Eremyas 21:2 - Fanawbuid tagsibaliwas Fakayabian

² “Namainfanyuan o sas Yawi te, gubuki emi, aroro Nabukudunusur, Babilunya at fun, namawayan emi. Tiba ginan ro Yawi nafasure sik madulo kata ebi at nafakamulun, laman karagang fun Nabukudunusur nu namawayan emi.”

Eremyas 21:2 ပူးပေါင်းရင်းမြစ်များ

Fakasigadan 10:10

Taguna fag ngay furuan Nimrud at fagfagtainanan: Babilunya, Erek ay Akad. Kafag ngay furuan sis talun Sinar.

2 Fun 1:3

Ay Yawi at tagbarita glong sas Elyas fag taw Tisbe te, “Namablang o Samarya at fun at ngay tagfosuk longan ay intoi sa anya fagayu te, ‘Wain yay ay fagnangakbangun sas Baal-Sebub, furuan Ekrun at fagsegan? O nunda we Dius sis Israel?’

2 Fun 17:24

Asirya at fun nasugu ngay taw siginan sangay furuan Babilunya, Kuta, Aba, Amat ay Sefarbaim, ay nafabanwan kafag ngay taw sa sangay furuan tagsis Samarya laman famaungbus ngay taw Israel. Nu katanya, ngay taw Asirya nagbilug Samarya ay tiba yak furuan sis Israel.

2 Krunika 32:21

Nu katanya, Yawi nafadasug at tagbarita laman namabul Asirya at ngay tagfawayan at maseganama ay at ngay fun tagfawayan ay at ngay tagfangguna. Ay fun Senakerib kapla maksvn ay noli wan. Ay kanya nu nasakbo sat fagsegan at bale, at ngay baguama nafabul anya siginan sik fiso tagsumbalian at uyup.

Nu Galin 9:28

Namainfanyuan am nanget sas Yawi te, ‘Faragangi wan takatanya fag lingsi at maksvn ay yelu fag arak.’ Ay gfalao kwan ayu, ay wa masine ya nu gbanwan am ste.”

Isayas 48:2

Ay glong am te, am wan tagbanwan sit yud e malong fag furuan, ay gafanud am sas Yawi at Mabalyanan, Israel at Dius.”

Eremyas 15:11

Yawi nalong sa angku te, “At matuyan, fagayu ban taw kaylat emu. Ay gina ban am ngay fawayan e fagidapun ay e fakabaluun namainfanyuan sa emu te, darangini anya fagayu.

Eremyas 21:3

Ay nabalus au kafag duama te, “Nanlong am sas fun Sedekya te,

Eremyas 32:17

“Yawi, em Fun, nawat o banwa ay daga siginan am fagmabalyananun. Mafakamulun o fagayu nusnge wain.

Eremyas 32:24

Ay katsi, ngay taw Babilunya gfabungsud lutuk si sangaba tigyangan dingding alad furuan Erusalem laman ro kanya fagayu masakbo ay magbilug kanya fag furuan. Aroro siginan sangay awayan, fanlunus, ay fakasaitun, ngayu at kinbul ay ngay taw Babilunya naago kafag furuan kata am longan.

Eremyas 34:1

Nabukudunusur, talun Babilunya at fun, nanamawayan furuan Erusalem ay anggan tagsit ligung fag ngay furuan. Kanya gadgaloan fagayu at ngay tagfawayan ay anggan ngay tagfawayan tagsiginan at fagagbilugun fag ngay fagfagtainanan. Ay ginanya, Yawi, Israel at Dius, nalong sas Eremyas te, “Loi sas Sedekya, Uda at fun, ay nanlong o sa anya te, ‘Yawi glong te, Namon kwan sas talun Babilunya at fun tuy fag furuan daul ay kanya nangirug.

Eremyas 37:17

Ay nu glugo wan, fun Sedekya nafauro Eremyas ay nataban sat bale ay ginas ginto anya te, “O e foyungan o siginans Yawi?” Ay Eremyas gbalus anya te, “Sabv, gfagbilug ban emu sas talun Babilunya at fun.”

Eremyas 37:3

Nu katanya, fun Sedekya nasugu Yeukal, Selemya at baguama, ay Sefanyas fag tagfon fanggalangun, Maaseya at baguama te, “Loi sas Eremyas ay nanget am sa anya te, darangini emi sa tam Dius Yawi.”

Esekyel 7:26

Ay umdasug ban sa anya fagayu nusnga setaw fag malimu ay at mauri fag ngay barita. Ay kanya ban fag ngay taw nanginto sa sangay taglong, dewa katanya, wa ban mafabalus at ngay fagintoun. Ay namayfoyung yangay ban sa sangay tagfon fanggalangun ay nanget famalun sa sangay tagfangguna, dewa katanya, wa ban e gfoyung ay we mafalu anya fagayu.

Tagfangguna 20:27

Ginanya fag buknga, Dius at Fagsuadan Nasadian sis talun Betel. Ginanya tagalaga Dius at Fagsuadan Nasadian, Finekas, Elyasar at baguama ay Arun at fufu. Ngay taw Israel gdog yay ginto sas Yawi te, “O gdog yay mi namawayan em ngay kalongan Benamin at kasugfunanan o mannga deyud ya?” Ay Yawi nabalus te, “Dogi yap namawayani anya fagayu, aroro balabag ban mababo am kanya fagayu.”

1 Samwel 10:22

Nu katanya, kafag ngay taw ginto sas Yawi te, “Dada wan Saul?” Ay Yawi gbalus te, “Ste way. Kanya gsuksuan sis wa famubaun.”

1 Samwel 28:15

Ay Samwel nalong sas Saul te, “Wain am fagfasalagun yay angku?” Ay Saul nabalus te, “Maksvn nu gidapan au. Ngay taw Filistia gfawayan angku ay Dius natalyuyan wan angku. Kanya wa gbalus ya angku, dewa sas nusnga setaw fag balyawvtan. Nu katanya, katsi ginto au sa emu te, setain ro ku fakamulun?”

1 Samwel 28:6

Nu katanya, kanya nainto sas Yawi. Dewa katanya, Yawi wa nabalus anya dewa siginans taginfan ay siginan ngay taglong.