Eremyas 22:6 - Fanawbuid tagsibaliwas Fakayabian

⁶ Katatuy Yawi at longan sabaliwa Uda at fun at bale: “Masine o, kata Gilyad ay kata tungud buksul Lebanun. Dewa katanya, namakata au emu sik talun at yud e taw, kata sik furuan at yud e gbanwan ya.

Eremyas 22:6 ပူးပေါင်းရင်းမြစ်များ

Fakasigadan 37:25

Ay kaduge at ngay kaka gfangon, e nabanawan sik ngay taw Ismael tagfalao tagsiginans talun Gilyad. Kafag ngay taw at ngay kamelyu e buba ngay famaenamnam ay sik ngay lune famafia ay famaebebanglu laman at famaloun sas talun Igiptu.

Alubad. 107:34

Yawi gfae yud e kagutlu sit masine fag daga, aroro at ngay tagbanwan sanya maksvn nu mauri.

Sulumun at Alubad 4:1

Ku fakesugun fag baguina, at kasine o! Am ngay mata at maumutan at masine fag ramit masine kata labikung. Am buk gludlutun kata ngay kambing nu gtagbung gbaraudan sis Buksul Gilyad.

Sulumun at Alubad 5:15

At balangbang ay at bitis kata sik gang fag turuk at malaksi, at mafatungkudan sis fagfatungkudan fag ngay turuk at mawatan siginan at yud e suglat fag gintu. Ku fakesugun fag mangama masine nu kalag kata ngay fun kayu at mogat sis Lebanun.

Isayas 27:10

Mabaluanan way lang at maaladan fag furuan, ay we taw ya gbanwan sanya, ay kata way lang sik talun at yud e taw. Sanya at fagnamafangonan way lang ay fagfatiugan at ngay baka. At ngay baka nafamin wan ngay kayu at ngay don.

Isayas 37:24

Nagbilug o am ngay fagsuguan laman gfalingun o angku, Nalong o sa angku te, “Siginan ku ngay faguyudan fangawayan naundaud au sa tangabat fag ngay buksul, anggan tungud buksul Lebanun. Nafuan kwan sanya fag ngay kayu tangabat, ay nalag au tangayayu fag fungfung tangrawan, ay at masine fag araw.

Isayas 6:11

Ay nainto au te, “Ku Fun, seduge tua ban kanya fagayu nu kamaogatun?” Ay nabalus angku te, “Yakmay ban yud e gbanwan ya sat ngay bale, ay gina ban at ngay furuan ay at ngay tanuman anrasras,

Eremyas 21:11

“Ay longi yangay sas Uda at fun fag talanan, Dabid at ngay kasugfunanan te, ‘Dungugani Yawi at ngay longan: Fasii tua gugat ayu fagmatuyanun. Gubuki at nafangkamulan. Ay falangfei anya fagayu siginan tagfaidapan. Nu dway ban am gfakamulun takatanya, umdasug sa ayu ku dotama takata igang at yud e mafarabung ya, aroro sa ay nafakamulun at mauri.

Eremyas 21:14

Dewa katanya, namaurianan au ayu kata ay ngay nafakamulun. Nangirug au ay fagagbilugun fag ngay araw yakmay ankirug fagayu si ay ligung. Au, Yawi, taglong tuy.’ ”

Eremyas 22:24

“Au Yawi, gfatuyanan au te, kafanud nu gleleg au, nangaiyan au emu Yuyakin, Uda at fun, Yuyakim at baguama. Dewa o kata sik fanumyu si ku siun fag daluap fakatoglagan ku fagmabalyananun, gbul au emu siginan ku sumyu.

Eremyas 26:18

“Ebi gina Esekyas gfunan sis talun Uda, Mikas, tagsiginans Mureset, nalong Yawi at longan laman sa sangay taw Uda. Kanya nalong te, ‘Yawi at Mabalyanan nanrasras wan Siun, Erusalem fag furuan daul. Ay kafag furuan ban umkata sik fagtanuman at malian, ay sik fagfungsuan at kinkiklas fag ngay bale, ay at fagfalindugan Yawi at bale fag buksul umkata sik araw.’

Eremyas 4:20

Gdoddogan faurianan nu kadasug, ay fagdaul talun anrasras wan. Anggan ku ngay bale ramit anrasras yangay.

Eremyas 4:7

Tagrasras ngay talun kadasug wan kata sik liun at nalfas siginan at luib, laman namaurianan ay talun, kata ngay liun nu masakit gduksun siginan at fagsuksuanan. Ay fagayu ay furuan umrasras, ay wa ban e gbanwan ya.

Eremyas 50:12

Nu katanya, gfae fakaplaun kban ay talun. Ay umsik afanyuan ban sas fagayu talun, ay mabaluanan, ay umkata sik talun at yud e taw.

Eremyas 7:34

Ay ginanya ban gfaragang kwan nu e guseganan sis furuan Erusalem at ngay fagaweanan. Ay si bans Uda wa yangay e kadungug ya at ngay bagu kadadwa nu guseganan, ay kanya ban fag talun umsik mabaluanan.”

Eremyas 8:22

O nunda sis Gilyad we famafia ya? O ay sanya we tagfafia ya? Wain ku ngay kaiban at ngay bangbang fagyudun kafia ya?

Eremyas 9:11

Yawi glong te, “Nanrasras kwan Erusalem, ay kanya umkata at kinbaras fag ngay gang, ay tagbanwan ban sanya idu talun way lang. Ay fagayu ban furuan tagsis Uda namakata au at yud e taw fag talun, ay wa ban e gbanwan ya sanya.”

Mikas 3:12

Aroro nafakamulun am takatanya, umkiklas ban Siun, furuan Erusalem. Ay kanya ban umkata sik fagtanuman at malian, ay sik fagfungsuan at kinkiklas fag ngay bale, ay at fagfalindugan Yawi at bale fag buksul umkata sik araw.

Sakaryas 11:1

Am tagbanwan sis talun Lebanun luangi ay ngay furuan at sakbawan laman afuy gsakbo ay nangirug ngay fun kayu sidru.

Tap 32:1

Rubin ay Gad at ngay kasugfunanan ngayu at fagbaugun. Ay kanya nu nalag te, furuan Aser ay talun Gilyad masine laman at fagfafangonan,

Deuterunumyu 3:25

Nu katanya, aylati nu gdife au Liskung Urdan laman lumag au sanya fag daga at masine; at masine fag ngay buksul ay anggan Lebanun fag ngay buksul.”