Eremyas 23:9 - Fanawbuid tagsibaliwas Fakayabian

⁹ Kabalu au aroro sa takamuagan fag ngay taglong at foyungan. Anggan ku ngay bini anmomuy wan ay kata wa nu galangu au aroro sas Yawi at longan at yud e malong sabaliwa anya fagayu.

Eremyas 23:9 ပူးပေါင်းရင်းမြစ်များ

Alubad. 60:3

Maksvn wan nu gfaidapan o emi, granranugan ami kata nu nalanguan ami.

Alubad. 69:20

Anmomuy au ay ankuri kanya fag ngay taw at nafakamulun sa angku. Nafamanyan koma te, o wa ro gayvd e nfanyu ya angku, ay nusdi sadi we nfanyu angku. Gfanya au at namasun angku, dewa katanya, we nanamasun ya angku.

Isayas 28:1

Afanyuan Samarya; kanya kata sik sangbo barugwak, tagalangu fag ngay taw Israel at fakamanagsagun. Furuan Samarya sisad datag, sit masine fag daga, dewa katanya, at kasinean kalyam way ban kata sik barugwak takalangke.

Isayas 29:9

Am fag ngay taw Uda, katai yud e nasafulan. Katai yud glag. Alangui ay ranranugani, bunwa aroro nainum am fanlangu.

Isayas 51:21

Nu katanya, dungugani am tagidapan, ay takaranug dewa am yud galangu.

Isayas 6:5

Nu katanya, nalong au te, “Afanyuan au! Matuyan wan umfaurianan au, aroro glong au gugat at mauri, ay gbanwan au magamut si sangay taw taglong gugat at mauri. Ay katsi, nalag au tam Fun, Yawi at Mabalyanan!”

Eremyas 20:9

Tiba ginan, gamatangan au te, deyud ya ku nafoyung sabaliwa emu ay ku nafamoyung am ngay suguan sa angku. Dewa katanya, kwa nafaragang, aroro am ngay longan kata sik afuy tagigang si ku amatanganan ay si ku ngay bini.

Eremyas 36:16

Ay kafag ngay tagfangguna nu nadungug fagayu at marirukan, kanya fagayu anlimu ay nadaddaman ay nalong sas Baruk te, “Nanlong tam sas fun tam ngay nadungug.”

Eremyas 5:31

At ngay taglong kamuag nu gfoyung, ay at ngay tagfon fanggalangun gfangguna siginan at ngay sadili fagsafulun, ay ku ngay taw maksvn nu kaylat takatanya. Dewa katanya, tain ban at fakamulun nu ndasug at fakatabuan fag buknga?”

Eremyas 8:18

Sanya ginan, Eremyas nalong te, Wa kafalyam ya ku fakabaluun. Maksvn nu gidapan au gamatangan.

Eremyas 9:1

Ku alfuyu nu kata di sik bubun, ay siginan ku mata nu ganting di ngayuk liasun, gwayway kway ro gugat galay menit ay yabi laman sa ku ngay kaiban at kinbul.

Takabalu 3:15

Yawi nafadasug sa angku at maksvn fag fagidapun.

Esekyel 13:3

‘Au, Fun Dius Yawi, glong au te, afanyuan ban at yud e fagsafulun fag ngay taglong, at foyungan tagsiginan way at sadili amatanganan, ay yud batang gtaginfan.

Esekyel 9:4

ay nalong sa anya te, “Sa o swabilug furuan Erusalem ay rvbvyi ngay taw takabalu sat nafakamulun at maksvn nu mauri sit furuan. Ay nanriruk o sanya fag ngay taw at dangasan laman sit famatoglag.”

Esekyel 9:6

Namabul am ngay fagtainan, ngay baguama ay ngay baguina, ngay mina ay at ngay sisian, dewa katanya, lag am gfabul ngay taw at marirukan at dangasan. Nu gfabul am, fasigadi siginan ku bale.” Ay taguna at nafabul, ngay tagfangguna sis Yawi at bale.

Daniel 8:27

Sanya ginan, au Daniel anke fakasaitun au nu seyuk menit. Ay nu nfia au, anfoli au sas fun at nafon angku fag fakamulun. Dewa katanya, gamatangan kyay gugat ku nalag aroro kya nasaful at masuad.

Abakuk 3:16

Abakuk nalong te, “Nu nadungug au takatanya, fagdaul ku bilug ay anggan ku bibig gtadtaruyan aroro anlimu au maksvn, ay ku ngay tud anlukme. Dewa katanya, gagwantan au gfanya Yawi at nafalganan fag menit nu namauri em ngay fawayan.

Ruma 7:9

Ebi taguna, kwa saful sabaliwas Faugali, dewa katanya, fagnasaful kdi, asalanan ngaro gleleg si angku, ay kanya nataban angku sas fakabulun.