Eremyas 23:11 - Fanawbuid tagsibaliwas Fakayabian

¹¹ “Ngay tagfon fanggalangun kata yangay sik ngay taglong; kanya fagayu nafakamulun at mauri dewa si ku bale.

Eremyas 23:11 ပူးပေါင်းရင်းမြစ်များ

2 Krunika 33:5

Ay kanya nafatungkud kafag ngay fagirugan fanggalangun sis Yawi at bale at duak fagaweanan, laman kanya nanseg fagayu tagsis banwa.

2 Krunika 33:7

Ay kanya nafasakbo sas Dius at bale at nafawat fag fagsegan, nu inda Dius at nalong sas Dabid ay sat baguama Sulumun te, “Ste si ku bale ay sis Erusalem, ku nafili laman sas fagayu taw Israel at ngay kasugfunanan at fagnamauseganan angku kabavn.

2 Krunika 36:14

Ay anggan fagayu tagfon fanggalangun ay fagayu taw Israel wa nafaning Dius. Kanya fagayu nafaning way tibak talun at ngay taw at ngay fakamulun at maksvn nu mauri, ay kanya fagayu nafasuya Yawi at bale, at nafili fag buknga at yud e malong sis Erusalem.

Esra 10:18

Kayu tuy at nafamubay sa tibak gaban taw, ay nafatuyanan te, gfasaruayan wan at ngay bubay: (Kanya fagayu nafon ngay tama tupa laman at fanggalangun famalyam at ngay asalanan.) Siginan ngay tagfon fanggalangun: Tagsiginan Eswa, Usadak at baguama at talananan, ay at ngay faduksay: Maaseya, Elyeser, Arib ay Gedalya.

Eremyas 11:15

Ku fakesugun fag ngay taw nafakamulun ngayuk fakamulun at maksvn nu mauri. Kanya fag ngay taw wa masine ya gsakbo sa ku bale. At ngay fanggalangun wa mafafaragang takadasug fag faurianan laman sa anya fagayu. Ay kanya fagayu guseganan way at fakamulun fagayu dewa mauri.”

Eremyas 23:15

Nu katanya, Yawi at Mabalyanan glong sabaliwa kafag ngay taglong te, “Namaon au sa anya fagayu ngay fakonun at mayat ay namainum au at ke ganga fag ngay fanginum aroro kanya fagayu nafafagdaul fagmauriun sas fagdaul talun.”

Eremyas 32:34

Kanya fagayu nafasuya ku bale nu inda at fagnamauseganan angku. Ay nafasakbo sanya tibak fagsegan at maksvn nu mauri.

Eremyas 5:31

At ngay taglong kamuag nu gfoyung, ay at ngay tagfon fanggalangun gfangguna siginan at ngay sadili fagsafulun, ay ku ngay taw maksvn nu kaylat takatanya. Dewa katanya, tain ban at fakamulun nu ndasug at fakatabuan fag buknga?”

Eremyas 50:6

“Ku ngay taw kata sik ngay tupa at nalyam. Aroro at ngay tagulit nafalibangun anya fagayu sa sangay fungsu ay sa sangay buksul ay kanya ban fagayu wa saful ya gtvbtvban at dalan gina kafoli.

Eremyas 6:13

Ay dewa at yud e kwa ay takadungug, ay at ngay taglong ay at ngay tagfon fanggalangun gsud way gfangalabian salapi.

Eremyas 7:30

Yawi nalong te, “Ngay taw Uda nafakamulun at mauri. Ay kanya fagayu nafasakbo at masuya fag ngay fagsegan sa ku bale nu inda at fagnamauseganan angku, nu katanya, ansik masuya.

Eremyas 8:10

Nu katanya, namon kban at ngay mangena ay at ngay gamasun sa tibak taw. Ay dewa at yud e kwa ay takadungug, ay at ngay taglong ay at ngay tagfon fanggalangun gsud way gfangalabian salapi.

Takabalu 2:20

Yawi, damai tua emi. Amatangani nu sinu am fagfauriananun. At kaksvnan nu kalunus ami, at ngay mina naon wan at ngay ngenge. Ay nafabul wan ngay tagfon fanggalangun ay ngay taglong sim bale.

Esekyel 44:10

“ ‘Nu saman baliwa taw Lebi at natalyuyan angku ay at nanangalo sa tibak taw Israel gina gseg tibak fagsegan, kanya ban fagayu umfaurianan aroro sat asalanan.

Esekyel 7:20

Kanya fagayu kamanagsag at ngay famasine at mabyat nu kabayad laman at fangawat at ngay fagsegan at maksvn nu mauri. Nu katanya, namasik masuya kwan at ngay fagagbilugun fag ngay ramraman.

Esekyel 8:11

Ay malindug sanya Israel at ngay tagfangguna fag fituk safulu, ay at sadi tagsanya, Aasanya, Safan at baguama. Ay galay at sadi e bitbitan famanus famaebebanglu, ay kanus sat tungud.

Esekyel 8:16

Sanya ginan, kanya nabuba angku sas Yawi at bale at basad alad. Ay sis Yawi at sakbawan bale, sis fagfiangalayan ay sis fagfonan fanggalangun at buknga e malindug duak safulu e limak taw. Ay kafag ngay taw gtalyuyan Yawi at bale ay gsalubang sas fakamenitan, ay grungan gseg menit.

Sefanias 3:3

At ngay tagfangguna kata sik liun gsubang. Nu gakayabiun wan kanya fagayu kata sik idu talun tagrvbvy at fagnangonun, ay balabag di, we fasawadan ya.

Sefanias 3:4

Ay at ngay taglong nu gfakamulun gfangabanganan, ay bunwa sik fagfatigwanan. At ngay tagfon fanggalangun wa gfae masuad Dius at bale, ay wa gfaning Yawi at ngay suguan.