Eremyas 22:22 - Fanawbuid tagsibaliwas Fakayabian

²² Nu katanya, namarapyagan au ay ngay tagfangguna kata tagmara at nafalayug fag ngay upa, ay ay ngay fagudgubukan fag ngay talun gatabanan. Umke fakaplaun am aroro sa ay fagmauriun.

Eremyas 22:22 ပူးပေါင်းရင်းမြစ်များ

Isayas 64:6

Fagayu ami wami masine ya gseg emu; em matuyan fag ngay fakamulun fagayu kata way sik fanrarus at masuya, ay ankata ami sik don at kin-gong, ay em ngay fagmauriun ankata sik tagmara nafalayug emi.

Isayas 65:13

“Nu katanya, au ay Fun Yawi, glong au te, Ku ngay fagsuguan ban gfangon tua ay ginum, dewa katanya, am ban kalunus wayam ay kadanum. Ku ngay fagsuguan ban guseganan tua, ay am ban kapla wayam.

Eremyas 10:21

Anfasludan sa antam takatatuy fagayu, aroro tam ngay tagfangguna kata way sik ngay taw at yud e fagsafulun, ay wa nanangakbang sas Yawi laman nanget gubuk. Nu katanya, kanya fagayu nababawan, ay at fagfunanun fag ngay taw nalagyu wan.

Eremyas 12:10

Ngayuk tagfangguna nanrasras Uda, ku nafangayan fia te, ku tanuman wat ubas. Ay kanya umkata sik talun at yud e taw.

Eremyas 2:36

Masakit ay malayun nu gtubus am ay fagadgalangan fag ngay talun. Dewa katanya, ay fagadgalangan ngap ban fag talun Igiptu gfapla yangay ayu kata talun Asirya at nafakamulun sa ayu.

Eremyas 2:37

Gina ban am gduksun siginans talun Igiptu, gfasa ban am ay ngay tungud alfuyu ay ngay daluap at kaksvnan nu kapla am ay kabalu, aroro naiyan kwan ay fagadgalangan fag ngay talun, laman wa magubuk ya ayu.

Eremyas 2:8

Ay anggan ngay tagfon fanggalangun wa grvbvy ya angku. Ay ngay tagfoyung ku suguan wa yangay gtoglag ya angku. Ngay tagfangguna gfauri angku. Ay ngay taglong at foyungan sa way baliwas Baal at ngayan ay gseg at yud matuyan fag ngay fagsegan.

Eremyas 20:11

Yawi, kafag ngay taw at algan sa angku dewa kata kanya, gufud tuo angku. Kata o sik tagfawayan at maseganama ay at mabalyanan. Nu katanya, kanya ban fagayu wa gbabo angku ay umfaurianan ban ay umke fakaplaun takamatang gugat.

Eremyas 30:14

Ay fagudgubukan ban fag ngay talun wa gamatang ya ayu, ay wa ban kasalag ya ayu. Nafawayan au ayu kata ay fawayan nu gfawayan. Maksvn ku faurianan sa ayu aroro maksvn wan ay ngayu ay asalanan.

Eremyas 4:30

Erusalem, munakbang wan nu kamin o. Nataw katsi am fakamulun? Wain am fagalanbunganun yay at masine ay am fage famasineun yay sim bilug? We tungkul ya nu kamasineun o. Am fagadgalangan fag ngay talun wa kaylat ya emu, abat ngate, namabul wan emu.

Eremyas 5:13

Ngay taglong at ngay foyungan we tungkul ya aroro wa siginan angku. Umfasludan nangus sa anya fagayu at nalong fag ngay faurianan.”

Eremyas 7:19

O au kanya fagayu at nafauri? Duan! At ngay sadili yay at nafauri ay at nafapla.

Usea 12:1

Ngay taw Israel gseg at yud e masuad. Fagngabak menit kanya fagayu gfafalo nusnge wain tagtaban anya sas faurianan. Kanya fagayu gtungud yay nu mauri ay nu kamuagan, ay nanangasadi sas Asirya ay talun Igiptu, nu katanya, kanya fagayu gfon sas talun Igiptu langis at yud e famayad.

Usea 13:15

Dewa am kata sik sigbo tagtugbung, gfadasug kban at masugba fag tagmara siginans fakamenitan, ay siginans talun at yud e taw, laman ay ngay bulbug ay anggan ay ngay bubun umlanggang. Ngay tagfangkamul ban gbul ay ngay ramraman.

Usea 4:19

Nu katanya, sik tagridribudan ban fag tagmara namalayug anya fagayu, ay kanya ban fagayu umke fakaplaun aroro nafon ngay fanggalangun sa tibak fagsegan.”

Sakaryas 11:17

Afanyuan at yud matuyan fag tagalaga tupa at fakadasugan aroro kanya nafabayan at fagalagaun fag ngay tupa. Siginan sik fiso at uyup gatvngi kanya at daluap, ay suruti at siun fag mata. Nu katanya, we tungkul ya at daluap at sadi ay at siun fag mata wa glag.”

Sakaryas 11:8

Naiyan au kanya fag tuluk tagalaga fagbaugun kaduge sik magdanun. Kafag ngay tupa kauri angku, ay kwa kagwanta ya anya.