Eremyas 22:5 - Fanawbuid tagsibaliwas Fakayabian

⁵ Dewa katanya, nu dway ban am gfaning ku ngay suguan, gfatuyanan au te, nangiklas kban fun at bale.”

Eremyas 22:5 ပူးပေါင်းရင်းမြစ်များ

Fakasigadan 22:16

ay glong te, “Yawi nalong te, ‘Gfatuyanan au te,

2 Krunika 7:19

Dewa katanya, nu gtalyuyan way ban am ku ngay faugali ay way ban am gfaning ku ngay foyungan ay ku nafon ayu fag ngay suguan, ay nu nafaning way ban am ay naseg tibak fagsegan,

2 Krunika 7:21

Ay dewa ku bale masine ay kadungug, giklas kban. Ay fagayu ban at nadalan sanya kalipsik ay kadulo ay glong te, ‘Wain Yawi at fagnafakamulunun takatatuy ste fag talun ay sat bale?’

2 Krunika 7:22

Tibak taw ban gbalus te, ‘Aroro ste fag ngay taw nafamabo at ngay mangaguyang at Dius, Yawi, at nafaduksun anya fagayu siginans talun Igiptu, ay kanya fagayu nafaning ay naseg tibak fagsegan. Kanya wan at fagnafadasugun takatanya fag ngay fagidapun.’ ”

Alubad. 95:11

Nu katanya, andotama au maksvn, ay nafatuyanan au te, “Kanya ban fagayu wa madasug sa ku fagnamonun fag daga, at fagfiangalayan.”

Isayas 1:20

Dewa katanya, nu gfataglayun way ban am kamabo angku, matuyan kabul ban am. Umfasludan takatatuy, aroro au Yawi taglong tuy.”

Eremyas 12:7

Yawi glong te, “Natalyuyan kwan ku ngay taw, ku nafili fag talun, ay nafon kwa sat ngay fawayan.

Eremyas 17:27

Dewa katanya, nu dway ban am gfaning angku, ay nu dway ban am gfae masuad Famiangalay fag Menit, ay nu namuba way ban am ay ngay famaloun sas Erusalem at ngay sakbawan ginanya fag menit, nangirug kwan Erusalem at ngay sakbawan anggan ngay furuan at ngay fagtungkudan, ay wa ban e mafarabung ya!”

Eremyas 26:4

Nanlong o sa anya fagayu ku longan te, ‘Nu dway ban am gafanud sa angku, ay wayam kaylat gfaning ku nafon ayu fag ngay suguan,

Eremyas 39:8

Ay talun Babilunya at ngay tagfawayan nairug wan tagsis Erusalem fag ngay bale ay anggan fun at bale daul, ay narufa yangay ngay alad.

Eremyas 44:26

Dewa katanya, ngay taw Uda tagbanwan sis talun Igiptu dungugani ku longan. Gfatuyanan au te, siginan ban katsi, nusnga sinu fag taw we malong ya ku ngayan. Kwa ban kaylat ya nu glong am ku ngayan gina am gfatuyanan, ay nu glong am te, “Gfatuyanan au sas Fun Dius Yawi, tagleleg fag Dius.”

Amus 6:8

Fun Dius Yawi nafaksvn nu glong te, “Kauri au Akub at kasugfunanan nu kamatungudun, ay kwa kaylat sit ngay furuan at mogat fag ngay afud. Nu katanya, namagbilug kban anya fagayu sat ngay fawayan, at furuan daul ay fagayu tagsanya.”

Mikas 3:12

Aroro nafakamulun am takatanya, umkiklas ban Siun, furuan Erusalem. Ay kanya ban umkata sik fagtanuman at malian, ay sik fagfungsuan at kinkiklas fag ngay bale, ay at fagfalindugan Yawi at bale fag buksul umkata sik araw.

Mateu 23:38

Dungugani! Wa ban e gbanwan ya si emu.

Ebreu 3:18

Dada Dius at fagfaksvnan at longan te, “Kanya fag ngay taw wa ban madasug sa ku fagfiangalayan”? O nunda bunwa sa kafag ngay taw takamabo?

Ebreu 6:13

Dius nu gfatuyanan sas Abrayam, nalong at sadili ngayan laman at famatuyan, aroro we mafasud anya.

Ebreu 6:17

Katanya yangay Dius at fakamulun. Kanya kaylat fia gfatuyanan sat ngay fagfatuyanan te, “Gfafasludan kban ku fatuyanan,” ay kanya nalong sik longan laman at famatuyan.