Eremyas 22:17 - Fanawbuid tagsibaliwas Fakayabian

¹⁷ Dewa katanya, kabavn emu am fakaylatun gfandaya way o, ay namabul at yud e asalanan, ay nanfamalingun, ay namakamulun at mauri.

Eremyas 22:17 ပူးပေါင်းရင်းမြစ်များ

1 Fun 21:19

Nanlong o sa anya te, ‘Katatuy Yawi at longan: O nunda nafabul o sik taw ay nabul o at ramraman? Katatuy Yawi at longan: Nu inda ngay idu nu gsupsup Nabut at taguk, sanya yangay ban ngay idu nu gsupsup am taguk.’ ”

2 Fun 23:37

Ay kanya nafakamulun at mauri sis Yawi at daga salubangan, kata at mangaguyang at nafakamulun.

2 Fun 24:4

Manase nafabul ngay taw at yud e kwa ay nafatayuk taguk sas Erusalem, ay Yawi wa nafalyam at asalanan takatanya.

2 Krunika 36:8

Ay tiba ya at kinfasludan kaduge Yuyakim gfunan ay at ngay nafakamulun at maksvn nu mauri, anriruk sis fafil fagrirukan sabaliwas Uda ay Israel at ngay fun. Ay at baguama Yuyakin at natubus anya laman sik fun.

Ub 31:7

Ay nu nasaruyan kway at masine fag dalan, ay nu nafaning kway ku fakaylatun, ay nu nafauri kway ku sadili,

Alubad. 10:3

Kanya fagayu gfangalabian ay kamanagsag sat ngay fakaylatun mauri, ay gfauseganan tagfangalabian fag ngay taw, ay gfalingun Yawi.

Nu Galin 18:21

Nu katanya, nanfili yap o sik ngay taggubuk emu at ke fagmakatuun tua gfawabilugan, ay kalimu Dius, ay at masine fagfatigwanan, ay wa gbul ngay famayad. Ay nanfili o kanya fagayu ngay tagfakamulun sa sangay gaban taw, at kayuan tagsadik libu, tagsadik sandan, taglimak safulu, ay tagsafuluk taw.

Fangatulun 24:2

Aroro at ngay amatanganan ay at longan, gfauri way at iba.

Isayas 56:11

Ay kanya fagayu kata way tagfangkumon fag ngay idu at yud gfangapsug. Ay kata at yud mamatanganan fag ngay tagalaga tupa, ay galay at sadi gfakamulun kata at fakaylatun, ay at fagamatanganun sa way lang at sadili.

Eremyas 17:11

Sik taw at kinramraman siginan at yud masine fag balyawvtan kata way sik fanginan taglub sit yud sadili iklug. Ay gina ban swabilug at leleg, at ramraman ban umkalyam wan, ay umtuyan te, sik yud way e fagsafulun.”

Eremyas 19:4

Namakamulun kban takatanya aroro ku ngay taw natalyuyan angku ay nafili sanya fag datag laman at fagnamonan at ngay fagirugun fag ngay fanggalangun sa sangay fagsegan at yud gleleg. Kanya fagayu ay anggan at ngay mangaguyang ay Uda at ngay fun wa toglag kafag fagsegan. Ay sanya fag datag kanya fagayu nafabul yangay at bagu kasalug fag ngay sisian.

Eremyas 22:3

Fakamuluni tua at ke fagmanabayanun ay at ke fagmasineun. Gubuki at nafangkamulan, ay falangfei anya fagayu siginan tagfaidapan. Lag am gfauri ay ngay betaw, ay at yud e fagtainan ya, ay anggan ngay fagbubayun. Ay lag am gfabul ngay taw at yud e asalanan.

Eremyas 6:13

Ay dewa at yud e kwa ay takadungug, ay at ngay taglong ay at ngay tagfon fanggalangun gsud way gfangalabian salapi.

Eremyas 6:6

Yawi at Mabalyanan glong te, “Nanggatvng ban am sik ngay kayu laman ay fangiklas furuan Erusalem at ngay alad, ay fabungsudi sik ngay lutuk sas tigyangan alad, laman ay dalan. Faurii wan tuy fag furuan aroro maksvn wan nu kamaidapan.

Eremyas 7:6

ay lag am gfaidapan ya ngay taw tagsiginan tibak talun, ay at yud e ngay fagtainan ya, ay ngay fagbubayun. Lag am gfabul at yud e asalanan ay lag am gseg ya tibak fagsegan tagtaban ayu sas faurianan.

Eremyas 8:10

Nu katanya, namon kban at ngay mangena ay at ngay gamasun sa tibak taw. Ay dewa at yud e kwa ay takadungug, ay at ngay taglong ay at ngay tagfon fanggalangun gsud way gfangalabian salapi.

Esekyel 18:12

Ay gfaidapan at yud e kwa, ay gfangkamul, ay wa gfafoli ya at naulbus sa anya at ngay famanya fag ngay famayad, ay kanya gseg tibak fagsegan, ay gfakamulun at mauri,

Esekyel 19:6

Kanya fag liun nanangalo sa tibak liun ay nasaful ggamat ay kagat taw.

Esekyel 19:7

Kanya narasras at ngay fawayan at fagmafulan ay at ngay furuan. Ay ngay taw tagbanwan sanya maksvn nu kalimu nu nadungug kanya fag liun nu gsubang.

Esekyel 19:9

Ngay taw nasiuk anya salambitan ay naubung sas fagubungan, ay nabuba sas Babilunya at fun. Kanya fagayu naubung anya, ay wa kadungug ya nu gsubang sa sangay buksul sis Israel.

Esekyel 22:6

“ ‘Damai Israel at ngay fun tagbanwan si emu, kanya fagayu nagbilug at ngay fagmakatuun laman namabul.

Esekyel 33:31

Nu katanya, ku ngay taw gadgaloan sa emu, kata nu kaylat nandungugan emu. Ay aroro mangaro, kanya fagayu wa gfaning am longan. Kafag ngay taw kamuagan te, kesug angku, ay at matuyan at ngay amatanganan galabian way salapi.

Mikas 2:2

Ay gago am ay fagalabianun fag ngay daga ay fag ngay bale. Ay kamuag am sa sangay taw laman magbilug am at ngay bale ay at ngay ramraman.

Mikas 3:10

Mawat wayam furuan Siun siginan ay balyawvtan at mauri. Ay gfabul am taw laman mafatabu am kawat.

Sefanias 3:3

At ngay tagfangguna kata sik liun gsubang. Nu gakayabiun wan kanya fagayu kata sik idu talun tagrvbvy at fagnangonun, ay balabag di, we fasawadan ya.

Ruma 1:29

Kanya fagayu gugali nusnge wain fag mauri; kata at mauri fag algan, ay tagfangalabian, ay at mauri fag amatanganan, ay tagfanganuran, ay takamabul, ay takamawayan, ay tagfandaya, ay tagfangasulup, ay tagfoyung at mauri fag fakamulun sabaliwa at iba,

1 Kurintu 6:10

ay tagfangkamul, ay tagfanganuran, ay tagalangu gugat, ay tagfauri tibama, ay takamasing, fagayu tagfakamulun takatanya wa ban umful sas Dius at fagfagtainanan.

Kulusas 3:5

Nu katanya, at masine fabuli wan tagsi ayu tagfaning ste swa daga fag fakaylatun kata fagfanugtugun, ay fagamatanganun ay fagkamatoanun sanya baliwa, ay fagfaningun ay bilug at fakaylatun, ay at mauri fag fakaylatun, ay fagfanganuranun. Fagfanganuranun kata yay nu gseg at yud matuyan fag ngay fagsegan.

Uswe 7:21

Si tam naago fag ngay ramraman nalag au sik ramit masine siginans Babilunya, ay duak sandank salapi, ay sik lifung gintu at kabyatan gwabilug fabudbungguan. Nalabian au kanya fagayu ay nabul au. Ay nalubgub au si ku basad bale ramit, ay kafag ngay salapi sit tiba daga.”

2 Pedru 2:14

Kafag ngay taw kabavn gdama gugat sa sangay mangena ay gamatangan sas fagfanugtugun, ay wa gfaragang nu gfakamulun sas asalanan. Kanya gtaban at ngay mamomuy fag taw sas asalanan, ay annanad wan sas fagfanganuranun. Kanya ban fagayu umfaurianan.

2 Pedru 2:3

Ay kafag ngay taw gdaya ban ayu siginan at ngay fakamuagun, aroro galabian salapi. Ngaduge wan faurianan nu mafalganan sa kafag ngay taw, ay munakbang wan kanya fagayu nu kamin.

1 Samwel 8:3

dewa katanya, wa kata at mama. Aroro kafag dua gfangalabian salapi, ay gbul ngay taw at famayad siginan nu gfadiuganan dewa yud matuyan, ay gsaruy at matuyan.