Eremyas 22:10 - Fanawbuid tagsibaliwas Fakayabian

^10-11 Ngay taw Uda, lag am gwayway aroro sas fun Usyas at nabulanan. Abat ngate, sidsiduani way laman sat baguama Yuakas at natubus anya laman sik fun ban sis talun Uda. Aroro kanya natabanan wan ay wa ban makatu ya kafoli. Nu katanya, kanya ban wa glag ya ste fag fagbanwanan sit fakasalugan. Aroro Yawi nalong te, kanya ban wa makatu ya kafoli.

Eremyas 22:10 ပူးပေါင်းရင်းမြစ်များ

2 Fun 22:20

Kaduge ban o gleleg, di ban kadasug ku faurianan stae fag furuan. Manabayan tua ban nu kabul o.’ ” Sanya ginan, kanya fagayu nananlong Ulda at ngay famalus sas fun.

2 Fun 23:29

Gina Usyas gfunan, Igiptu at fun Neku, Igiptu at fun nalao sas Liskung Eufrates laman nanggubuk fun Asirya. Ay fun Usyas nalao namawayan Igiptu at fun Neku, dewa katanya, kanya fag duak gaban nu nablangan sis Megidu, Neku nafabul anya.

2 Krunika 36:4

Ay fun Neku nafili Elyakim, Yuakas at arian, laman talun Uda ay furuan Erusalem at fun, ay natubus at ngayan te, Yuyakim. Ay kanya nataban Yuakas sas talun Igiptu.

Takamoyung 4:2

Nu katanya, nalong au te, amasine yap at kinbul nu gamut tagleleg.

Isayas 57:1

At matuyan fag taw nu nbul, we ginto ya te, “Wain at faginbulun?” Ay we nasaful te, Dius nabul wan kafag taw laman gfasaman siginans fagmauriun.

Eremyas 16:7

Wa ban e namon fakonun ay fanginum laman namasun ngay takabalu, dewa at mama ay at mina at kinbul.

Eremyas 22:18

Nu katanya, katatuy Yawi at longan sabaliwas Yuyakim, Uda at fun, Usyas at baguama te, “Yuyakim ro nu nbul, we kabalu ya anya. Ay dewa at talananan, ay at ngay tagfangguna, ay tibak taw wa yangay kabalu anya.

Eremyas 22:27

Ay wa ban am manangafoli ya sa ay fakaylatun fag talun.”

Eremyas 25:27

Sanya ginan, Yawi nalong sa angku te, “Nanlong o sa sangay furuan te, ‘Au, Yawi at Mabalyanan, Israel at Dius, glong au te: Agvd, inumi sis taya ku fandotaman yakmay am nalangu, ay nafangkok ay antangda, ay wam makatu ya kalunggung aroro namae awayan au sa ayu.’

Eremyas 28:4

Ay ginanya ban gfafoli kyangay fun Yuyakin, Yuyakim at baguama, ay anggan at fagfunanun fag ngay taw Uda at natabanan sas talun Babilunya, aroro ginanya ban gfatabu kwan Babilunya at fun at fagmabalyananun. Au, Yawi, taglong tuy.’ ”

Eremyas 42:18

Yawi at Mabalyanan, Israel at Dius, glong yay fia te, ‘Nu setain nu gfalag au sa sangay taw Erusalem nu kadotama au maksvn, gfalag kyangay ban sa ayu ku fandotaman nu glao way ban am sas talun Igiptu. Ngay taw ban maksvn nu gfauri ayu. Kanya ban fagayu gfalingun ay gngayan ban ayu te, mauri, ay wa ban am makafoli ya stae fag talun.’

Eremyas 44:14

Fagayu ban am at kinsawad fag ngay taw Uda at nanamanwan sas talun Igiptu kabul waban am. Wa ban am malagyu ya sas Uda dewa am kaylat yay kafoli ay namanwan sanya. Wa ban am mauli ya nu bunway nusnga sinu way lang ban at nalagyu.”

Takabalu 4:9

Amasine yap sik taw at kinbul sis fagawayanan, nu gamut at kinbul sis fanlunus tagarimanan way nu kabul aroro we fakonun.

Esekyel 24:16

“Taw at baguama, masakit ban nu gbul au am fakesugun fag mangena, dewa katanya, lag ban o gwayway ay gamatangan maksvn kabalu anya.

Lukas 23:28

Ay Isus anbiling ay nalong sa sangay mangena te, “Furuan Erusalem at ngay mangena, lag gwayway, dewa am kabalu angku. Ay fagwaywayun, sa yakman ay sadili ay sa ay ngay sisian.