Eremyas 22:8 - Fanawbuid tagsibaliwas Fakayabian

⁸ “Ngay taw ban tagsiginan tibak talun tagdalan sanya gidgintoan te, ‘Wain Yawi at fagnafakamulunun takatatuy stie fag furuan?’

Eremyas 22:8 ပူးပေါင်းရင်းမြစ်များ

Eremyas 16:10

“Nu nalong ban o takatanya sanya fag ngay taw, ay kanya ban fagayu nu nainto te, ‘Wain Yawi at fagnafararangun te, kadasug ban sa emi takaksvn nya fag faurianan? Nataw em nafakamulun at mauri? Ay nataw em asalanan tagfauri Yawi em Dius?’

Eremyas 40:2

Ay Nebusaradan nu nalag Eremyas nalong te, “Yawi, am Dius nalong te, grasras ban furuan Erusalem.

Eremyas 40:3

Ay anfasludan kata at longan. Anfasludan takatanya aroro am ngay kaiban nafakamulun at mauri sas Yawi ay wa gfaning anya.

Takabalu 4:12

Ngay fun sas fagdaul daga anggan at ngay fagfunanun wa gafanud te, ngay fawayan masakbo sas Erusalem at ngay sakbawan.

Esekyel 12:16

Dewa katanya, gfalangfe kyay ban tibak taw Israel siginans awayan, fanlunus, ay fakasaitun laman ban kafag ngay taw nanlong sa tibak talun at ngay nafakamulun mauri, ay at ngay nadalan fag faurianan, ay siginan takatanya, kanya ban fagayu sumaful te, au Yawi.”

Esekyel 14:23

Anud, umkalyam ban ay amatanganan at mauri nu nalag ban am kanya fag ngay taw at ugali ay at ngay fakamulun, ay sumaful ban am te, matuyan ku nafakamulun sa sangay taw tagbanwan sis furuan Erusalem. Au, Fun Dius Yawi, taglong tuy.”

Esekyel 39:23

Ay tiba bank talun at taw sumaful yangay te, ngay taw Israel natabanan aroro anke asalanan siginan nu yud gfaning angku. Nu katanya, nafabayan kwan at ngay fawayan nu gfabul anya fagayu.

Esekyel 5:15

Ay aroro sat kindasug sa ayu, tagligung ban ayu fag ngay talun at ngay taw gfapla ay gfalingun ay gsaruyan ayu. Ay ku faurianan ban sa ayu, sik famararang sa tagligung ayu fag ngay talun at ngay taw. Au, Yawi, taglong tuy.

Daniel 9:7

“Em Fun, matuyan tuo, dewa katanya, dasug katsi tagsi emi fakaplaun way. Anggan ngay taw Uda ay Erusalem, ay anggan fagayu taw Israel am nafarapyagan sa sangay talun at munakbang ay tangayayu aroro nafamabo emu.