Eremyas 23:4 - Fanawbuid tagsibaliwas Fakayabian

⁴ Ay nanfili kban sik ngay tagfangguna at nangalaga tua anya fagayu. Ay kanya ban fagayu di e fakalimuun ya ay we fagafanawaun, ay wa ban e kalyam ya. Au, Yawi, taglong tuy.”

Eremyas 23:4 ပူးပေါင်းရင်းမြစ်များ

Isayas 11:11

Ginanya yangay ban fag menit, Fun Dius gdog yay namasure at fagmabalyananun laman namafoli at sawad fag ngay taw Israel at natabanan sas Asirya, ay sas talun Igiptu, ay sas Patrus, ay sas Etiupya, ay sas Elam, ay sas Babilunya, ay sas Amat, ay sa sangay afud talun swabilug dagat.

Eremyas 30:10

Ku fagsuguan Akub at ngay kasugfunanan, lag am kalimu ay kamomuy. Au, Yawi, glong au te, namul kban ayu siginan tangayayu fag talun nu inda nu gatabanan am. Ay gina ban am anfoli, manabayan tuam, ay wa ban e kasalag ya ayu, ay wa ban am e fakalimuun ya.

Eremyas 31:10

Ngay talun dungugani ku longan, ay fadungugi sa tangayayu fag ngay furuan: nafarapyagan au ngay taw Israel, dewa katanya, namaful kyay ban ay nangalaga kata sik tagalaga fagbaugun nu galaga at ngay tupa.

Eremyas 33:26

ay katanya tua ban gugat ku nasadian sas Akub ay sa ku fagsuguan Dabid at ngay kasugfunanan. Nanfili kban siginans Dabid at kasugfunanan laman at nanfunan sas Abrayam, Isak, ay Akub at ngay kasugfunanan. Ay kafanyu kban anya fagayu ay gfafoli sat fagbanwanan siginan at fagatabananan.”

Esekyel 36:11

Namayu kban ngay taw ay anggan ngay fagbaugun si ayu fag ngay buksul. Ay gdog kyay ban namabanwan kafag ngay taw si ayu kata ebi ginan, ay namaramraman kban ayu fag ngay buksul gtungud yap tua ebi taguna. Ay sumaful ban am te, au Yawi.

Lebitiku 26:9

Gdiri kban ay gfayu ayu laman ban umfasludan ku fatuyanan sa ayu.

Mikas 4:4

Ginanya ban, ngay taw nanmalunggung manabayan sat mesa tanum wat ubas ay fun kayu igus at lanbung. Matuyan umfasludan ban takatanya, aroro Yawi at Mabalyanan at nalong.

Mikas 5:2

Yawi nalong te, “Betleem Efrata, dewa o sik talay way fag furuan sis talun Uda, siginan ban emu, sik taw at namakamulun sa angku laman at namangguna taw Israel. Aroro at ngay mangaguyang sik takadungug siginan ebi.”

Mikas 7:14

Ngay taw Israel gdarangin te, “Yawi, alagai emi kata tagalaga tupa nu galaga at ngay tupa. Ngay talun sa em ligung, kasakan tua at fagfafangonan, dewa katanya, ami, siway mi lang sad araw. Fabiai em talun kata ebi gina ami sis Basan ay sis Gilyad.

Sefanias 3:13

Kanya ban fag ngay taw Israel di gfakamulun at mauri, di kamuag ay di gfandaya, ay gfangon tua ban ay gtiug manabayan ay di e fakalimuun.”

Tap 31:49

ay nalong sa anya te, “Antabu ami nu gtap ngay tagfawayan si em fagagbilugun ay we kurang nusdi sadi.

Uan 17:12

Kaduge au magamut kafag ngay taw, nadiri au anya fagayu siginan am nafon angku fag ngayan at fagmabalyananun. Nalaga au fia kafag ngay taw ay nusdi sadi di e nfaurianan sas day kafag taw at nangafaurianan laman gfafasludan kata at marirukan sis Dius at Longan.

Uan 18:9

At fagnalongun katanya laman kafasludan at longan te, “Dakdi nafalyam nusdi sadi am nafon angku fag ngay taw.”

1 Pedru 1:5

Ay siginan ay fagafanudun, Dius at fagmabalyananun gdiri ayu kaduge am gfanya fakalangfean, at mafalganan takasure ban sa taguyan fag buknga.