Eremyas 25:3 - Fanawbuid tagsibaliwas Fakayabian

³ “Kaduge duak safulu e tuluk banwa, siginans falabi tuluk banwa Usyas, Amun at baguama, nu gfunan sis Uda, dasug katsi, Yawi gfoyung wa gugat sa angku at longan. Ay gfoyung koma gugat ayu, dewa katanya, wam kaylat gdungugan.

Eremyas 25:3 ပူးပေါင်းရင်းမြစ်များ

Fakasigadan 22:3

Balabag di, Abrayam masurip nu kafulo ay kamalse at famaygang gina ban namon fanggalangun, ay nafasat asnu at tungud guyuy. Abrayam glo wan gadgaloan Isak ay at fagsuguan fag duak mangama, sas Dius at nafoyung anya fag talun.

1 Fun 22:3

Israel at fun nalong sat ngay fagsuguan te, “O nasaful am te, furuan Ramut-Gilyad tam fagagbilugun yay? Wain way tam gbalyawvtan laman gago siginans Aram at fun?”

2 Fun 17:13

Yawi nasugu at ngay taglong laman namararang sa sangay taw Israel ay sa sangay taw Uda te, “Faragangi wan nu gfakamulun am at mauri, ay faningi ku ngay suguan ay ku ngay foyungan tagsi ku Faugali ku nafoyung sa ay ngay mangaguyang, ku nafon sa ayu siginan ku ngay fagsuguan fag ngay taglong.”

2 Krunika 24:19

Ay Yawi nasugu sa anya fagayu sik ngay taglong laman gfafoli sa anya. Ay kanya fag ngay taglong dewa nafoyung, wa kaylat gdungugan.

2 Krunika 34:1

Usyas waluk banwa gina gfasigad gfunan. Ay kanya gbanwan sis Erusalem, ay nu gfunan tuluk safulu e sadik banwa.

2 Krunika 34:3

Ay gina sis fawaluk banwa nu gfunan, kaduge mamunama yay, kanya nafasigad kakbang sat mangaguyang Dabid at Dius. Ay gina sis falabi duak banwa nu gfunan, kanya nafasine Uda ay Erusalem siginan nu gfaiklas ngay fagnansegan sa tangabat fag ngay buknga, ay nu grufa ngay turuk fagtoglagan Asera fag fagsegan, ay nu grufa ngay fagsegan ay ngay tawtawan.

2 Krunika 34:8

Gina sis falabi waluk banwa Usyas nu gfunan, kanya nasugu Safan, Asalya at baguama ay Maaseya, furuan at tagfangguna, ay Ua, Uakas at baguama, tagalaga ngay rirukan sit fagfagtainanan. Kanya nasugu anya laman namalanu Uda fag talun ay Yawi at bale, siginan nu namasine Yawi at bale.

2 Krunika 36:15

Yawi, kafag ngay taw at mangaguyang at Dius, gfakamatoan gugat anya fagayu, siginan at ngay taglong, aroro kanya kafanyu at bale ay kafag ngay taw.

Alubad. 81:13

Nu nafandungug di long am angku! Ay nu namanwan di am kata ku balyawvtan,

Nu Galin 8:20

Yawi nalong sas Muisis te, “Balabag ban masuripi tua nung o kafulo ay namablang ban o Igiptu at fun gina kanya glao sas liskung. Longi ban sa anya te, ‘Yawi glong te, Falaoi wan ku ngay taw laman kanya fagayu mananseg angku.

Isayas 55:2

Wain ay fagfangulanun ay ngay salapi sat yud e tungkul fag ngay fakonun? Wain ay fagfaminun ay nalufuyan sat yud mafapsug ayu? Dungugani angku, ay oni at mataba fag ngay fakonun.

Eremyas 1:2

Yawi nafon sas Eremyas sik foyungan ebi gina sis falabi tuluk banwa Usyas nu gfunan sis Uda. Usyas, Amun at baguama.

Eremyas 11:7

Siginan nu gfaduksun au ay ngay mangaguyang siginans talun Igiptu dasug katsi, gfamatang koma gugat sa anya fagayu te, faningi tua angku.

Eremyas 19:15

“Yawi at Mabalyanan, Israel at Dius, glong te, ‘Namadasug kban sanya fag furuan ay sa sangay furuan ayu sirut sit ligung ku nalong fag faurianan aroro kanya fag ngay taw kamatungudunun ay wa gdungugan ku ngay longan.’ ”

Eremyas 22:21

Nafararang kwan sa ayu ebi gina yayam manabayan, dewa katanya, wam nafandungug. Katanya wan ay ugali siginan nu mabaguama am, wam gfaning angku.

Eremyas 25:4

Ay dewa Yawi gsugu gugat sa ayu at ngay fagsuguan fag ngay taglong, wam kasalag ay wam gdungugan.

Eremyas 26:5

ay nu dway ban am gafanud ku fagsuguan fag ngay taglong ku fagsuguun gugat sa ayu, at ngay foyungan,

Eremyas 29:19

Aroro kabavn kanya fagayu wa gdungugan ku ngay longan siginan ku ngay fagsuguan fag ngay taglong. Ay anggan am at natabanan wam nafandungug.”

Eremyas 32:33

Kanya fagayu anyayu siginan angku dewa au gfoyung gugat sa anya fagayu. Ay kanya fagayu wa kaylat ay wa gdungugan at matuyan.

Eremyas 35:14

Yeunadab, Rekab at baguama, nafararang sat ngay gaban te, lag ginum fanlangu, ay at ngay gaban nafaning tua. Ay dasug katsi, kanya fagayu wa ginum fanlangu aroro gfaning tua at mangaguyang Yeunadab at suguan. Dewa katanya, am, wam nafaning angku, dewa ngayu ginan nu glong au sa ayu

Eremyas 35:15

siginan ku ngay taglong. Ay ku ngay fagsuguan fag ngay taglong dewa glong gugat ayu te, “Ubuni wan ay ngay ugali at mauri, ay tubusi wan ay famanwanun, ay lag gseg ya sa tibak fagsegan, laman ban gbanwan tuam gugat si ku nafon sa ayu fag daga,” wam gafanud ay gfaning angku.

Eremyas 36:1

Ebi sis faufatk banwa Yuyakim, Usyas at baguama nu gfunan sis Uda, Yawi nalong sas Eremyas te,

Eremyas 36:2

“Buli sik fagrirukan ay riruki sanya fagayu ku nalong emu sabaliwas Israel, sas taw Uda, ay sas fagayu talun. Riruki fagayu ku nalong emu, siginan ebi taguna ku nalong gina fun Usyas gfunan, dasug katsi.

Eremyas 44:4

Malayun oma nu gsugu au ku ngay fagsuguan fag ngay taglong laman namararang sa anya fagayu te, lag gfakamulun fagayu at mauri tagfadotama angku.

Eremyas 7:13

Kaduge am gfakamulun at mauri, gfararang koma gugat ayu, dewa katanya, wam nadungugan. Nauro koma ayu ay wam nabalus.

Eremyas 7:25

Siginan ay ngay mangaguyang nu glao siginans talun Igiptu dasug katsi, gfataglayun kyay oma gugat gsugu ku ngay fagsuguan fag ngay taglong sa ayu.

Esekyel 33:4

Nusnga sinu at nadungug famasaful fag budyung, ay nu dway nafaning, kanya umbul. Kanya waban at ke malong sat nabulanan. Kanya nu nafandungug di, nafalangfe tua ro at sadili.

Sakaryas 1:4

Lag am gfaning ay ngay mangaguyang at fakamulun. Nasugu koma sik ngay taglong laman nanlong sa anya fagayu te, ubuni wan at ngay fakamulun at mauri. Dewa katanya, wa nafanud ay wa nafaning angku.

Markus 1:35

Balabag di sdaga kamenit, Isus nu nfulo wan, nalo sas talun at yud e taw laman nandarangin.

Uan 8:2

Ay balabag di sbalabag sirut, Isus anfoli sas Dius at bale, ay fagayu taw andasug sa anya. Ay Isus namalunggung ay gfoyung sa sangay taw.

Uan 8:47

Dius at ngay sisian gdungugan tua at longan. Am, bunwa am Dius at ngay sisian, nu katanya wam kaylat gdungugan.”

2 Timuteu 4:2

nusnga ginain, mafalganani nu gfoyung o Dius at longan; turuni tagdungugan emu at ngay ugali siginan am longan, ay salagi nu gfakamulun at yud matuyan, ay faksvni at ngay amatanganan siginan nu gugatan o gfoyung.