Eremyas 21:6 - Fanawbuid tagsibaliwas Fakayabian

⁶ Namabul au fagayu tagbanwan ste fag furuan; ngay taw ay ngay fagbaugun. Ay kanya fagayu umbul sat maksvn fag faurianan.

Eremyas 21:6 ပူးပေါင်းရင်းမြစ်များ

Fakasigadan 6:7

Nu katanya, kanya glong te, “Namamin kban ku nawat fag ngay taw sas fagdaul daga ay anggan yangay fagayu tagleleg: ngay mela, ay at magup, ngay tagalafang, ay fagayu taglayug, aroro anfangulan au ku ngay awatan.”

Isayas 6:11

Ay nainto au te, “Ku Fun, seduge tua ban kanya fagayu nu kamaogatun?” Ay nabalus angku te, “Yakmay ban yud e gbanwan ya sat ngay bale, ay gina ban at ngay furuan ay at ngay tanuman anrasras,

Eremyas 14:12

Kanya ro fag ngay taw dewa e buknga nu yud gfangon laman gdarangin, laman get gubuk sa angku, kwa ro gdungugan ya anya fagayu. Ay kanya ro fagayu dewa gfon at ngay fagirugun fag ngay fanggalangun ay at famauseganan sa angku fag ngay fanggalangun, kwa kaylat ya. Abat ngate, namabul kwan anya fagayu sas awayan, fanlunus, ay sas faurianan.”

Eremyas 16:4

Kanya ban fagayu umbul siginan at maksvn fag fakasaitun. Wa ban e gamatang ya ay we namoli ya anya fagayu. At ngay bilug ban grapyagan sanya fag talun kata sik fagbaugun at ngay kek. Ay e kabul yangay ban sas awayan ay sas fanlunus. Sanya ginan ban ngay manuk tungud ay at madot fag ngay mela nangon kanya fag ngay taw at ngay bilug.”

Eremyas 20:4

Katatuy Yawi at longan: Umlimu ban o takadasug sa emu ay sa am ngay fagadgalangan. Lumag ban o ngay fawayan nu gfabul kanya fag ngay taw sis fagawayanan. Namagbilug kban talun Uda sas Babilunya at fun. Ay kanya ban fag fun gfabul tibak taw Uda, ay tiba bank taw gatabanan.

Eremyas 32:24

Ay katsi, ngay taw Babilunya gfabungsud lutuk si sangaba tigyangan dingding alad furuan Erusalem laman ro kanya fagayu masakbo ay magbilug kanya fag furuan. Aroro siginan sangay awayan, fanlunus, ay fakasaitun, ngayu at kinbul ay ngay taw Babilunya naago kafag furuan kata am longan.

Eremyas 33:12

Yawi at Mabalyanan nalong yay fia te, “Katsi kanya fag talun dewa mabaluanan way aroro we taw ay we fagbaugun ya tagbanwan sanya, sik menit ban umke ngay fagnamafangonan sas fagayu furuan laman ngay tagalaga fagbaugun at fagnamafangonan at ngay fagbaugun.

Eremyas 34:17

“Nu katanya, au, Yawi, glong au te, aroro wam nafaning angku ay wam nafalfas ay ngay fagsuguan ay ngay kaiban fag ngay taw Udyu, namalfas au ayu laman kabul am sas awayan, sas fanlunus ay sas fakasaitun. Ay namasik masuya au ayu sas fagayu fagfagtainanan at daga salubangan sas fagdaul daga.

Eremyas 36:29

Sanya ginan, nanlong o sas fun te, ‘Katatuy ku longan: Nairug o kafag rirukan, aroro marirukan sanya te, talun Babilunya ban at fun nanrasras wan tuy fag talun, ay gfabul ban iste fag ngay taw ay fag ngay fagbaugun.

Eremyas 42:22

Nu katanya, katsi gfatuyanan au sa ayu te, kabul ban am sas awayan, sas fanlunus, ay sas fakasaitun sis talun Igiptu, ay nusnga nday ban nu gbanwan am.”

Eremyas 7:20

“Au, Yawi ay Fun, glong au te, namadasug au ste fag furuan ku dotama at maksvn: sa sangay taw, ay sa sangay fagbaugun, ay sa sangay fun kayu, ay sa sangay tanum. Ku dotama kata sik afuy at yud e mafarabung.

Esekyel 12:16

Dewa katanya, gfalangfe kyay ban tibak taw Israel siginans awayan, fanlunus, ay fakasaitun laman ban kafag ngay taw nanlong sa tibak talun at ngay nafakamulun mauri, ay at ngay nadalan fag faurianan, ay siginan takatanya, kanya ban fagayu sumaful te, au Yawi.”

Esekyel 14:13

“Taw at baguama, sik furuan nu nke asalanan siginan nu gtalyuyan angku, gfaurianan kban kafag talun, ay kafag ngay taw ban we fagnamulan ya at fakonun. Namadasug kban fanlunus sa kafag ngay taw ay anggan sat ngay fagbaugun, laman ban kanya fagayu anggan at ngay fagbaugun kabul wan.

Esekyel 14:17

“Ay namadasug kban sanya fag talun sik awayan laman namabul at ngay tagbanwan ay at ngay fagbaugun.

Esekyel 14:19

“Aroro kadotama au anya fagayu, namadasug kban sanya fag talun fakasaitun laman umbul gasfuan at ngay fagbaugun.

Esekyel 14:21

“Au, Fun Dius Yawi, glong au te, afanyuan ban furuan Erusalem gina kban nafadasug sa kafag ngay taw ku nalong fag ufatk faurianan: awayan, fanlunus, tagfangagat fag mela, ay fakasaitun. Aroro kanya ban fagayu at namabul kafag ngay taw gasfuan at ngay fagbaugun.

Esekyel 33:27

“Au, Fun Dius Yawi gfatuyanan au te, kafanud nu gleleg au, ngay taw ban at sawad sit marasrasan fag furuan daul kabul sas awayan. Ay at sawad ban tagsis talun, ngay mangilafang ban kagat wan, ay tagsi sangay fagsuksuanan fag ngay luib kabul sas fakasaitun.

Esekyel 33:29

Ay gina kban nafasik mabaluanan at talun aroro tagbanwan sanya at nafakamulun maksvn nu mauri, kafag ngay taw ban sumaful te, au Yawi.”

Esekyel 7:15

Fagayu ban at naduksun siginans furuan daul umbul sas awayan, ay fagayu ban tagsisad furuan daul umbul sas fakasaitun ay sas fanlunus.

Usea 4:3

Nu katanya, wa ban kafatugbung ya ngay fananumun sa ay daga, ay fagayu ban tagbanwan sanya maksvn nu kabalu, ay fagayu mangilafang, ay ngay manuk tungud ay anggan ngay albon, umbul wan.

Mikas 3:12

Aroro nafakamulun am takatanya, umkiklas ban Siun, furuan Erusalem. Ay kanya ban umkata sik fagtanuman at malian, ay sik fagfungsuan at kinkiklas fag ngay bale, ay at fagfalindugan Yawi at bale fag buksul umkata sik araw.

Sefanias 1:3

ngay taw, ngay fagbaugun, ngay manuk tungud ay anggan ngay albon sis dagat. Umkamin ban fagayu tagsugu sa sik taw laman gfakamulun at mauri. Ay namamin kwan ngay taw sas fagdaul daga. Au, Yawi, taglong tuy.

Lukas 21:24

Tibak taw umbul ban sas fiso, ay tiba e gtaban ban sa tibak talun. Ay at yud Udyu fag ngay taw namabo ban furuan Erusalem, yakmay ban antabu Dius at nafalganan fag buknga laman sa kafag ngay taw.”