Eremyas 25:12 - Fanawbuid tagsibaliwas Fakayabian

¹² “ ‘Ay nu nlangfe ban fituk safuluk banwa, gfaurianan kyangay ban Babilunya at fun anggan at ngay taw aroro sat ngay asalanan. Gfasik mabaluanan kyangay ban at ngay furuan kabavn.

Eremyas 25:12 ပူးပေါင်းရင်းမြစ်များ

2 Fun 24:1

Gina Yuyakim gfunan, Nabukudunusur, Babilunya at fun, nanamawayan anya. Kaduge tuluk banwa Nabukudunusur nafagsuguan Yuyakim, dewa katanya, sis fatuluk banwa, Yuyakim nafawayan anya.

2 Krunika 36:22

Gina taguna fag banwa fun Sirus nu gfunan sis Persya, Yawi nafafasludan at longan at nalong sat taglong Eremyas. Ay kanya nafamatanganan Sirus laman kawat sik foyungan. Ay fun Sirus nariruk kafag foyungan, ay nafabuba sas fagdaul at fagfagtainanan.

Alubad. 137:8

Ngay taw Babilunya, umkamin ban am. Mauseganan ban nusnga sinu at nanamaurianan ayu, kata ay nafakamulun sa emi.

Isayas 13:19

Talun Babilunya amasine yap tua tibak fagfagtainanan. Siginan takatanya, at ngay taw kamatungudun. Dewa katanya, rumasras kban kata Suduma ay Gumura.

Isayas 14:23

Ay fagdaul ban talun Babilunya namasik talun au ngay mela at fagbanwanan, ay kata sik bunaw tagamakmakun, ay rumasras kban kata nu e nawaris. Au, Yawi at Mabalyanan, taglong tuy.”

Isayas 15:6

Fagayu liskung sis Nimrim anlanggang wan. Ay fagayu at makmak anlangke wan, ay we gtugbung ya.

Isayas 20:1

Asirya at fun Sargun nasugu at fun tagfawayan laman namawayan furuan Asdud, ay kanya nababo ay nagbilug.

Isayas 33:1

Afanyuan am fag ngay tagrasras, am at yud batang e nagdalanan takatanya. Afanyuan am fag ngay takamabo, am at yud batang e nagdalanan nu e kamabo ayu. Ay nu ntabu wam grasras ay kamabo, am yangay ban at fagrasrasun ay at fakamaboan.

Isayas 46:1

Babilunya at ngay fagsegan, Bel ay Nebu, mataygilid sis asnu at faguyudanun. Kanya mabyat, ay tagguyudan fag asnu kalufuy.

Eremyas 25:14

Ngayu bank talun ay ngayuk fun at mabalyanan at namagsuguan anya fagayu. Ay gfaurianan kban anya fagayu kata at nafakamulun mauri.’ ”

Eremyas 27:7

Fagayu ban talun namakamulun laman sas fun Nabukudunusur, ay sat baguama, ay sat fufu, yakmay ban andasug talun Babilunya nu kafaurianan. Sanya ginan ban, talun Babilunya man at namakamulun laman sa tibak talun ay sat mabalyanan fag ngay fun.

Eremyas 29:10

Yawi glong te, “Nu nlangfe ban fituk safuluk banwa talun Babilunya nu gagbilug ayu, kafoli kban sa ayu ay namafasludan kban ku nafatuyanan te, namafoli au ayu sa ay fagbanwanan.

Esekyel 35:9

Namasik mabaluanan kban ay talun kabavn, ay wa ban e gbanwan ya si ay ngay furuan. Ay ginanya ban sumaful am te, au Yawi.

Abakuk 1:17

Yawi, o kanya ban fagayu gfataglayun wan nu yud e afanyu nu gtaban ay nu gfauri ngay talun at taw?”