Eremyas 22:30 - Fanawbuid tagsibaliwas Fakayabian

³⁰ Kanya glong te, “Rarusi wan siginans fun at fafil Yuyakin at ngay baguama at ngay ngayan. Fun Yuyakin nababawan wan, ay nusdi ban at sisian at sadi we nanmalunggung sas fun Dabid at faglunggungan laman gfunan sas talun Uda. Au, Yawi, taglong tuy.”

Eremyas 22:30 ပူးပေါင်းရင်းမြစ်များ

Ub 18:19

Kanya wa nke sisian ya ay wa nke fufu, ay fagayu at kalongan anbul wan.

Alubad. 94:20

Yawi, di o gfadiuganan at mauri fag ngay tagwabilug, ay ngay taw takawat at sadili faugali.

Eremyas 10:21

Anfasludan sa antam takatatuy fagayu, aroro tam ngay tagfangguna kata way sik ngay taw at yud e fagsafulun, ay wa nanangakbang sas Yawi laman nanget gubuk. Nu katanya, kanya fagayu nababawan, ay at fagfunanun fag ngay taw nalagyu wan.

Eremyas 2:37

Gina ban am gduksun siginans talun Igiptu, gfasa ban am ay ngay tungud alfuyu ay ngay daluap at kaksvnan nu kapla am ay kabalu, aroro naiyan kwan ay fagadgalangan fag ngay talun, laman wa magubuk ya ayu.

Eremyas 22:2

Uda at fun, tagsiginans Dabid at kasugfunanan, ay am fag ngay tagfangguna ay am fag ngay taw tagdalan ste fag sakbawan, dungugani. Yawi glong te,

Eremyas 29:32

Nu katanya, au, Yawi, glong au te, namaurianan kban anya gasfuan at ngay kasugfunanan. Nusdi ban sadi at kasugfunanan we nalag fagmasineun ku fagnamakamulunun sa ayu, aroro kanya nafoyung ayu laman kamabo am angku. Au, Yawi, taglong tuy.”

Eremyas 36:30

Nu katanya, katatuy ku longan sabaliwa emu, Yuyakim, Uda at fun: Wa ban o e sugfun ya at nanfunan sas Dabid at fagfagtainanan. E gfabul ban emu ay gukas am bilug ay katimrang sat masugba fag baksak ay gadamugun nu nyabi.

Eremyas 52:10

Ay sanya yangay, sis Sedekya at daga salubangan, Babilunya at fun nafabul Sedekya at ngay baguama, ay fagayu tagfangguna sis talun Uda.