Eremyas 21:9 - Fanawbuid tagsibaliwas Fakayabian

⁹ Nusnga sinu ban tagbanwan yay gugat ste fag furuan, kabul ban sas fagawayanan, sas fanlunus, ay sas fakasaitun. Dewa katanya, nusnga sinu ban at nafamababaun sa sangay taw Babilunya at maligung si ay furuan, kanya ban gleleg tua.

Eremyas 21:9 ပူးပေါင်းရင်းမြစ်များ

Eremyas 14:12

Kanya ro fag ngay taw dewa e buknga nu yud gfangon laman gdarangin, laman get gubuk sa angku, kwa ro gdungugan ya anya fagayu. Ay kanya ro fagayu dewa gfon at ngay fagirugun fag ngay fanggalangun ay at famauseganan sa angku fag ngay fanggalangun, kwa kaylat ya. Abat ngate, namabul kwan anya fagayu sas awayan, fanlunus, ay sas faurianan.”

Eremyas 21:7

Ay o Sedekya, Uda at fun, ay am ngay tagfangguna, ay anggan ban fagayu at kinsawad at yud anbul sas faurianan, sas awayan, ay sas lunus, namon au ayu sa ay fawayan Nabukudunusur, Babilunya at fun. Ay kanya ban we afanyu ya gfabul ayu. Au, Yawi, taglong tuy.’

Eremyas 24:10

Gfadasug kban sa anya fagayu awayan, fanlunus, ay fakasaitun yakmay ban anbul si ku nafon sa anya fagayu ay sat ngay mangaguyang fag fagbanwanan.”

Eremyas 27:11

Dewa katanya, ngay talun at ngay taw tagfaning Babilunya at fun, si tua ban gugat at ngay mesa talun. Sanya way ban nu gbanwan ay gtanum sit mesa daga. Au, Yawi, taglong tuy.’ ”

Eremyas 27:12

Ay nalong kyangay sas Sedekya, Uda at fun te, “Faningi Babilunya at fun. Fakamuluni sa anya ay sat ngay taw laman ban gleleg tuam.

Eremyas 27:13

Nu dway ban am nafaning anya, umbul ban am sas awayan, fanlunus, ay fakasaitun, kata Yawi at longan takadasug sa sangay talun at yud ban gfaning Babilunya at fun.

Eremyas 38:2

‘Nusnga sinu tagbanwan yay gugat sis furuan, umbul ban sas awayan ay fanlunus ay fakasaitun, dewa katanya, nusnga sinu ban at nafamababaun sa sangay taw Babilunya wa ban kabul, nu bunway kalangfe tua ban ay gleleg.’

Eremyas 38:3

Yawi nalong yangay te, ‘Matuyan, ngay taw Babilunya nangago wan ay nangagbilug tuy fag furuan.’ ”

Eremyas 39:18

Ay gfalangfe kban emu, ay di ban o kabul sas awayan. Umlangfe tua ban o aroro gafanud tuo sa angku. Au, Yawi, taglong tuy.’ ”

Eremyas 45:5

Lag o grvbvy ya nusnge wain fag ramraman at mafanud. Aroro gfadasug kban faurianan sas fagayu taw, dewa katanya, gfalangfe ktua ban emu nusnga nday ban nu glao o. Au, Yawi, taglong tuy.’ ”

Esekyel 5:12

Nangafud kban ayu tuluk afud. Taguna ban fag afud kabul sis furuan daul siginans lunus ay fakasaitun. Ay at fadua bank afud, nangabul sas day furuan daul siginans fiso tagsumbalian at uyup. Ay at fatulu bank afud, namasaruayan au sas fagdaul daga ay gfataglayun kyay ban fia gfaurianan.