Eremyas 22:18 - Fanawbuid tagsibaliwas Fakayabian

¹⁸ Nu katanya, katatuy Yawi at longan sabaliwas Yuyakim, Uda at fun, Usyas at baguama te, “Yuyakim ro nu nbul, we kabalu ya anya. Ay dewa at talananan, ay at ngay tagfangguna, ay tibak taw wa yangay kabalu anya.

Eremyas 22:18 ပူးပေါင်းရင်းမြစ်များ

2 Samwel 1:26

Ku fagadgalangan Yunatan, kabalu au emu! Maksvn nu kesug au emu; ay nu kesug o angku gtungud tua sik ngay mangena nu kesug at mangama.

1 Fun 13:30

Ay kanya nanamoli at usama at bilug sat sadili fagfolian ay gwayway te, “We gfayaun ngaro, faduksay!”

2 Fun 23:36

Yuyakim duak safulu e limak banwa gina gfasigad gfunan, ay kanya gbanwan sis Erusalem, ay nu gfunan labi sadik banwa. At mina Sebida, Pedaya at baguina tagsiginans Ruma.

2 Fun 23:6

Ay fun Usyas nasugu yangay sa kafag ngay taw laman namaduksun siginans Yawi at bale turuk fagtoglagan Asera fag fagsegan ay namuba sas day Erusalem, sas Liskung Kidrun, ay nangirug. Sanya ginan, kanya fagayu narufa ay nafarapyag at dafug sas fagfolian.

2 Fun 24:6

Yuyakim anbul, ay at baguama Yuyakin at natubus anya laman sik fun.

1 Krunika 3:15

Kayu tuy Usyas at ngay baguama: Ukanan, Yuyakim, Sedekya ay Salum.

2 Krunika 35:25

Ay Eremyas nawat sik ngay alubad sabaliwa nu kabalu Usyas, ay dasug katsi ngay tagsaful galubad, galubad laman gamatang anya. Ngay taw Israel galubad gugat takatanya fag alubad. Ay kafag ngay alubad marirukan sis fafil sabaliwa nu kabalu.

2 Krunika 36:5

Yuyakim duak safulu e limak banwa gina gfasigad gfunan. Ay kanya gbanwan sis Erusalem, ay nu gfunan labi sadik banwa. Ay kanya nafakamulun at mauri sit Dius Yawi at daga salubangan.

Eremyas 16:4

Kanya ban fagayu umbul siginan at maksvn fag fakasaitun. Wa ban e gamatang ya ay we namoli ya anya fagayu. At ngay bilug ban grapyagan sanya fag talun kata sik fagbaugun at ngay kek. Ay e kabul yangay ban sas awayan ay sas fanlunus. Sanya ginan ban ngay manuk tungud ay at madot fag ngay mela nangon kanya fag ngay taw at ngay bilug.”

Eremyas 16:6

Kanya ban fagayu nangabul ste fag daga, dewa at maramraman ay at yud e kwa, ay wa ban e namoli ya anya fagayu. Ay wa ban e gfilas ya at sadili ay gfaufo at alfuyu laman gfalag te, kabalu.

Eremyas 21:11

“Ay longi yangay sas Uda at fun fag talanan, Dabid at ngay kasugfunanan te, ‘Dungugani Yawi at ngay longan: Fasii tua gugat ayu fagmatuyanun. Gubuki at nafangkamulan. Ay falangfei anya fagayu siginan tagfaidapan. Nu dway ban am gfakamulun takatanya, umdasug sa ayu ku dotama takata igang at yud e mafarabung ya, aroro sa ay nafakamulun at mauri.

Eremyas 22:10

Ngay taw Uda, lag am gwayway aroro sas fun Usyas at nabulanan. Abat ngate, sidsiduani way laman sat baguama Yuakas at natubus anya laman sik fun ban sis talun Uda. Aroro kanya natabanan wan ay wa ban makatu ya kafoli. Nu katanya, kanya ban wa glag ya ste fag fagbanwanan sit fakasalugan. Aroro Yawi nalong te, kanya ban wa makatu ya kafoli.

Eremyas 22:12

Kanya ban kabul wan sat fagatabananan fag talun. Ay wa ban gdog ya glag ste fag talun.

Eremyas 34:5

nu bunway manabayan tua ban nu kabul o. Am fagfunanun ban fag ngay taw nangirug ngay famaebebanglu laman famauseganan emu, kata at nafakamulun nu gfoli am ngay mangaguyang fag ngay fun. Kanya ban fagayu nanmaful laman nangamatang emu ay glong te, “Em fun anbul wan!” Au, Yawi, taglong tuy.’ ”

Eremyas 36:30

Nu katanya, katatuy ku longan sabaliwa emu, Yuyakim, Uda at fun: Wa ban o e sugfun ya at nanfunan sas Dabid at fagfagtainanan. E gfabul ban emu ay gukas am bilug ay katimrang sat masugba fag baksak ay gadamugun nu nyabi.