Eremyas 22:15 - Fanawbuid tagsibaliwas Fakayabian

¹⁵ O nu glong ro wo sik mabalyanan wo fag fun nu nafawat wo am bale at mawatan siginans sidru? Wain am fagyudun gfaning am mama? Kanya at ngay nafakamulun matuyan tua ay masine, nu katanya, am mama nu nabanwan manabayan tua ay di e fagayudanun.

Eremyas 22:15 ပူးပေါင်းရင်းမြစ်များ

2 Samwel 8:15

Dabid nafunan fagdaul talun Israel ay nafakamulun at matuyan ay at maylat sas fagayu taw.

1 Fun 10:9

Segi Yawi am Dius aroro nafili emu laman sik fun sis Israel. Aroro Yawi kesug ngay taw Israel kabavn, kanya nafasik fun emu, laman namakamulun tuo at masine ay at matuyan.”

2 Fun 22:2

Ay Usyas matuyan at fakamulun sis Yawi at daga salubangan, kata at mangaguyang Dabid at nafakamulun, ay di gfaragang nu gfakamulun at masine.

2 Fun 23:25

Ya batang e fun takata fun Usyas, at nafaning Yawi sas fagdaul at amatanganan, ay sas fagdaul at fakaylatun, ay sas fagdaul at fagmabitsugun. Kanya nafaning Muisis at Faugali fagayu.

1 Krunika 3:15

Kayu tuy Usyas at ngay baguama: Ukanan, Yuyakim, Sedekya ay Salum.

2 Krunika 34:2

Ay kanya matuyan at fakamulun sis Yawi at daga salubangan, kata at mangaguyang Dabid at nafakamulun ay di gfaragang nu gfakamulun at masine.

2 Krunika 35:22

Dewa katanya, Usyas wa nafabali ya at amatanganan, kanya nafataglayun at algan nu namawayan. Kanya wa nafaning Dius at longan siginans Neku. Nu bunway, kanya nalao sas datag Megidu laman namawayan Neku.

2 Krunika 35:26

Ay tiba ya at kinfasludan kaduge Usyas gfunan, siginan nu gfasigad sitsigons fakatabuan, anriruk sis fafil sangay fansulitan sabaliwa Israel ay Uda at ngay fun. Ay marirukan yangay sanya sabaliwa Usyas nu kesug Yawi, siginan nu gfaning at ngay suguan.

Fangatulun 20:28

At mafangafanyu ay at matuyan fag fun ngaduge tua nu gfunan.

Fangatulun 21:3

At matuyan fag fakamulun sik mauseganan sas Yawi gtungud yay sik ngay fanggalangun.

Fangatulun 25:5

Katanya yangay, aiyani wan ngay taw mauri siginans fun at daga salubangan, laman gtaglayun tua at fagfagtainanan nu manabayan.

Fangatulun 29:4

Sik fun at algan nu sa tua baliwas fagmatuyanun, gfabitsug at fagmafunanun, dewa katanya, kanya nu get way famayad, giklas way at fagfagtainanan.

Fangatulun 31:9

Dangay e fagfili nu gfawabilugan o, ay gubuki tua at yud e kwa ay tagayudan.

Takamoyung 10:17

Dewa katanya, mauseganan tua sik talun at ngay taw, at fun nu kasalug nu siginan tua sik talanan masine, ay at ngay tagfangguna gfangon fia sit kasakan fag buknga laman kae fagmabitsugun gfakamulun at fanambagun, ay bunwa laman galangu.

Takamoyung 2:24

At masine ngay taw at fakamulun gfangon, ginum, ay gfae masuad at ngay nainlufuyan. Nasaful au te, takatanya tua tagsiginans Dius.

Isayas 3:10

Nanlong am sat matuyan fag ngay taw te, “Anud, mauseganan am, aroro gbul ban am ay nainlufuyan siginan ay nafakamulun at masine.”

Isayas 33:16

Takatanya fag ngay taw at kumlangfe siginans faurianan. Kanya nu gbanwan kata nu si tua tangabat ay at mogat fag furuan, sit ke tagbia fag ngay gang fagsarirungan. Ay wa ban kamin at fakonun ay at fanginum.

Isayas 9:7

Wa ban e fakatabuan kanya nu gfunan, ay nu gfae fagmanabayanun. Kanya namataglayun ay namaksvn Dabid at fagfagtainanan siginan nu matuyan nu gfunan yud e fakatabuan. Anud, umfasludan ban takatanya, aroro Yawi at Mabalyanan nu kesug kata tua tagigang fag afuy.

Eremyas 22:18

Nu katanya, katatuy Yawi at longan sabaliwas Yuyakim, Uda at fun, Usyas at baguama te, “Yuyakim ro nu nbul, we kabalu ya anya. Ay dewa at talananan, ay at ngay tagfangguna, ay tibak taw wa yangay kabalu anya.

Eremyas 22:3

Fakamuluni tua at ke fagmanabayanun ay at ke fagmasineun. Gubuki at nafangkamulan, ay falangfei anya fagayu siginan tagfaidapan. Lag am gfauri ay ngay betaw, ay at yud e fagtainan ya, ay anggan ngay fagbubayun. Ay lag am gfabul ngay taw at yud e asalanan.

Eremyas 23:5

Yawi glong yangay te, “Sik menit ban nanfili au sik fun at matuyan tagsiginans Dabid at kasugfunanan. Kanya ban e fagsafulun sabaliwa nu gfunan, ay namae fagmatuyanun ste fag talun.

Eremyas 42:6

Dewa ban maylat ay wa maylat sa emi, gfaning ban mi Yawi at longan laman ban manabayan tuami.”

Eremyas 7:5

“ ‘Falyami wan ay ngay ugali ay anggan ay famanwanun at yud matuyan. Ay matuyani tua fia sa ay ngay iba,

Lukas 11:41

Foni tua sat yud e kwa laman masine tua fagayu tagsi ayu.

Fakamulun 2:46

Kayu menit, kanya fagayu nanseg Dius sas Dius at bale, ay nangaful gugat sa sangay bale laman nangon tam Fun at Yafun. Ay kanya fagayu kon guseganan ay manabayan at ngay amatanganan,

1 Kurintu 10:31

Nu katanya, nusnga setaw ay fakamulun, dewa am gfangon ay ginum, fauseganani tua Dius.

Deuterunumyu 4:40

Faningi at ngay suguan ay at faugali ku nafon ayu katsi laman ban di e kadasug sa ayu ay sa ay ngay kasugfunanan at mauri, laman ban ngaduge tua nu gbanwan am si ay Dius Yawi at nafon ayu fag daga.