Eremyas 23:16 - Fanawbuid tagsibaliwas Fakayabian

¹⁶ Yawi at Mabalyanan glong sa sangay taw Erusalem te, “Lag am gafanud takamuag fag ngay taglong at longan. Kanya fagayu nafaseg way ayu sat fakamuagun. Wa siginan angku at ngay taginfan, siginan way at ngay sadili amatanganan.

Eremyas 23:16 ပူးပေါင်းရင်းမြစ်များ

1 Fun 22:11

Ay Sedekya fag taglong, Kenaana at baguama, nawat duak sunge at fangawat sanbung. Ay kanya nalong te, “Yawi glong te, ‘Fun Akab, namawayan o ngay taw Aram siginan tuy fag duak sunge, ay gfamin ban o anya fagayu.’ ”

2 Fun 17:15

Kanya fagayu wa naylat Yawi at foyungan, ay at nawat fag nasadian sat ngay mangaguyang. Ay kanya fagayu wa nadungugan at ngay famararang, abat ngate nafaning way at yud e masuad fag ngay fagsegan ay anggan kanya fagayu ansik yud yangay e masuad. Kanya fagayu nafaning tagsit ligung fag ngay gaban taw at nafakamulun, Yawi at nalong te, lag gfaning.

2 Krunika 18:5

Ay Israel at fun nafaful ufatk sandank taglong ay nainto te, “O namawayan au Ramut-Gilyad ay mannga duan?” Ay kanya fagayu nabalus te, “Kin, loi wan, aroro Dius ro gfababo emu.”

Fangatulun 19:27

Ku sisian, nu dway o kaylat gdungugan ku ngay foyungan, umsaruy o foyungan tagfon emu fagsafulun.

Eremyas 14:14

Yawi nabalus te, “Kanya fag ngay taglong kamuag sa ku ngayan. Kwe nasugu ay kwe nalong sa anya fagayu. Wa siginan angku ay we masuad kanya fagayu at taginfan at foyungan sa ayu, nu bunway siginan way at ngay amatanganan.

Eremyas 2:5

Katatuy at longan: “Nataw fag asalanan ay ngay mangaguyang at nalag si angku, at fagnatalyuyanun angku? Kanya fagayu naseg at yud e masuad fag ngay fagsegan, nu katanya, kanya fagayu ansik yud yangay e masuad.

Eremyas 23:21

Kwa nasugu kanya fag ngay taglong, dewa katanya, kanya fagayu nalao wan. Kwe nalong sa anya fagayu, dewa katanya, kanya fagayu nanfamoyung wan.

Eremyas 23:26

Ginain yaban kanya fagayu nu gfaragang nu gfoyung at yud matuyan tagsiginan way at ngay amatanganan?

Eremyas 29:23

Umfasludan takatanya sa anya fagayu aroro nafakamulun at maksvn nu mauri sis Israel. Kanya fagayu natugtug at ngay kaiban at ngay bubay ay nalong ku ngayan laman kamuag, deyud au nasugu sa anya fagayu te, fakamuluni. Saful kway at ngay nafakamulun ay nafatuyan au sabaliwa anya fagayu. Au, Yawi, taglong tuy.”

Eremyas 29:8

Yawi at Mabalyanan, Israel at Dius, glong yangay fia te, “Lag am gafaylatan ay ngay taglong ay ay kaiban fag ngay taginsaful nu kamuag sa ayu. Ay lag am gafanud sat ngay taginfan.

Eremyas 9:12

Ay nainto au sas Yawi te, “Sinu ro manga at ke fagsafulun gtogdungug am ngay longan? Ay sinu fag taw am fagfoyungan sabaliwa am longan laman kanya gfoyung yangay sa sangay taw? Wain faginrasrasun tuy fag talun ay faginkataun sik talun at yud e taw at yud e nandalan ya?”

Eremyas 9:20

Eremyas glong sa sangay mangena te, Katsi, dungugani fia Yawi at longan. Ay foyungi ay ngay baguina ay anggan ay ngay iba nu setain nu nanwayway ay nu nangabalu.

Takabalu 2:9

Erusalem at ngay sakbawan alad anrasras wan. Yawi nalifung wan ay narasras at ngay faningding sakbawan. Ay at fun anggan at ngay tagfangguna natabanan wan sa tangayayu fag talun. We saful ya Yawi at faugali, ay ngay taglong we taginfan ya siginans Yawi.

Esekyel 13:16

fag ngay taglong sis furuan Erusalem, at nafamuag te, manabayan ban furuan Erusalem, Au, Fun Dius Yawi taglong tuy.’

Esekyel 13:23

Nu katanya, umkalyam waban nu gtaginfan am yud mafanud ay nu ginsaful am yud matuyan. Namalangfe kban ku ngay taw siginan ay ngay daluap. Ay sumaful ban am te, au Yawi.’ ”

Esekyel 13:3

‘Au, Fun Dius Yawi, glong au te, afanyuan ban at yud e fagsafulun fag ngay taglong, at foyungan tagsiginan way at sadili amatanganan, ay yud batang gtaginfan.

Esekyel 13:6

Kafag ngay taglong at ngay taginfan wa matuyan, ay nu ginsaful kamuagan way. Kanya fagayu glong te, em foyungan siginans Yawi, dewa katanya, at matuyan, kanya fagayu bunwa ku nasugu. Ay kanya fagayu gfanya at ngay foyungan nu kafasludan.

Esekyel 22:28

Kafag ngay taw at ngay taglong gsuksuk at asalanan siginan nu gtaginfan ay nu ginsaful yud matuyan. Ay kanya fagayu kamuagan te, at ngay longan siginans Yawi.

Mikas 2:11

Ay ay fakaylatun ay takamoyung, takamalingun ay takamuag, tagfoyung te, ‘Ngayu ban ay fanginum fanlangu.’ ”

Mateu 7:15

“Dirii ngay tagfandaya te, ‘Au wan at sadi Dius at taglong.’ Kanya gina kadasug sa ayu magup kata sik ngay tupa. Ay dewa katanya mangaro kafag ngay taw kata way sik ngay tagfangagat fag idu talun.

Ruma 1:21

Kafag ngay taw dewa saful Dius, wa gseg ay wa gfauseganan anya. Abat ngate at ngay amatanganan sa way lang at yud e tungkul, ay nalyam wan at amatanganan sabaliwa at matuyan, kata wan nu ndulum.

1 Uan 4:1

Ku ngay fakesugun, lag am gafanud sas nusnga sinu fag taw dewa glong te, “Si wa angku at Masine fag Falad.” Nu bunway insafuli te, o at falad siginan tuas Dius, aroro ngayuk takamuagan fag taglong at kinrapyag sas fagdaul daga.