Eremyas 23:22 - Fanawbuid tagsibaliwas Fakayabian

²² Laman ro kanya fagayu nu saful ku amatanganan, nalong wa nangus ku ngay longan sa ku ngay taw laman kanya fagayu gubun at ngay ugali ay at fakamulun at mauri.

Eremyas 23:22 ပူးပေါင်းရင်းမြစ်များ

Eremyas 23:14

Ay nalag kyangay te, sis Erusalem fag ngay taglong at nafakamulun nu mauri aksvn yap tua Samarya at ngay taglong at nafakamulun, aroro kanya fagayu wa matuyan sa angku ay kamuag. Kanya fagayu nafaksvn ngay taw mauri at ngay amatanganan laman gfataglayun gfakamulun at mauri, nu katanya, kanya fag ngay taw wa naubun at ngay fakamulun at mauri. Ngay taw Erusalem nu mauri gsud yay Suduma ay Gumura.”

Eremyas 23:18

Dewa katanya, sinu fag taglong at nasaful ku amatanganan? Ay kanya fagayu wa gdungugan ku ngay longan ay wa kaylat gfae masuad ku ngay foyungan.

Eremyas 25:5

Yawi naringang siginan at ngay taglong te, ‘Talyuyani wan ay ngay ugali at mauri ay ay ngay fakamulun at mauri laman ban gbanwan tuam gugat ste fag fagbanwanan ku nafon sa ayu ay sa ay ngay mangaguyang.

Eremyas 35:15

siginan ku ngay taglong. Ay ku ngay fagsuguan fag ngay taglong dewa glong gugat ayu te, “Ubuni wan ay ngay ugali at mauri, ay tubusi wan ay famanwanun, ay lag gseg ya sa tibak fagsegan, laman ban gbanwan tuam gugat si ku nafon sa ayu fag daga,” wam gafanud ay gfaning angku.

Eremyas 36:3

Ngay taw Uda ro manga gubun tua at ngay ugali at mauri nu nadungug te, gfadasug kban sik faurianan. Ay kanya ban fagayu nu naubun tua at ngay ugali at mauri, gfalyam kban at ngay asalanan.”

Eremyas 9:12

Ay nainto au sas Yawi te, “Sinu ro manga at ke fagsafulun gtogdungug am ngay longan? Ay sinu fag taw am fagfoyungan sabaliwa am longan laman kanya gfoyung yangay sa sangay taw? Wain faginrasrasun tuy fag talun ay faginkataun sik talun at yud e taw at yud e nandalan ya?”

Esekyel 13:22

“ ‘Siginan ay fakamuaganun nafae fakabaluun am at matuyan fag ngay taw, ay kdi oma batang gfae fakabaluun anya fagayu. Nafaksvn am at mauri fag ngay taw at amatanganan laman gfataglayun sat fagmauriun, siginan nu gfatuyanan am sa anya fagayu te, malangfe am siginans fakabulun.

Esekyel 13:5

Kanya fagayu, kata way ngay taw at yud gfasine talun Israel at alad laman mogat tua nu ndasug awayan gina Yawi gfaurianan fag menit.

Esekyel 18:30

“Ngay taw Israel, glong au ayu te, au Yawi at mabalyanan at nanginsaful ay ngay fakamulun. Nu katanya, falyami wan fagayu ay asalanan laman ban diam gafaurianan.

Esekyel 2:7

Kanya fagayu gdungugan man ay duan, namadungug o fia ku nalong emu.

Esekyel 3:17

“Taw at baguama, nafili au emu laman tagulit ngay taw tagbanwan sis talun Israel. Nu katanya, nusnga setaw am nadungug siginan angku fag ngay famararang, nanlong o fia sa anya fagayu.

Amus 3:7

At matuyan, Fun Dius Yawi di gfakamulun nusnge wain yakmay nafasaful sat ngay fagsuguan fag ngay taglong.

Sakaryas 1:4

Lag am gfaning ay ngay mangaguyang at fakamulun. Nasugu koma sik ngay taglong laman nanlong sa anya fagayu te, ubuni wan at ngay fakamulun at mauri. Dewa katanya, wa nafanud ay wa nafaning angku.

Malakyas 2:6

ay matuyan tua nu gfoyung ay di kamuag. Ay gugali tua gugat manabayan ay at matuyan. Nu katanya, kanya fagayu nagubuk ngayuk taw laman gubun at ngay asalanan.

Fakamulun 20:27

aroro kwa nadgaragun gfoyung sa ayu Dius at ngay algan.

1 Tesalunika 5:6

Nu katanya, kabavn mafuloani ay mafalganani, ay fasinei ay amatanganan, dangay kata tibak taw tagtiug.