e kwa ay gbul am at ngay gutluan. Nu katanya, wa ban am manamanwan say nawat fag bale daul, ay wa ban am mainum fanlangu siginan ay ngay tanum wat ubas.

Sakaryas 10:3

Yawi nalong te, “Maksvn nu kadotama au ngay tagfangguna ku ngay taw. Matuyan wan, namaurianan kwan anya fagayu. Aroro au wan tagalaga ku ngay taw Uda kata nu galaga tupa. Kanya fagayu namakata au sik kabayu tagfanagsag sis fagawayanan.

Sakaryas 11:3

Dungugani, ngay tagalaga tupa gwayway, aroro at fagnamafangonan wa masine ya. Dungugani yangay ngay mela nu guni aroro at fagbanwanan fag ngay araw tagsis tigyangan Urdan antubas wan.

Santiagu 5:5

Nabul wam ay fakaylatun ay ay fagalabianun ste swa daga. Nafataglu am ay sadili kata fagfilasun fag bumbu at mafatagluan.