Eremyas 23:14 - Fanawbuid tagsibaliwas Fakayabian

¹⁴ Ay nalag kyangay te, sis Erusalem fag ngay taglong at nafakamulun nu mauri aksvn yap tua Samarya at ngay taglong at nafakamulun, aroro kanya fagayu wa matuyan sa angku ay kamuag. Kanya fagayu nafaksvn ngay taw mauri at ngay amatanganan laman gfataglayun gfakamulun at mauri, nu katanya, kanya fag ngay taw wa naubun at ngay fakamulun at mauri. Ngay taw Erusalem nu mauri gsud yay Suduma ay Gumura.”

Eremyas 23:14 ပူးပေါင်းရင်းမြစ်များ

Fakasigadan 13:13

Ay tagsis Suduma fag ngay taw maksvn nu gasalanan sas Yawi.

Fakasigadan 18:20

Ay Yawi nalong sas Abrayam te, “Ngayuk taw tagfatuyan te, furuan Suduma ay Gumura mauri. Aroro maksvn wan kanya fag duak furuan at asalanan.

Fakasigadan 19:24

Yawi nafadasug wa vtv sik tagigang fag afuy sas furuan Suduma ay Gumura.

Fakasigadan 19:25

Yawi nafamin kanya fag duak furuan ay anggan kafag datag fagdaul. Ay fagayu tagbanwan sanya anbul wan ay namin wan anggan at ngay fananumun.

Isayas 9:15

Ngay fagtainan ay at ke fanambagun fag ngay taw umkata kafag mangilafang at liug, ay takamuag fag ngay taglong umkata kafag mangilafang at iug.

Eremyas 14:14

Yawi nabalus te, “Kanya fag ngay taglong kamuag sa ku ngayan. Kwe nasugu ay kwe nalong sa anya fagayu. Wa siginan angku ay we masuad kanya fagayu at taginfan at foyungan sa ayu, nu bunway siginan way at ngay amatanganan.

Eremyas 18:13

Nu katanya, katatuy Yawi at longan, “Intoi sa tibak talun te, ‘O e nadungug wam at kinfasludan takatanya?’ Ngay taw Israel wa oma e mamalong, dewa katanya, kanya nafakamulun nusnga setaw at mauri!

Eremyas 20:16

Kanya nangus fag taw umfaurianan kata Yawi at fagyudun anfanyu giklas fag ngay furuan. Buktung menit nangus kanya fag taw at dungganan taguro way lang gfandeng sis fagawayanan.

Eremyas 23:17

Katatuy kanya fag ngay taglong at longan gugat sa sangay taw at yud gdungugan ku ngay longan, ay takaylat way gfaning at ngay amatanganan: ‘Manabayan tua ban nu mabanwan am. Wa ban e kadasug sa ayu at mauri.’

Eremyas 23:22

Laman ro kanya fagayu nu saful ku amatanganan, nalong wa nangus ku ngay longan sa ku ngay taw laman kanya fagayu gubun at ngay ugali ay at fakamulun at mauri.

Eremyas 23:32

Kanya fagayu gfoyung at ngay taginfan at yud matuyan, nu katanya, siginan at fakamuaganun nafalyam ku ngay taw at amatanganan. Kwa nasugu anya fagayu ay kwa yangay nasugu te, aringangi, nu katanya, we fanggubukun sa sangay taw. Au, Yawi, taglong tuy.

Eremyas 29:21

Katatuy Yawi at Mabalyanan, Israel at Dius, at longan sabaliwas Akab, Kulaya at baguama ay Sedekya, Maaseya at baguama: “Kanya fag duama nalong ku ngayan laman kamuagan garingang sa ayu. Nu katanya, namon au duama sas fun Nabukudunusur ay kanya namabul kafag duama si ay daga salubangan.

Eremyas 29:23

Umfasludan takatanya sa anya fagayu aroro nafakamulun at maksvn nu mauri sis Israel. Kanya fagayu natugtug at ngay kaiban at ngay bubay ay nalong ku ngayan laman kamuag, deyud au nasugu sa anya fagayu te, fakamuluni. Saful kway at ngay nafakamulun ay nafatuyan au sabaliwa anya fagayu. Au, Yawi, taglong tuy.”

Eremyas 36:2

“Buli sik fagrirukan ay riruki sanya fagayu ku nalong emu sabaliwas Israel, sas taw Uda, ay sas fagayu talun. Riruki fagayu ku nalong emu, siginan ebi taguna ku nalong gina fun Usyas gfunan, dasug katsi.

Eremyas 49:18

Nu setain Suduma ay Gumura ay tagsit ligung fag ngay furuan nu karasras, katanya yangay ban takafasludan sas Edum, ay wa ban e gbanwan ya sanya. Au, Yawi, taglong tuy.

Takabalu 4:6

Ku ngay kaiban nu gafaurianan, aksvn yap ngay taw Suduma at nadalan fag faurianan. Dius nafauri wa vtv kanya fag furuan ay we nagubuk ya.

Esekyel 13:16

fag ngay taglong sis furuan Erusalem, at nafamuag te, manabayan ban furuan Erusalem, Au, Fun Dius Yawi taglong tuy.’

Esekyel 13:19

Nafauri am angku si ku ngay taw at daga salubangan, dewa way siginan sik alay fag barli ay fag tinapay. Ay siginan ay fakamuagun nalong am te, “Fabuli wan at yud e asalanan ay falangfei at ke ngay asalanan.” Ay ku ngay taw nafanud sa ay foyungan.

Esekyel 22:25

Ay at ngay tagfangguna at ngay algan mauri, kata ngay liun nu gngarngar ay nu gyukfu at fagnangagatun. Kanya fagayu kamabul, ay gfangkamul ngay ramraman ay nusnga setaw at mafanud, ay sit furuan ngayu at kinfagbubayun aroro e kamabul.

Usea 6:10

Ngay taw Israel, e nalag au si ayu at maksvn nu mauri. Gseg am sa tibak fagsegan, nu katanya, sik masuya wayam.

Amus 4:11

Nafabul kwan ayu tiba kata ku nafakamulun sas Suduma ay sas Gumura. Ay am at kinlangfe, kata am sik ngay famaygang at nabul siginan sad afuy. Dewa katanya, yam kafoli sa angku. Au, Yawi, taglong tuy.

Mikas 1:5

Takatanya ban fagayu umfasludan aroro ngay taw Israel ay ngay taw Uda at ngay asalanan. Ay ngay taw Samarya nafaylat ngay taw Israel laman gasalanan. Ay ngay taw Erusalem nafamatangan ngay taw Uda laman gseg tibak fagsegan.

Mikas 3:11

Gfadiuganan am sa tagfon ayu famayad gina am gfawabilugan. Anggan ngay tagfon fanggalangun nu gfoyung gbul yangay famayad. Katanya yangay ngay taglong, wa nanginsaful way ro e famayad. Ay gseg am te, Yawi ggubuk ayu, ay gamatangan yangay am te, Yawi gufud tua gugat ayu, nu katanya, we mauri takadasug sa ayu.

Sefanias 3:4

Ay at ngay taglong nu gfakamulun gfangabanganan, ay bunwa sik fagfatigwanan. At ngay tagfon fanggalangun wa gfae masuad Dius at bale, ay wa gfaning Yawi at ngay suguan.

Malakyas 1:1

Katatuy Yawi at foyungan sas Malakyas laman sa sangay taw Israel.

Mateu 11:24

Ay furuan Kapernaum, glong au ayu te, gina ban fanginsafulan asalanan fag menit, gafaurianan am gtungud yay furuan Suduma.”

Deuterunumyu 32:32

Tam ngay fawayan nu mauri kaksvn furuan Suduma ay Gumura at fagmauriun, kanya fagayu kata sik wat ubas at rawvg at mayat ay at malangu.

1 Timuteu 4:2

Takatanya fag ngay foyungan siginan way takamaningan fag ngay takamuag, ay at amatanganan annanad wan sat mauri, ay wa gfaning ya at amatanganan at masine.

2 Pedru 2:6

Dius nafaurianan yangay Suduma ay Gumura fag duak furuan, ay nafamin tagsanya fagayu siginans afuy. Ay at kinfasludan sa kafag duak furuan sik famararang sat yud gfaning Dius.

Udas 1:7

Amatangani at kinfasludan sas furuan Suduma ay Gumura, ay sat fakbangan fag ngay furuan. Aroro kanya fag ngay furuan at ngay taw gugatan sat fagfanugtugun ay sas fagmauriun. Nu katanya, Dius nafaurianan kanya fagayu sat yud karabung fag afuy. Takatanya sik famararang sas fagayu taw.

At Nafasure 11:8

Ay duama ban matangda way lang sisad dalan si takadungug fag furuan daul, kafag furuan nafangayan sa sik nafaydayuanan te, Suduma, ay Igiptu. Ay sanya wan fag furuan nu gtuktuk duama at Fun sas fasulungan kayu.

At Nafasure 19:20

Ay tagfangagat fag mela nagamatan gasfuan takamuagan fag taglong, kanya at nafakamulun at ngay madulo fag ngay fakatoglagan si tagfangagat fag mela at daga salubangan. Siginan at nafakamulun fag ngay madulo, kanya nadaya ngay taw at nafae fakatoglagan sit ngay bilug tagfangagat fag mela, ay at naseg at aninu. Ay gina yay kanya fag dua gleleg, e naukas anya fag dua sas asupri fag afuy daul tagigang.

At Nafasure 21:8

Ay nusnga sinu tagfangalimu, ay at yud gafanud, ay at maksvn nu mauri, ay takamabul taw, ay tagfanugtug, ay at mabara, ay tagseg at yud matuyan fag ngay fagsegan, ay fagayu takamuag, kanya ban fagayu at fakadasugan saways afuy daul tagigang ay asupri. Kanya at faduak fakabulun.”

At Nafasure 22:15

Ay fagayu tagfakamulun at mauri ay fagayu tagfangufit, ay tagfanugtug, ay takamabul, ay fagayu tagseg sat yud matuyan fag ngay fagsegan, ay fagayu takamuag, dewa sit longan ay sit fakamulun, takatanya ban fagayu kafamato wan sas day furuan.