Eremyas 23:31 - Fanawbuid tagsibaliwas Fakayabian

³¹ Gfasud kyangay sa sangay taglong tagfakamulun at sadili longan ay takamuagan glong te, au at nalong at ngay longan.

Eremyas 23:31 ပူးပေါင်းရင်းမြစ်များ

1 Fun 22:11

Ay Sedekya fag taglong, Kenaana at baguama, nawat duak sunge at fangawat sanbung. Ay kanya nalong te, “Yawi glong te, ‘Fun Akab, namawayan o ngay taw Aram siginan tuy fag duak sunge, ay gfamin ban o anya fagayu.’ ”

2 Krunika 18:5

Ay Israel at fun nafaful ufatk sandank taglong ay nainto te, “O namawayan au Ramut-Gilyad ay mannga duan?” Ay kanya fagayu nabalus te, “Kin, loi wan, aroro Dius ro gfababo emu.”

Isayas 30:10

Kafag ngay taw nalong sat ngay taglong te, ‘Lag gfoyung ya emi sabaliwas Dius at nalong sa ayu. Lag gfoyung sa emi at matuyan fag ugali. Am fagfoyungun sa emi nusnge wain yakman tagfauseganan emi, ay sik ngay taginfan yakman at yud kafasludan.

Eremyas 23:17

Katatuy kanya fag ngay taglong at longan gugat sa sangay taw at yud gdungugan ku ngay longan, ay takaylat way gfaning at ngay amatanganan: ‘Manabayan tua ban nu mabanwan am. Wa ban e kadasug sa ayu at mauri.’

Eremyas 23:30

“Nu katanya, au Yawi, gfasud au ngay taglong takamaningan way tibak taglong at longan taglong te, at ngay longan siginan angku.

Eremyas 23:32

Kanya fagayu gfoyung at ngay taginfan at yud matuyan, nu katanya, siginan at fakamuaganun nafalyam ku ngay taw at amatanganan. Kwa nasugu anya fagayu ay kwa yangay nasugu te, aringangi, nu katanya, we fanggubukun sa sangay taw. Au, Yawi, taglong tuy.

Eremyas 28:15

Sanya ginan, Eremyas nalong sas Kananya fag taglong te, “Dungugani! Yawi wa nasugu emu, dewa katanya, tuy fag talun nafanud sam fakamuaganun.

Eremyas 28:17

Nu katanya, sis fafituk magdanun ginanya fag banwa, Kananya fag taglong anbul wan.

Mikas 2:11

Ay ay fakaylatun ay takamoyung, takamalingun ay takamuag, tagfoyung te, ‘Ngayu ban ay fanginum fanlangu.’ ”

Deuterunumyu 18:20

Ay fabuli wan ngay taglong, tagaringang sa ku ngayan ku nayud nasugu, ay taguro sa tibak fagsegan at ngayan.”