Eremyas 22:3 - Fanawbuid tagsibaliwas Fakayabian

³ Fakamuluni tua at ke fagmanabayanun ay at ke fagmasineun. Gubuki at nafangkamulan, ay falangfei anya fagayu siginan tagfaidapan. Lag am gfauri ay ngay betaw, ay at yud e fagtainan ya, ay anggan ngay fagbubayun. Ay lag am gfabul ngay taw at yud e asalanan.

Eremyas 22:3 ပူးပေါင်းရင်းမြစ်များ

2 Samwel 23:3

Yawi, Israel at fagsarirungan fag gang, nalong sa angku te, ‘Nusnga sinu at matuyan nu gfunan ay tagfaning Dius,

2 Fun 24:4

Manase nafabul ngay taw at yud e kwa ay nafatayuk taguk sas Erusalem, ay Yawi wa nafalyam at asalanan takatanya.

Ub 22:9

Ngay fagbubayun dewa naet sa emu, wo nafon. Ay nafauri o anggan at yud e fagtainan ya.

Ub 24:9

At mauri fag taw gago ngay fagbubayun at ngay sisian, ay gago ngay tagidapan fag ngay mangena at ngay sisian laman famangsi at ngay bedan.

Alubad. 68:5

Dius gbanwan sit fagbanwanan at yud e malong, ay kanya galaga ngay sisian at yud e fagtainan ya, ay ggubuk ngay fagbubayun.

Alubad. 82:4

Ay falangfei tua at mamomuy ay tagayudan siginan at mauri fag ngay taw.

Alubad. 94:21

Kanya fagayu gkamatoan laman namawayan at matuyan fag ngay taw, ay gagbilug ngay faugali laman gfabul ngay taw at yud e asalanan.

Alubad. 94:6

ay kanya fagayu gfabul ngay fagbubayun, ngay yud e kalongan ya, ay anggan ngay taw tagsiginan tibak talun.

Nu Galin 22:21

“Lag am gfaidapan ay ngay betaw at yud ay kaiban, aroro ebi, sik ngay betaw yangay am sis talun Igiptu.

Nu Galin 22:22

“Lag am gfalingun ngay fagbubayun ay at yud e fagtainan ya.

Fangatulun 23:10

Lag o nangagbilug at yud e fagtainan ya fag ngay taw at daga, ay lag gfalin at ngay fatuan.

Fangatulun 6:17

takamatungudun, ay takamuag, ay takamabul,

Isayas 1:23

Am nafili fag ngay tagfangguna sik ngay takamabo way, ay ansadi sa sangay tagfangkamul. Ay kanya fagayu kaylat gbul ngay famaylatan fag ngay famayad anggan ngay famonun. Ay wa ggubuk at yud e fagtainan ya, ay wa kasalag ngay fagbubayun nu nke fagidapun.

Isayas 58:6

Ay ku fakaylatun nu yud am gfangon laman darangin, sik darangin tua ke fagmatuyanun: Faragangi wan nu gfakamulun am at mauri, ay matuyani tua nu gfawabilugan am, ay falfasi ngay tagafagsuguanan ay gubuki tagafalingunan.

Isayas 58:7

Foni fakonun sas fagayu takalunus, fasakboi sa ay ngay bale at yud e kwa, foni lanbung sat yud e lanbung, ay gubuki ay ngay kalongan.

Eremyas 19:4

Namakamulun kban takatanya aroro ku ngay taw natalyuyan angku ay nafili sanya fag datag laman at fagnamonan at ngay fagirugun fag ngay fanggalangun sa sangay fagsegan at yud gleleg. Kanya fagayu ay anggan at ngay mangaguyang ay Uda at ngay fun wa toglag kafag fagsegan. Ay sanya fag datag kanya fagayu nafabul yangay at bagu kasalug fag ngay sisian.

Eremyas 22:17

Dewa katanya, kabavn emu am fakaylatun gfandaya way o, ay namabul at yud e asalanan, ay nanfamalingun, ay namakamulun at mauri.

Eremyas 26:16

Nu katanya, ngay tagfangguna ay ngay taw nalong sa sangay tagfon fanggalangun ay sa sangay taglong te, “Watam masine gfabul tuy fag taw aroro kanya naringang sa antam, sa tam Dius Yawi, at ngayan.”

Eremyas 5:28

Kanya fagayu antaglu ay anbitsug, ay maksvn nu gfakamulun at mauri. Ay wa gfon fagmasineun sat yud e fagtainan ya, ay wa kafanyu ya at yud e kwa.

Eremyas 7:23

nu bunway, nasugu kyangay te, ‘Faningi angku, ay au wan ay Dius, ay am wan ku ngay taw. Banwani kata ku nalong ayu fag balyawvtan laman ban mabayan tua nu gbanwan am.’

Eremyas 9:24

Nusnga sinu fag taw takaylat nanfamatungudun, nu kamatungudun sa yakman baliwa nu gtoglag angku. Aroro au, Yawi at mafangesug, at mafakamulun kasakan ay at matuyan sas fagdaul daga. Katanya tua ku fakaylatun. Au, Yawi, taglong tuy.”

Takabalu 3:36

Ay sik taw nu dway kaylat gfalfas at yud e asalanan fag taw, tam Fun Dius saful way takatanya fag ngay fakamulun.

Esekyel 18:12

Ay gfaidapan at yud e kwa, ay gfangkamul, ay wa gfafoli ya at naulbus sa anya at ngay famanya fag ngay famayad, ay kanya gseg tibak fagsegan, ay gfakamulun at mauri,

Esekyel 18:7

Kanya di gfaidapan at iba ay gfafoli tua sat fagfabedanun at famaguna sa anya laman famanya at famayad at ngay nafabedan. Ay kanya di gfangkamul, ay gfon tua fakonun sa sangay taw takalunus, ay gfon yangay lanbung sat yud e lanbung.

Esekyel 22:7

Tagbanwan si emu fag ngay taw wa gsuyu ya at ngay fagtainan. Ay tiba gfaidapan ngay taw tagsiginan tibak talun tagbanwan si emu, ay we kafanyu ya ngay fagbubayun ay at yud e ngay fagtainan ya.

Esekyel 45:9

“ ‘Au, Fun Dius Yawi, glong au te, am fag ngay tagfangguna sis talun Israel, faragangi wan ay fagmauriun. Faragangi wan nu gfauri am ay gfaidpan, ay fakamuluni tua at matuyan ay at masine. Lag am gago ya ku ngay taw at ngay daga. Au, Fun Dius Yawi taglong tuy.

Uel 3:19

Igiptu ban umsik mabalu fag talun ay Edum ban umsik yud e taw fag talun, aroro nafaurianan ngay taw Uda, ay nafabul ngay taw at yud e asalanan.

Lebitiku 19:15

“Dangay e fagfili nu gfawabilugan am ngay taw at yud e kwa, ay ngay taw at maramraman.

Amus 5:15

Saruyi at mauri ay fakamuluni at masine, ay fafasludani fagmatuyanun say ngay faginsafulan asalanan. Tiba ginan ro manga, Yawi umfanyu yay ayu, Use at ngay kasugfunanan at sawad.

Amus 5:24

Ku fakaylatun, fataglayuni nu gfakamulun am at matuyan ay at masine, kata sik liskung yud karagang nu gfamilugan.

Mikas 3:11

Gfadiuganan am sa tagfon ayu famayad gina am gfawabilugan. Anggan ngay tagfon fanggalangun nu gfoyung gbul yangay famayad. Katanya yangay ngay taglong, wa nanginsaful way ro e famayad. Ay gseg am te, Yawi ggubuk ayu, ay gamatangan yangay am te, Yawi gufud tua gugat ayu, nu katanya, we mauri takadasug sa ayu.

Mikas 6:8

Mikas gbalus te, “Yawi nafoyung wan sa antam at masine. Katatuy at fakaylatun tam fakamulun: Fakamuluni at matuyan, afanyui tam ngay iba, ay ugalii famababauni sas Dius.”

Malakyas 3:5

Yawi at Mabalyanan glong te, “Kadasug kban laman nanginsaful ayu. Ay gfatuyan kban vtv te, mauri ngay tagfangabalo, takamuagan fag tagwabilug, at yud gfakasakan at famayad sat ngay fagsuguan, tagfauri ngay fagbubayun ay at yud e fagtainan ya, ay at yud matuyan sat ngay betaw. Namakamulun kban takatanya sa ayu, at yud gsuyu angku.”

Mateu 23:23

“Ida, am fag ngay tagfoyung Muisis at Faugali ay am fag ngay taw Fariseu, ngay takamaningan wayam! Dewa am gfon at fasafuluk afud sas Dius siginan ay famaenamnam fakonun, kata balanuy ay banglad, nalyam wayam gfakamulun at mafanud fag ngay suguan sis Muisis at Faugali, kata nu gfakamulun at matuyan sa ay iba, ay nu kafanyu am ay iba, ay nu matuyan ay longan sa ay iba. Nu ddi am nalyam at mafanud fag ngay suguan, dangay kalyam anggan talay fag ngay suguan.

Deuterunumyu 10:18

Kanya ggubuk at yud e fagtainan ya, ay ngay fagbubayun. Ay kanya kesug ngay betaw ay gfon tua at fakonun ay at lanbung.

Deuterunumyu 24:17

Matuyani nu gfawabilugan am ay ngay betaw ay anggan ngay yud e fagtainan ya. Lag am gbul sik fagbubayun at lanbung laman famanya at famangsi at bedan.

Deuterunumyu 24:7

Sik taw nu nalagan way nu gtaban at kaiban fag taw Israel, ay kanya nu nafagsuguan way ay mannga nafabayad, fabuli wan anya. Falyami wan takatanya fag fakamulun at mauri siginan ayu.

Deuterunumyu 25:1

Duak taw nu gbadbaboan way, ay kanya fag dua nu nafadasug way at mamalong sas faginsafulan, ay ngay taginsaful nu nalong wan nu sinu at ke asalanan ay at yud e asalanan,

Deuterunumyu 27:19

“Umfaurianan ban nangus sik taw yud ggubuk ngay betaw siginan tangayayu fag talun, ay at yud e fagtainan ya, ay anggan ngay fagbubayun.” Ay fagayu ban taw gbalus te, “Anud!”

Santiagu 1:27

At matuyan fag fagafanudun at yud e malong sas Dius tam Mama at daga salubangan katatuy tua: ggubuk tam at yud e fagtainan ya, ay ngay fagbubayun nu e fagidapun, ay gdiri tua tam tam sadili laman di tam gafaylatan ste swa daga fag ngay mauri.