Eremyas 24:10 - Fanawbuid tagsibaliwas Fakayabian

¹⁰ Gfadasug kban sa anya fagayu awayan, fanlunus, ay fakasaitun yakmay ban anbul si ku nafon sa anya fagayu ay sat ngay mangaguyang fag fagbanwanan.”

Eremyas 24:10 ပူးပေါင်းရင်းမြစ်များ

1 Fun 14:15

Ay Yawi ban namaranranugan ngay taw Israel laman umkata sik ngay sigbo tagranranugan sis mamam. Nangaiyan ban ngay taw Israel ste ginan fag daga at masine, at nafon sat ngay mangaguyang, ay nanrapyagan anya fagayu sas dife Liskung Eufrates, aroro kanya fagayu nafadotama Yawi siginan at nawat fag turuk fagtoglagan Asera fag fagsegan.

Isayas 51:19

Duak faurianan at kindasug sa emu: am ngay fawayan narasras wan emu, ay am ngay taw nadalan at maksvn fag fanlunus. Nu katanya, we sawad ya am ngay taw laman tagfasun emu.

Eremyas 14:12

Kanya ro fag ngay taw dewa e buknga nu yud gfangon laman gdarangin, laman get gubuk sa angku, kwa ro gdungugan ya anya fagayu. Ay kanya ro fagayu dewa gfon at ngay fagirugun fag ngay fanggalangun ay at famauseganan sa angku fag ngay fanggalangun, kwa kaylat ya. Abat ngate, namabul kwan anya fagayu sas awayan, fanlunus, ay sas faurianan.”

Eremyas 15:2

Ay kanya fagayu nu nainto te, ‘Dada ro nu glao ami?’ nanlong ro wo te, ‘Yawi glong te, Fagayu ku natuyan kabul sas fakasaitun, umbul sas fakasaitun. Ay ku natuyan te, kabul sas awayan umbul sas awayan, ay ku natuyan te, kabul sas fanlunus umbul sas fanlunus, ay ku natuyan te, gatabanan, e tumaban ban.’

Eremyas 16:4

Kanya ban fagayu umbul siginan at maksvn fag fakasaitun. Wa ban e gamatang ya ay we namoli ya anya fagayu. At ngay bilug ban grapyagan sanya fag talun kata sik fagbaugun at ngay kek. Ay e kabul yangay ban sas awayan ay sas fanlunus. Sanya ginan ban ngay manuk tungud ay at madot fag ngay mela nangon kanya fag ngay taw at ngay bilug.”

Eremyas 19:7

“ ‘Nansalag au Uda ay Erusalem at algan. Ay nangagbilug kban at ngay fawayan laman gfabul anya fagayu, ay namaon kban at ngay bilug sa sangay manuk tungud ay sa sangay mangilafang tagsisad araw.

Eremyas 21:9

Nusnga sinu ban tagbanwan yay gugat ste fag furuan, kabul ban sas fagawayanan, sas fanlunus, ay sas fakasaitun. Dewa katanya, nusnga sinu ban at nafamababaun sa sangay taw Babilunya at maligung si ay furuan, kanya ban gleleg tua.

Eremyas 27:8

“ ‘Dewa katanya, sik talun ban at ngay taw ay sik fagmafunanun way kaylat gfababaun ay gfaning fun Nabukudunusur, talun Babilunya at fun, namaurianan kban kanya fag talun at ngay taw sas awayan, fanlunus, ay fakasaitun yakmay kban nafagbilug kanya fagayu sas fun Nabukudunusur. Au, Yawi, taglong tuy.

Eremyas 29:17

Namadasug kban sa anya fagayu, fanlunus ay fakasaitun. Ay kanya ban fagayu umkata igus at rawvg at madanan yud kaon ya.

Eremyas 29:18

Anud, awayan ban ay fanlunus ay fakasaitun gfafalo anya fagayu, ay tiba bank fagfagtainanan gfalingun anya fagayu. Ay gaiyan kban anya fagayu sas nusnga nday fag talun, ay ngay taw ban gfauri, gfalingun, ay kadotama maksvn anya fagayu.

Eremyas 32:24

Ay katsi, ngay taw Babilunya gfabungsud lutuk si sangaba tigyangan dingding alad furuan Erusalem laman ro kanya fagayu masakbo ay magbilug kanya fag furuan. Aroro siginan sangay awayan, fanlunus, ay fakasaitun, ngayu at kinbul ay ngay taw Babilunya naago kafag furuan kata am longan.

Eremyas 32:25

Ay dewa anfasludan takatanya, o wan at nasugu angku laman namayad au kafag daga sis salubangan ngayuk tagfatuyan, ngay taw Babilunya dewa ganangagbilugun wan tuy fag furuan.”

Eremyas 34:17

“Nu katanya, au, Yawi, glong au te, aroro wam nafaning angku ay wam nafalfas ay ngay fagsuguan ay ngay kaiban fag ngay taw Udyu, namalfas au ayu laman kabul am sas awayan, sas fanlunus ay sas fakasaitun. Ay namasik masuya au ayu sas fagayu fagfagtainanan at daga salubangan sas fagdaul daga.

Eremyas 42:17

Fagayu ban takaylat namanwan sas talun Igiptu kabul ban sas awayan, sas fanlunus, ay sas fakasaitun. Ay nusnga sinu ban wa malangfe ya ay malagyu siginan ku fagnamadasugun fag faurianan.’

Eremyas 42:22

Nu katanya, katsi gfatuyanan au sa ayu te, kabul ban am sas awayan, sas fanlunus, ay sas fakasaitun sis talun Igiptu, ay nusnga nday ban nu gbanwan am.”

Eremyas 5:12

Kanya fagayu wa gfoyung at matuyan sabaliwa angku. Abat ngate, glong way te, ‘Yawi wa gfaurianan antam! We faurianan, we malimu, ay we fanlunus takadasug sa antam.’

Eremyas 9:15

Nu katanya, Yawi at Mabalyanan, taw Israel at Dius glong te, “Namaon au sa anya fagayu at mayat fag ngay fakonun, ay namainum au at maganga fag fanginum.

Eremyas 9:16

Ay namarapyagan au anya fagayu sat fagyudun toglag fag ngay talun, ay anggan at mangaguyang at fagyudun toglag. Ay namadasug kban sa anya fagayu tagfawayan laman namawayan ay namamin.”

Esekyel 33:27

“Au, Fun Dius Yawi gfatuyanan au te, kafanud nu gleleg au, ngay taw ban at sawad sit marasrasan fag furuan daul kabul sas awayan. Ay at sawad ban tagsis talun, ngay mangilafang ban kagat wan, ay tagsi sangay fagsuksuanan fag ngay luib kabul sas fakasaitun.

Esekyel 6:11

Sanya ginan, Yawi ku Fun nalong angku te, “Talaptapi am daluap ay talasi sas daga am darafa, aroro sa sangay taw Israel at nafakamulun mauri ay at masuya. Kanya wan at malong at fagnangabulun ban sas awayan, sas lunus ay sas fakasaitun.

Esekyel 7:15

Fagayu ban at naduksun siginans furuan daul umbul sas awayan, ay fagayu ban tagsisad furuan daul umbul sas fakasaitun ay sas fanlunus.

Deuterunumyu 28:21

Yawi ban gfadasug sa ayu ngay fakasaitun, ay kabul ban am si ay fagnangagbilugun fag talun.

At Nafasure 6:8

Ay nadama au, ay ku nalag sik kabayu mamalaksian. Ay tagsakay sanya at ngayan Fakabulun. Ay e gguyan anya at ngayan Kinbul at Talun. E nafon sa anya fagmabalyananun gagbilug at faufatk afud daga laman ban namabul siginans fiso ay fanlunus ay fakasaitun ay siginan tagfangagat fag ngay mela.