Eremyas 23:6 - Fanawbuid tagsibaliwas Fakayabian

⁶ Ay gfangayan ban kanya fag fun te, ‘Yawi wan Tam Fagmatuyanun.’ Ay ginanya ban Uda umlangfe, ay umke fagmanabayanun sas fagdaul talun Israel.

Eremyas 23:6 ပူးပေါင်းရင်းမြစ်များ

1 Fun 4:25

Nu katanya, fagayu taw sis talun Uda ay Israel, siginans Dan sitsigons Beerseba manabayan nu mabanwan. Ay kaduge Sulumun gleleg, galay sik taw e fagmanabayanun tua gmalunggung sit ngay mesa daga tanuman wat ubas.

Alubad. 45:5

Maruk am ngay banyas, ay kataruk sam ngay fawayan at baga. Ngay talun at taw grungan sam salubangan.

Nu Galin 9:26

Siway langs Gusen fag afud talun si sangay taw Israel at fagbanwanan at yud narak yelu.

Isayas 2:4

Yawi ban nanwabilug ay namasadi ngay talun at taw. Nu katanya, kanya ban fagayu di gawayan ya, ay wa ban gfananad ya laman at namawayan. Ay at ngay fiso tagsumbalian at uyup, nangawat wan fangali daga. Ay at ngay bangko nangawat wan fanggafas.

Isayas 32:1

E sik fun matuyan tua nu gfunan, ay at ngay tagfangguna anke fagmanabayanun nu gfangguna.

Isayas 32:18

Fagayu am ku ngay taw, manabayan ban nu gbanwan am, ay anlangfe wam siginans faurianan. Ay di ban e gfasalag ayu.

Isayas 33:22

Katanya Yawi at fakamulun aroro kanya wan tam fun ay tam tagwabilug, ay takawat ngay suguan. Kanya wan tagfalangfe antam.

Isayas 33:5

Yawi tagtungud sas fagayu, aroro kanya gbanwan sis banwa. Kanya namasure ban at fagmatuyanun ay at fagmamatanganun sas furuan Erusalem.

Isayas 35:9

Ay wa ban e liun ay anggan nusnge wain tagfangagat fag mangilafang at lumo sanya fag dalan, nu bunway Yawi at nafalangfe fag ngay taw.

Isayas 42:6

Ay kanya nalong sat fagsuguan te, “Au wan Yawi at nafili emu laman namalag o te, au wan at matuyan. Ggubuk au ay gfaksvn emu, ay namasik nasadian au emu sa sangay taw, ay sik salung sas fagayu talun at taw,

Isayas 45:17

Dewa katanya, Yawi gfalangfe tua ngay taw Israel, ay nu gfalangfe we fakatabuan. Ay kabavn ban di e fakaplaun.

Isayas 54:17

We mababo emu nusnga setaw fag famawayan, ay mabalus tuo nusnga sinu tagfalingun emu. Kanya wan ku famonun sa ku ngay fagsuguan, ay namababo kban anya fagayu. Au, Yawi, taglong tuy.”

Isayas 7:14

Nu katanya, tam Fun Dius namasure ban sa ayu sik fakatoglagan: sik baguina ban gfafion ay namasalug sik munama, ay gfangayan ban anya te, Emanuel.

Isayas 9:6

Ay kaugat yay ban kafag ngay taw nu nanguseganan, aroro umsalug ban si antam sik munama laman at namagtainan ban antam. Ay gfangayan ban anya te, “Madulo fag Tagfalu, ay at Mabalyanan fag Dius, ay at Yud e Fakatabuan fag Mama, ay Tagfae Fagmanabayanun fag Fun!”

Eremyas 29:11

Nasaful kwan nu gfafasludan au ku ngay algan sa ayu, sa ay fagmasineun ay bunwa sas fagmauriun, ku algan laman gfae fagsegun au ayu ay gfae fagmanabayanun.

Eremyas 30:10

Ku fagsuguan Akub at ngay kasugfunanan, lag am kalimu ay kamomuy. Au, Yawi, glong au te, namul kban ayu siginan tangayayu fag talun nu inda nu gatabanan am. Ay gina ban am anfoli, manabayan tuam, ay wa ban e kasalag ya ayu, ay wa ban am e fakalimuun ya.

Eremyas 31:23

Yawi at Mabalyanan, Israel at Dius glong te, “Gina kban nafafoli ngay taw Uda sat talun siginan at fagatabananan, kanya ban fagayu gdog yay glong te, ‘Yawi nangus gfadante at fagbanwanan fag buksul at yud e malong.’

Eremyas 32:37

namaful kban ku ngay taw siginans fagayu talun nu inda ku fagfasaruayanan anya fagayu. Ay nantaban kban anya fagayu stae fag furuan ay kanya ban fagayu gbanwan manabayan.

Eremyas 33:15

Ay ginanya ban, namae funan kban at ke fagmatuyanun tagsiginans Dabid at kasugfunanan. Kanya ban namafagdaul fagmasineun ay fagmatuyanun stie fag daga.

Eremyas 33:16

Ay ginanya ban, ngay taw Uda umlangfe ay ngay taw Erusalem gbanwan manabayan. Ay gfangayan ban furuan Erusalem te, ‘Yawi wan Tam Fagmatuyanun.’ ”

Esekyel 21:27

Nanrasras kban furuan Erusalem, ay wa ban e namalindug ya yakmay ban andasug sanya ku nafili fag tagwabilug. Ay namatigwanan kban sa anya takatanya.’

Esekyel 28:26

Kanya ban fag ngay taw manabayan tua nu gbanwan, ay kawat ban at mesa bale ay gtanum ngay wat ubas. Wa ban e mafauri ya anya fagayu gina kban nafaurianan fagayu at fakbangan fag ngay talun tagfalingun anya fagayu. Kanya ban fag ngay taw sumaful te, au at Fun Dius Yawi.”

Esekyel 38:14

“Taw at baguama, nu katanya, nanlong o sas Gug te, ‘Au, Fun Dius Yawi, glong au te, ginanya ban, sumaful o te, ku ngay taw gbanwan manabayan.

Esekyel 48:35

“Nu katanya, fagdaul alad at kabaan siamk libuk sangbada. Ay siginan ginanya fag menit, furuan daul kangayan te, ‘Yawi gbanwan sanya.’ ”

Daniel 9:24

“Dius nafalganan ufatk sandan siamk safuluk banwa sam furuan at yud e malong ay sa sangay taw laman gfaragang nu kamabo Dius, ay laman gfalyam at ngay asalanan, ay laman kae fagmatuyanun kabavn, ay laman gfafasludan ngay taginfan ay ngay foyungan, ay laman gdog namatigwanan Dius at bale.

Daniel 9:7

“Em Fun, matuyan tuo, dewa katanya, dasug katsi tagsi emi fakaplaun way. Anggan ngay taw Uda ay Erusalem, ay anggan fagayu taw Israel am nafarapyagan sa sangay talun at munakbang ay tangayayu aroro nafamabo emu.

Usea 1:11

Ay ginanya ban, ngay taw Uda ay taw Israel gdog yay kagamut, ay gfili ban at fun. Kanya ban fagayu gdog yay kaayu sit talun, ay maksvn ban nu guseganan sis Esreel.”

Usea 1:7

Dewa katanya, kafanyu kban ngay taw Uda. Au, ay Dius Yawi, namalangfe kban anya fagayu siginan ku fagmabalyananun, bundi siginans ngay tagfawayan at ngay famawayan, kata godun, fiso tagsumbalian at uyup, ay ngay kabayu ay fagayu tagsakay sanya.”

Usea 2:18

Ginanya ban fag menit, nangawat au sik nasadian sas fagayu mangilafang laman ban wa gfauri ayu. Gbul kyangay ban siginans Israel at ngay godun ay at ngay fiso, ay wa ban e awayan ya, laman ban manabayan tua nu gtiug am.

Ubadyas 1:17

Dewa katanya, taw Israel ban e kasawad yay sis Buksul Siun, ay kanya ban umsik matuyan fag furuan, ay Akub ban at kasugfunanan gdog yay nangagbilug at daga.

Ubadyas 1:21

Ngay taw at nafalangfe ngay taw Israel nangundaud sas Buksul Siun laman namagtainan Isaw at fagagbilugun fag ngay buksul. Au Yawi tagfagtainan ban kabavn.”

Sefanias 3:13

Kanya ban fag ngay taw Israel di gfakamulun at mauri, di kamuag ay di gfandaya, ay gfangon tua ban ay gtiug manabayan ay di e fakalimuun.”

Sakaryas 10:6

Namabitsug au ngay taw Uda, ay namalangfe Israel at ngay kasugfunanan. Aroro anfanyu au anya fagayu ay namafoli au sat fagbanwanan. Au wan Yawi kanya fag ngay taw at Dius. Nu katanya, gbalus au at ngay darangin. Ay kanya fagayu kata yay gina au yud naiyan.

Sakaryas 3:10

Ginanya ban fag menit, manabayan tua nu mabanwan am. Galay am at sadi nantaban am ay ngay fasabale laman nanmalunggung am manabayan sis daga fun wat ubas ay sis daga fun kayu igus. Au, Yawi at Mabalyanan, taglong tuy.”

Ruma 3:22

Dius natap fagayu taw kata nu yud e asalanan siginan nu gafanud sas Isus tam Fun, aroro Dius di e fagfili taw.

1 Kurintu 1:30

Ay siginan anya ansadi tua tam sa tam Fun Isus. Ay sa antam, kanya wan Dius at fagmamatanganun, siginan anya, Dius nafalangfe antam ay natap antam te, matuyan, ay kata nu yud tam e asalanan.

2 Kurintu. 5:21

Tam Fun Isus we asalanan, dewa katanya, aroro sa antam, Dius natap anya te, sik tagasalanan, laman siginan anya Dius gtap antam kata nu yud tam e asalanan.

Filipus 3:9

ay au, si ktua anya. Kwa ntap kata nu yud au e asalanan siginan ku nafaningan em faugali, nu bunway siginan tua ku fagafanudun sa tam Fun Isus. Ku fagintapun kata nu yud au e asalanan siginan tuas Dius, siginan ku fagafanudun.