Eremyas 24:8 - Fanawbuid tagsibaliwas Fakayabian

⁸ “Dewa katanya, gtuyan au te, Sedekya, Uda at fun anggan at ngay tagfangguna ay fagayu taw Israel at kinsawad sis Erusalem ay sis talun Igiptu te, kata way at madanan fag rawvg igus at yud kaon ya.

Eremyas 24:8 ပူးပေါင်းရင်းမြစ်များ

1 Krunika 3:15

Kayu tuy Usyas at ngay baguama: Ukanan, Yuyakim, Sedekya ay Salum.

Eremyas 13:7

Nu katanya, anfoli au sas Liskung Eufrates laman namul, ay kanya mangaro kagirat wan ay we tungkul ya.

Eremyas 21:10

Nafalganan kwan namadasug sik faurianan ste fag furuan, abat ngate, fagmasineun. Ay namagbilug kban anya sas Babilunya at fun, ay kanya nangirug. Au, Yawi, taglong tuy.’

Eremyas 24:2

Sit sadi fag sabi, melo, masine, malesanan, ay bagu yay grabas. Ay sit faduak sabi, madanan way ay wa kaon ya.

Eremyas 24:5

“Au Yawi, Israel at Dius, glong au te, Kafag ngay taw Uda ku nafataban sa sangay taw Babilunya at talun, gtuyan au te masine, kata kanya fag ngay rawvg igus nu masine.

Eremyas 37:10

Dewa ban am nababo talun Babilunya at ngay tagfawayan fagayu at nafawayan ayu, at sawad ban sit ngay bale dewa at nabasingan way lang, kanya ban fagayu namawayan yay fia ayu, ay nangirug ay furuan.’ ”

Eremyas 37:17

Ay nu glugo wan, fun Sedekya nafauro Eremyas ay nataban sat bale ay ginas ginto anya te, “O e foyungan o siginans Yawi?” Ay Eremyas gbalus anya te, “Sabv, gfagbilug ban emu sas talun Babilunya at fun.”

Eremyas 43:1

Eremyas nu nafoyung wan Yawi at longan sabaliwa anya fagayu,

Eremyas 44:1

Yawi nalong sas Eremyas sabaliwa ngay taw Udyu tagbanwan sis fawalan fag alvngvdan talun Igiptu: si sangay furuan Migdul, Takpanes ay Memfis, ay anggan yangay tagbanwan sis fasiunan fag alvngvdan talun Igiptu.