Eremyas 23:8 - Fanawbuid tagsibaliwas Fakayabian

⁸ Abat ngate, kanya ban fagayu glong way te, ‘Gfatuyanan au sas Yawi, tagleleg fag Dius at nafalfas ngay taw Israel siginan ngay talun sas fawalan fag alvngvdan ay sas fagayu talun nu inda nu gfasaruayan anya fagayu.’ Ay kanya ban fagayu gbanwan wan sit talun.”

Eremyas 23:8 ပူးပေါင်းရင်းမြစ်များ

Isayas 11:11

Ginanya yangay ban fag menit, Fun Dius gdog yay namasure at fagmabalyananun laman namafoli at sawad fag ngay taw Israel at natabanan sas Asirya, ay sas talun Igiptu, ay sas Patrus, ay sas Etiupya, ay sas Elam, ay sas Babilunya, ay sas Amat, ay sa sangay afud talun swabilug dagat.

Isayas 14:1

At matuyan, Yawi ban kafanyu taw Israel ay gdog yangay nanfili at ngay taw, laman gdog yay namanwan sa ebi at talun, ay e ngay taw siginan tibak talun at magamut sanya.

Eremyas 16:14

“Abandi ban, ngay taw wa glong ya te, ‘Gfatuyanan au sas Yawi, tagleleg fag Dius at nafaduksun ngay taw Israel siginans talun Igiptu.’

Eremyas 16:15

Nu bunway, kata way ban tuy nu gfatuyanan: ‘Gfatuyanan au sas Yawi, tagleleg fag Dius at nafaduksun ngay taw Israel siginans fawalan fag alvngvdan fag talun, ay sa sangay talun nu inda nu gfasaruayan anya fagayu.’ Aroro namafoli kban anya fagayu sa ku nafon sat ngay mangaguyang fag talun.

Eremyas 23:3

Namaful kban ku ngay taw at sawad siginan sangay talun nu inda nu gfasaruayan au anya fagayu, ay namafoli kban sat sadili fagbanwanan ay kanya ban fagayu gdog yay nangayu.

Eremyas 29:14

Anud, ggubuk kban ayu, ay gfafoli siginan ay fagatabananan. Ay gfaful kban ayu siginan sangay talun ku fagfasaruayanan ayu, ay gfafoli kban ayu sa ay talun.

Eremyas 30:10

Ku fagsuguan Akub at ngay kasugfunanan, lag am kalimu ay kamomuy. Au, Yawi, glong au te, namul kban ayu siginan tangayayu fag talun nu inda nu gatabanan am. Ay gina ban am anfoli, manabayan tuam, ay wa ban e kasalag ya ayu, ay wa ban am e fakalimuun ya.

Eremyas 30:3

Aroro kadasug wan at buknga nu gfafoli au ku ngay taw Israel ay ngay taw Uda siginan at fagatabananan. Ay namafoli kban anya fagayu sa ku nafon sat ngay mangaguyang fag talun.”

Eremyas 31:8

Ay Yawi glong yay fia te, “Dungugani! Namul au ay namaful anya fagayu siginans fawalan fag alvngvdan, nusnga nday fag fungfung daga. Galo yangay anya fagayu, anggan at ngay yud glag, ay at yud malao, ay tagfafion, ay tagafasalugun wan. Ngayu tua bank taw takafoli.

Eremyas 32:37

namaful kban ku ngay taw siginans fagayu talun nu inda ku fagfasaruayanan anya fagayu. Ay nantaban kban anya fagayu stae fag furuan ay kanya ban fagayu gbanwan manabayan.

Eremyas 8:3

Ay namasaruayan kban sa sangay talun at sawad fag ngay taw tagbanwan sanya fag talun at mauri, ay kanya ban fag ngay taw kaylat wan kabul nu gamut nu gleleg. Au, Yawi at Mabalyanan, taglong tuy.”

Esekyel 28:25

Yawi nalong yangay fia te, “Namaful kwa ban ngay taw Israel siginan at fagrapyaganan fag ngay talun. Siginan ban takatatuy, gfalag kban sa sangay talun ku fagmatuyanun. Kanya ban fag ngay taw namanwan sit mesa talun, ku nafon fag fagbanwanan sa ku fagsuguan Akub.

Esekyel 34:13

Siginan ban tibak talun namaful kban kanya fagayu ay namuba kban sat talun. Nangalaga kban anya sanya sa sangay buksul, ay si sangay tigyangan liskung tagsis talun Israel, ay si tibak fagbanwanan fag ngay talun.

Esekyel 36:24

“ ‘Namul kban ayu siginan tibak talun ay namafoli kban ayu sa ay talun.

Esekyel 36:35

ay glong ban te, “At yud e tungkul fag daga, katsi kata wa tanuman Eden. Ebi fag ngay furuan at kinrasras ay at mabaluanan, katsi e gbanwan tua ay e ngay alad.”

Esekyel 37:25

Kanya ban fagayu namanwan sit talun ku nafon sa ku fagsuguan Akub, sit ngay mangaguyang at fagbanwanan. Ay kanya ban fagayu anggan at ngay kasugfunanan sanya tua gugat nu gbanwan. Ay kabavn ban tagfangguna anya fagayu, ku fagsuguan fun Dabid at ngay kasugfunanan.

Esekyel 39:28

Ay ngay taw Israel ban sumaful te, au wan at Dius Yawi. Aroro dewa au nafatabanan kafag ngay taw sa tibak talun, kanya ban fagayu kafoli yay sat talun.

Uel 3:7

“Dewa katanya, nanggubuk au anya fagayu laman malao siginans ngay furuan nu inda nu gfae bayad am anya, ay namakamulun au sa ayu kata ay nafakamulun sa anya.

Mikas 7:15

Fasurei sa emi at ngay madulo kata ebi am nafakamulun, gina o gfalfas emi siginans talun Igiptu.

Sefanias 3:20

Ginanya ban fag menit, namaful au ay namafoli ayu say ngay talun. Ay namauseganan kban ayu ay umsik takadungug ban am sas fagdaul daga. Ay gina kban gfafoli sa ayu at masine fag kayaunanan, lumag yay ban am fia takatanya. Au, Yawi, taglong tuy.”