Eremyas 23:32 - Fanawbuid tagsibaliwas Fakayabian

³² Kanya fagayu gfoyung at ngay taginfan at yud matuyan, nu katanya, siginan at fakamuaganun nafalyam ku ngay taw at amatanganan. Kwa nasugu anya fagayu ay kwa yangay nasugu te, aringangi, nu katanya, we fanggubukun sa sangay taw. Au, Yawi, taglong tuy.

Eremyas 23:32 ပူးပေါင်းရင်းမြစ်များ

Ub 13:4

Ay fagayu am, kamuag wayam. Fagayu am kata way am sik ngay tagfafia at yud makatu gfafia.

Isayas 3:12

Yawi nalong te, “Ku ngay taw, ay ngay baguama kata way sik ngay sisian gfaidapan ayu. Sik ngay mangena way lang tagfangguna ayu. Ay ay ngay tagfangguna gtaban way ayu sat yud matuyan fag dalan.”

Isayas 9:15

Ngay fagtainan ay at ke fanambagun fag ngay taw umkata kafag mangilafang at liug, ay takamuag fag ngay taglong umkata kafag mangilafang at iug.

Eremyas 23:13

Nalag au Samarya at ngay taglong at nafakamulun at maksvn nu mauri. Kanya fagayu ginsaful siginan nu guro Baal at ngayan, ay nafalyam ku ngay taw Israel at fagmatuyanun.

Eremyas 23:16

Yawi at Mabalyanan glong sa sangay taw Erusalem te, “Lag am gafanud takamuag fag ngay taglong at longan. Kanya fagayu nafaseg way ayu sat fakamuagun. Wa siginan angku at ngay taginfan, siginan way at ngay sadili amatanganan.

Eremyas 23:25

“Nadungug au ngay taglong nu gfoyung kamuagan sa ku ngayan. Kanya fagayu kamuagan glong te, nafon au sa anya fagayu ku ngay longan siginans taginfan.

Eremyas 23:31

Gfasud kyangay sa sangay taglong tagfakamulun at sadili longan ay takamuagan glong te, au at nalong at ngay longan.

Eremyas 29:31

“Fabubai kanya fag rirukan sas fagayu at natabanan. Ay nanlong o sa anya fagayu te, katatuy ku longan sabaliwa Semaya tagsiginans Nekelam: Kwa nasugu Semaya laman nangaringang sa ayu. Kanya gfaylatan way ayu sat fakamuaganun.

Eremyas 7:8

“ ‘Amatangani nu nataw ay nafakamulun! Nafanud am at yud e tungkul fag ngay longan.

Takabalu 2:14

Ay ngay taglong at ngay taginfan wa mafanud. Ay kanya fagayu wa nafoyung ya sa ayu ay ngay asalanan, laman diam gatabanan. Ay at foyungan sa ayu at yud way matuyan.

Takabalu 3:37

Fun Dius nu dway kaylat, we kafasludan nusnge wain.

Sefanias 3:4

Ay at ngay taglong nu gfakamulun gfangabanganan, ay bunwa sik fagfatigwanan. At ngay tagfon fanggalangun wa gfae masuad Dius at bale, ay wa gfaning Yawi at ngay suguan.

Sakaryas 10:2

At mafanud, tibak fagsegan ay ngay taginsaful glong way at yud matuyan, ay kamuagan nu gfoyung at ngay taginfan at masuad. Kanya dewa gfabitsug ngay taw at amatanganan, we fanambagun, nu katanya, ngay taw Israel kata ngay tupa ginkalyaman. Kanya fagayu gidapan aroro we gfangguna.

Mateu 15:14

Fabayani wa anya, aroro kafag ngay taw takata way sik taw yud glag tagtabanan sik taw at yud yangay glag. Ay fagdua ro kabulsu way sasad lusung.”

2 Kurintu. 1:17

Katanya ku algan. O katsi gamatangan am te, gfabadbalian kway ku amatanganan? O kata kway sik taw taglong gugat te, “Sabv” ay aroro mangaro “Duan” way?

Deuterunumyu 18:20

Ay fabuli wan ngay taglong, tagaringang sa ku ngayan ku nayud nasugu, ay taguro sa tibak fagsegan at ngayan.”

At Nafasure 19:20

Ay tagfangagat fag mela nagamatan gasfuan takamuagan fag taglong, kanya at nafakamulun at ngay madulo fag ngay fakatoglagan si tagfangagat fag mela at daga salubangan. Siginan at nafakamulun fag ngay madulo, kanya nadaya ngay taw at nafae fakatoglagan sit ngay bilug tagfangagat fag mela, ay at naseg at aninu. Ay gina yay kanya fag dua gleleg, e naukas anya fag dua sas asupri fag afuy daul tagigang.