Eremyas 24:5 - Fanawbuid tagsibaliwas Fakayabian

⁵ “Au Yawi, Israel at Dius, glong au te, Kafag ngay taw Uda ku nafataban sa sangay taw Babilunya at talun, gtuyan au te masine, kata kanya fag ngay rawvg igus nu masine.

Eremyas 24:5 ပူးပေါင်းရင်းမြစ်များ

Alubad. 119:67

Gina o yud yay nafaurianan angku, anyayu au emu, dewa katanya, katsi gfaning ktua am longan.

Alubad. 119:71

Masine at kindasug sa angku fag fagidapun, aroro siginan takatanya, nasaful ktua am ngay foyungan.

Eremyas 24:4

Nu katanya, Yawi nalong sa angku te,

Eremyas 29:11

Nasaful kwan nu gfafasludan au ku ngay algan sa ayu, sa ay fagmasineun ay bunwa sas fagmauriun, ku algan laman gfae fagsegun au ayu ay gfae fagmanabayanun.

Eremyas 29:20

Nu katanya, fagayu am at natabanan siginans Erusalem sas talun Babilunya, dungugani Yawi at ngay longan.

Eremyas 29:4

Katatuy Yawi at Mabalyanan, Israel at Dius, at longan sas fagayu taw Erusalem at natabanan sas talun Babilunya.

Esekyel 11:17

Nu katanya, au, Fun Dius Yawi, glong au te, gdog kyay ban namaful ayu siginan ay fagsaruayanan fag ngay talun, ay gfafoli kyay ban sa ayu talun Israel.

Esekyel 11:20

Gina kban nafaful ayu, gfaning ban am ku ngay suguan ay ku ngay faugali. Ay ku ngay taw ban am, ay au, ay Dius.

Lebitiku 26:44

Dewa katanya, dewa kban namaurianan ayu, kwa ban gfataglayun gaiyan ayu dewa am gbanwan si ay ngay fawayan at talun. Kwa ban gfamin ayu aroro namafasludan kban tam nasadian. Au wan ay Dius Yawi.

Naum 1:7

Yawi matuyan, ay at mogat fag fagsarigan gina e fagidapun, ay galaga fagayu tagafanud sa anya.

Sakaryas 13:9

Ay at sadi fag afud namasine au kata nu e nafasine sik salapi sasad afuy. Namaskud au anya fagayu kata nu gfaskud sik gintu sasad afuy. Kanya ban fagayu nanguro sa angku ay gbalus ktua ban. Gtuyan kban anya fagayu te, ku ngay taw, ay kanya ban fagayu gtuyan te, ‘Yawi em Dius.’ ”

Mateu 25:12

“Ay kafag mangama gbalus te, ‘Duan. Matuyan nu glong au ayu te, kwa toglag ayu.’ ”

Uan 10:27

Ku ngay tupa gdungugan tua angku, ay toglag au anya fagayu ay kanya fagayu galo angku.

Ruma 8:28

Ay nasaful tua tam te, Dius gfakamulun tua gugat nusnge wain at masine sas fagayu takesug anya, at masuad, sat nauro fag ngay taw gfaning at algan.

1 Kurintu 8:3

Ay dewa katanya, Dius gtoglag fagayu takesug anya.

Galasya 4:9

Ay katsi natoglag tuam Dius, ay at mafanud, Dius tua at natoglag ayu laman at ngay sisian. Nu katanya, wain ay fagfaningun yay ngay foyungan at yud e tungkul ay at yud e fanambagun? Wain ay fakaylatun yay nangafagsuguanan takatanya fagayu?

Deuterunumyu 8:16

Sis talun at yud e taw kanya nafon tua ayu mana ay mangaguyang at fagyudun toglag. Dius nafakamulun takatanya laman kamababaun tuam ay namaskud ayu laman ban mabayan tua nu gbanwan am.

2 Timuteu 2:19

Dewa katanya, Dius at nafalganan sat ngay taw fag fagsarigan mogat tua. Ay katatuy at Rirukan te, “Tam Fun nasaful wan nu sinu at fagagbilugun fag ngay taw.” Ay nusnga sinu fag taw taglong te, “Gfaning au tam Fun,” at masine kanya nu ddi gfaning ya at mauri.

At Nafasure 3:19

Gfoyung au ay gatul fagayu ku fakesugun fag ngay taw. Nu katanya, ugatani ubuni ay talyuyani ay asalanan.