Eremyas 24:2 - Fanawbuid tagsibaliwas Fakayabian

² Sit sadi fag sabi, melo, masine, malesanan, ay bagu yay grabas. Ay sit faduak sabi, madanan way ay wa kaon ya.

Eremyas 24:2 ပူးပေါင်းရင်းမြစ်များ

Isayas 5:4

Nataw ya ku fagnamakamulunun ku nayud nafakamulun? Aroro ku fagsegun ku tanuman at rawvg matamis tua, ay aroro mangaro mayat way. Wain fakatanyaun?

Isayas 5:7

Yawi at Mabalyanan at tanuman wat ubas, ngay taw Israel wan. Ay at fagusegananun fag ngay wat ubas at bagu gtugbung, ngay taw Uda wan. Yawi at fagsegun at tanuman namasure nangus fagmatuyanun, dewa katanya, kanya fagayu nafamabul way. Ay kanya gseg yangay te, at tanuman namasure at fagyudun e malong, dewa katanya, at fakamulun, kamalingun way.

Eremyas 29:17

Namadasug kban sa anya fagayu, fanlunus ay fakasaitun. Ay kanya ban fagayu umkata igus at rawvg at madanan yud kaon ya.

Usea 9:10

Dius nabalus te, “Ngay taw Israel, ebi gina au gfili ay ngay mangaguyang laman ku ngay taw, maksvn nu guseganan au. Kata au sik taw taguseganan nu nalag sik tanum wat ubas nu natugbung si sik talun at yud e taw, ay mannga nu nalag taguna fag rawvg si sik tanuman fun igus. Dewa katanya, nalao wam sas Baal-Peur, ay nafalganan ay ngay sadili sa kafag fagsegan at mauri, ay nu katanya, ansik mauri am kata kafag fagsegan ay fakesugun.

Mikas 7:1

Mikas nalong te, “Afanyuan au! Kata au sik taw takalunus ay tagrvbvy wat ubas at rawvg, ay fun kayu igus at ngay rawvg at sawad, dewa katanya, kwe nalag nusdi sadik rawvg.

Naum 3:12

Fagayu ay furuan at ke alad umkata sik fun kayu igus taguna at rawvg at kinlesan wan, ay nu e nauig at bilugan, at ngay rawvg katong ay e kon wan.

Tap 18:13

Am wan tagagbilug sat ngay rawvg siginans taguna fag gutluan sis gamasun. Nusnga sinu siginan am talanan masine maon kafag ngay afud.

Mateu 5:13

“Am wan takata sik barara ste swa daga. Ay barara nu dway mayat ya, tain ro nu gdog kae ayat? We tungkul ya. Nu katanya, gukas wan laman ro ngay taw gsiad wan.